ខេត្តព្រះសីហនុ ៖ នៅវេលាម៉ោង១១និង០២នាទីយប់ ថ្ងៃទី២៥ ខែមេសា ឆ្នាំ២០១៨ មានការភ្ញាក់ផ្អើលមួយឈុលដោយសារតែការឆ្លងចរន្តអគ្គិសនីលើបង្គោលភ្លើងបែកចេញជាអណ្ដាតភ្លើងឆាបឆេះសន្ធោសន្ធៅនៅតាមបង្គោលខ្សែរភ្លើងមួយដើម ដែលបំពាក់ទៅដោយខ្សែរកាបអុបទិក តាមបណ្តោយវិថីមិត្តភាព ស្ថិតក្នុងសង្កាត់លេខ០២ ក្រុងព្រះសីហនុ ខេត្តព្រះសីហនុ ។
ក្នុងហេតុការណ៍ឆ្លងចរន្តអគ្គិសនីឆាបឆេះនៅលើបង្គោលភ្លើងបានបង្កឡើងឲ្យមានកាភ្ញាក់ផ្អើលដល់បងប្អូនប្រជាពលរដ្ឋដែលមានលំនៅដ្ឋានក្បែរកន្លែងកើតហេតុ និងភ្ញៀវទេសចរជាតិ អន្តរជាតិកំពុងតែធ្វើដំណើរតាមដងវិថីខាងលើអំពីសុវត្ថិភាពផ្ទាល់ខ្លួន ខណៈដែលអណ្ដាតភ្លើងបានឆេះខ្សែភ្លើងដាច់ធ្លាក់រាយប៉ាយមកលើដងផ្លូវអាចប្រឈមគ្រោះថ្នាក់ឆក់ដល់ស្លាប់ ខណ:មន្ត្រីជំនាញអគ្គិសនីមិនទាន់បានបិទទូបញ្ជាការចែកចាយចរន្តប្រើប្រាស់ ។
បន្ទាប់ពីមានហេតុការណ៍ខាងលើ មានរថយន្តបង្ការ និងពន្លត់អគ្គិភ័យរបស់ស្នងការនគរបាលខេត្តព្រះសីហនុ និងរថយន្តបង្ការ និងពន្លត់អគ្គិភ័យកំពង់ផែរស្វយ័តបានជួយអន្តរាគមន៍ក្នុងការបាញ់ទឹកពន្លត់ទប់ស្កាត់ការឆេះឆ្លងរាលដាលដល់លំនៅដ្ឋានប្រជាពលរដ្ឋដែលនៅក្បែរកន្លែងកើតហេតុ ៕
ចែករំលែកព័តមាននេះ