* អត្ថប្រយោជន៍លម្អិតនៃការញ៉ាំផ្លែម្នាស់ចំពោះសុខភាព៖– ព្យាបាលការរលាកសន្លាក់
ម្នាស់មានសមត្ថភាព ក្នុងការបន្ថយការរលាកសន្លាក់ និងសាច់ដុំ ជាពិសេសអ្នកដែលមានជំងឺរលាកសន្លាក់។ វាផ្ទុកទៅដោយអង់ស៊ីមដ៏កម្រមួយឈ្មោះថា Bromelain ដែលមាននាទីជួយដល់ការបំបែកប្រូតេអ៊ីន និងប្រឆាំងការរលាកផងដែរ ។
– បង្កើនមុខងារប្រព័ន្ធភាពស៊ាំ
ផ្លែម្នាស់សម្បូរទៅដោយវីតាមីនC ដែលជួយដល់ការបន្ថយការកើតជំងឺ និងបង្កើនមុខងារប្រព័ន្ធភាពស៊ាំតាមរយៈការភ្ញោចដល់សកម្មភាពរបស់កោសិកាគ្រាប់ឈាមស និងដើរតួនាទីជាអង់ទីអុកស៊ីដង់ដើម្បីប្រឆាំងឥទ្ធិពលគ្រោះថ្នាក់របស់រ៉ាឌីកាលសេរី ។
– បង្កើនការជាសះរបួស
វីតាមីនដ៏ខ្ពស់របស់វីតាមីនC ក្នុងផ្លែម្នាស់នឹងជួយរបួសដែលអ្នកមានឆាប់ជា ហើយក៏ប្រឆាំងនឹងការបង្ករោគផងដែរ ។ វីតាមីន C ដើរតួនាទីដ៏សំខាន់មួយក្នុងការបង្កើតជាកូឡាជែន ។ នេះជាហេតុផលមួយដែលវាជួយឲ្យរបួសឆាប់ជាឡើងវិញផងដែរ ។
– បង្ការមហារីក
ផ្លែម្នាស់មានការទាក់ទងដោយផ្ទាល់មួយក្នុងការបង្ការការលូតលាស់មហារីកក្នុងមាត់ បំពង់ក និងសុដន់ ដោយសារតែវាសម្បូរអង់ទីអុកស៊ីដង់ដូចជា វីតាមីន A, Beta-carotene, Bromelain, Flavonoids, និងម៉ងហ្គាណេស។ ម៉ងហ្គាណេស គឺជា Cofactor ដ៏សំខាន់នៃ Superoxide Dismutase សម្រាប់ទប់ស្កាត់រ៉ាឌីកាល់សេរី ដូច្នេះវានឹងបង្ការជំងឺមហារីកបានច្រើនប្រភេទ ។
– ជួយដល់ការរំលាយអាហារ
ការញ៉ាំម្នាស់ទៀងទាត់អាចការពារអ្នកពីបញ្ហាសុខភាពជាច្រើនដូចជា ការទល់លាមក រាករូស រលាកពោះវៀន ក្រិនរឹងសរសៃឈាម និងការកកឈាម ព្រមទាំងលើសសម្ពាធឈាមផងដែរ ។ ម្នាស់សម្បូរជាតិសរសៃ នឹងជំរុញដល់ការដឹកជញ្ជូនអាហារក្នុងផ្លូវរំលាយអាហារលើកម្រិតធម្មតា និងភ្ញោចដល់ការបញ្ចេញរសរំលាយអាហារផងដែរ ។ វានឹងជួយធ្វើឲ្យលាមកទន់ ដែលអាចព្យាបាលការរាករូស និងការរលាកពោះវៀនផងដែរ។
– ព្យាបាលការក្អក និងផ្តាសាយ
ម្នាស់សម្បូរទាំង Bromelain និងវីតាមីន C ដូច្នេះវាជួយបង្ការ និងព្យាបាលជំងឺផ្លូវដង្ហើមខណៈពេលដែលជួយរំលាយស្លេស្ម និងបញ្ចេញវាពីក្នុងខ្លួនបើសិនជាអ្នកឆ្លងជំងឺនេះរួចហើយ។ ជីវជាតិទាំងពីរនេះក៏ជួយបន្ថយស្លេស្មក្នុងផ្លូវដង្ហើម និងទឹករំអិលក្នុងប្រហោងឆ្អឹងនៅមុខផងដែរ ។
– ពង្រឹងដល់សុខភាពឆ្អឹង
ម្នាស់ផ្ទុកទៅដោយសារធាតុម៉ង់ហ្គាណេសដែលជាជាតិរ៉ែដ៏សំខាន់សម្រាប់ពង្រឹងដល់សុខភាពឆ្អឹង ព្រមទាំងការលូតលាស់ និងជួសជុលឆ្អឹង ។ វាមានផ្ទុកទៅដោយជាតិម៉ងហ្គាណេសច្រើនជាង ៧០ភាគរយនៃតម្រូវការប្រចាំថ្ងៃរបស់មនុស្សយើង ។
– បំបាត់ជំងឺហឺត
ផ្លែម្នាស់ជួយដល់ការបំបាត់រោគសញ្ញានៃជំងឺហឺត ។ វាផ្ទុកទៅដោយជីវជាតិដ៏សំខាន់ដូចជា វីតាមីន C, Bromelain និង Beta-carotene ដែលជួយបន្ថយការរលាកដែលទាក់ទងនឹងជំងឺហឺតតែម្តង ។
– គ្រប់គ្រងជំងឺទឹកនោមផ្អែម
ផ្លែម្នាស់សម្បូរទៅដោយជាតិសរសៃ តែជាអាហារល្អសម្រាប់ជំងឺទឹកនោមផ្អែម ។ សម្រាប់ជំងឺទឹកនោមផ្អែមប្រភេទទី១ វាជួយក្នុងការបញ្ចុះជាតិស្ករក្នុងឈាម ។ សម្រាប់ជំងឺទឹកនោមផ្អែមប្រភេទទី២ វានឹងពង្រឹងដល់ជាតិស្រកក្នុងឈាម អាំងស៊ុយលីន និងជាតិខ្លាញ់ផងដែរ ។
– បង្កើនលទ្ធភាពអាចមានកូន
ផ្លែម្នាស់ត្រូវបានគេដឹងថា ជួយបង្កើនលទ្ធភាពនៃការមានកូនបានដោយសារតែអង់ទីអុកស៊ីដង់ដែលវាមាន ។ វីតាមីន និងជាតិរ៉ែដូចជា វីតាមីន C, Beta-carotene ទង់ដែង ស័ង្កសី និង Folate សុទ្ធតែដើរតួនាទីដ៏សំខាន់ក្នុងការពង្រឹងដល់ភាពអាចមានកូនបានរបស់មនុស្សស្រី ។
– ថែរក្សាស្បែក
វីតាមីនC ដែលមានក្នុងផ្លែម្នាស់គឺជាអង់ទីអុកស៊ីដង់ដ៏អស្ចារ្យមួយដែលជួយបង្កើនថាមពលរបស់ស្បែក ។ វាក៏ជួយបោសសម្អាតស្បែក ប្រឆាំងការខូចខាតរបស់ស្បែក និងបន្ថយភាពចាស់តាមរយៈបន្ថយភាពជ្រីវជ្រួញលើស្បែក ។ យ៉ាងណាមិញការបង្កើតកូឡាជែនគឺជារឿងដ៏ល្អមួយដែលវីតាមីន C អាចធ្វើបាន ដើម្បីថែរក្សាជាលិកាស្បែកឲ្យមានសុខភាពល្អ ។
– ពង្រឹងដល់សុខភាពមាត់ធ្មេញ
ជាមួយគ្នានឹងអង់ទីអុកស៊ីដង់ដែលការពារមហារីកមាត់ធ្មេញ តែផ្លែម្នាស់ក៏មានសារធាតុ Astringent ដែលអាចពង្រឹងដល់សុខភាពអញ្ចាញធ្មេញ និងធ្មេញបាន ។ ផ្លែម្នាស់គឺមានសារធាតុ Astringent ខ្លាំងបំផុត ហើយក៏ច្រើនតែប្រើទៅលើការដោះស្រាយបញ្ហាពុកធ្មេញ ឬអញ្ចាញធ្មេញផងដែរ ។ សារធាតុ Astringent អាចជួយបន្តឹងជាលិកា និងកម្លាំងរបស់រាងកាយ ដូច្នេះការបាក់ធ្មេញក៏មិនកើតឡើងដែរ ។
– ពង្រឹងដល់សុខភាពភ្នែក
ផ្លែម្នាស់មានសមត្ថភាពពង្រឹងដល់ភ្នែក និងបង្ការជំងឺភ្នែកដែលទាក់ទងនឹងអាយុ។ ជំងឺភ្នែក Macular Degeneration ប៉ះពាល់ទៅលើមនុស្សវ័យចំណាស់ភាគច្រើន ហើយវត្តមានរបស់ Beta-carotene ក្នុងផ្លែម្នាស់អាចជួយបង្ការបញ្ហាភ្នែកបានដែរ ។
– សម្រួលដល់សម្ពាធឈាម
ផ្លែម្នាស់គឺជាប្រភពដ៏ល្អមួយនៃជាតិប៉ូតាស្យូម ។ សកម្មភាពពង្រីកសរសៃឈាមរបស់ជីវជាតិមួយនេះនឹងជួយបន្ធូរភាពតឹង និងស្ត្រេសក្នុងសរសៃឈាម ព្រមទាំងបង្កើនរបត់ឈាមរត់ទៅផ្នែកជាច្រើននៃរាងកាយ ។ នៅពេលសរសៃឈាមធូ សម្ពាធឈាមត្រូវបានថយចុះ ហើយលំហូរក៏ស្រួលជាងវិញដែរ។
– ការពារសុខភាពបេះដូង
សមត្ថភាពពង្រីកសរសៃឈាមរបស់ជាតិប៉ូតាស្យូមក្នុងម្នាស់អាចបង្ការកុំឲ្យមានកំណកឈាមស្ទះក្នុងលំហូរឈាម និងបន្ថយការកកកុញកំណកក្នុងសរសៃឈាមអាក់ទែបាន។ រឿងនេះនឹងជួយបង្ការជំងឺជាច្រើនដូចជា ជំងឺក្រិនរឹងសរសៃឈាម គាំងបេះដូង និងដាច់សរសៃឈាមខួរក្បាល ។
– ពង្រឹងរបត់ឈាមរត់
ជាមួយគ្នានឹងសមត្ថភាពពង្រីកសរសៃឈាមរបស់ប៉ូតាស្យូម ផ្លែម្នាស់ក៏ផ្តល់នូវជាតិទង់ដែង ដែលជាជាតិរ៉ែដ៏សំខាន់មួយផ្សេងទៀតសម្រាប់រាងកាយផងដែរ ។ ទង់ដែងជាសមាធាតុដ៏សំខាន់លើការបង្កើកគ្រាប់ឈាមក្រហមដ៏មានសុខភាពល្អ ។ ការដែលកោសិកាគ្រាប់ឈាមក្រហមមានច្រើនវានឹងបង្កើនអុកស៊ីសែនទៅចិញ្ចឹមគ្រប់សរីរាង្គ និងធ្វើឲ្យវាមានមុខងារកាន់តែប្រសើរ។ វាជួយបង្កើនសមត្ថភាពនៃភាពឆ្លាតវៃ និងបង្ការជំងឺភ្លេចភ្លាំងពេលចាស់ជរា ។
– រំលាយក្រួសក្នុងតម្រងនោម
តាមរយៈការសម្រួលដល់ការរំលាយអាហារ និងបន្ថយកំណកឈាម ផ្លែម្នាស់នឹងជួយរំលាយដល់ក្រួសក្នុងតម្រងនោមបាន ។ ផ្លែឈើដែលសម្បូរសារធាតុ Bromelain នឹងជួយថែរក្សាតម្រងនោមមានសុខភាពល្អ និងមិនឲ្យកើតក្រួសឡើយ ៕
ស្រង់ពីគេហទំព័រសុខភាព
ចែករំលែកព័តមាននេះ