ការព្យាបាលជំងឺរលាកក្រពះ គឺអាស្រ័យទៅលើមូលហេតុច្បាស់លាស់ណាមួយ ។ ជំងឺរលាកក្រពះធ្ងន់ដែលបណ្តាលមកពីថ្នាំបំបាត់ការឈឺចាប់ ( NSAIDs) ឬ មកពីសុរា អាចនឹងត្រូវបានធូរស្រាលមកវិញ ដោយការបញ្ឈប់នូវការប្រើប្រាស់សារជាតិទាំងនោះ។…
ការព្យាបាលជំងឺរលាកក្រពះ គឺអាស្រ័យទៅលើមូលហេតុច្បាស់លាស់ណាមួយ ។ ជំងឺរលាកក្រពះធ្ងន់ដែលបណ្តាលមកពីថ្នាំបំបាត់ការឈឺចាប់ ( NSAIDs) ឬ មកពីសុរា អាចនឹងត្រូវបានធូរស្រាលមកវិញ ដោយការបញ្ឈប់នូវការប្រើប្រាស់សារជាតិទាំងនោះ។ រីឯជំងឺរលាកក្រពះរុំារ៉ៃ ដែលមានប្រភពមកពីការចម្លងរោគរបស់ពពួកមេរោគ H.pylori ជាធម្មតាត្រូវបានព្យាបាលដោយការកម្ចាត់បាក់តេរីទាំងនោះចោល ។ ចំពោះគម្រោងការនៃការព្យាបាលជំងឺរលាកក្រពះភាគច្រើន ក៏ត្រូវបានរួមសហការផងដែរ ជាមួយនឹងឱសថទាំងឡាយណា ដែលព្យាបាលទៅលើជាតិអាស៊ីតនៅក្នុងក្រពះ ដើម្បីជួយកាត់បន្ថយសញ្ញាណ និងរោគសញ្ញាដែលអ្នក បានជួបប្រទះនិងជម្រុញដល់ការជាសះស្បើយ នៅក្នុងក្រពះរបស់អ្នក ។
ឱសថដែលប្រើសម្រាប់ធ្វើការព្យាបាលជំងឺរលាកក្រពះរួមមាន៖
• ថ្នាំអង់ទីប៊ីយ៉ូទិក សម្រាប់សម្លាប់មេរោគ H.pylori ។ ប្រសិនបើមេរោគប្រភេទនេះ ត្រូវបានរកឃើញនៅក្នុងបំពង់រំលាយអាហាររបស់អ្នក នោះវេជ្ជបណ្ឌិតនឹងណែនាំអ្នកឲ្យប្រើនូវសមាសធាតុនៃថ្នាំអង់ទីប៊ីយ៉ូទិក ដើម្បីសម្លាប់មេរោគទាំងនេះ ។ ប្រភេទក្រុមនៃថ្នាំអង់ទីប៊ីយ៉ូទិក គឺមានច្រើនប្រភេទ ផ្សេងៗគ្នា ដែលបានប្រើប្រាស់នៅក្នុងពិភពលោកនេះ ។
នៅក្នុងសហរដ្ឋអាមេរិក ថ្នាំអង់ទីប៊ីយូទិក ដែលត្រូវបានចេញវេជ្ជបញ្ជាសម្រាប់ការព្យាបាលមេរោគ H.pylori រួមមានដូចជា៖ អាម៉ុកស៊ីលីន (Amoxicillin ), ក្លារីដ្រូមីស៊ីន (clarithromycin) ឬ Biaxin ,មេត្រូណីដាហ្សូល (metronidazole ) ឬ Flagyl និងតេត្រាស៊ីគ្លីន ( tetracycline) ។ អ្នកនឹងអាចលេបវាក្នុងរយៈពេលពីរសប្តាហ៍ ដោយវាអាស្រ័យទៅលើប្រភេទ និង ចំនួនរបស់វា ។
•ឱសថ ដែលរាំងខ្ទប់ដល់ការផលិតជាតិអាស៊ីត ជំរុញឲ្យមានការជាសះស្បើយ ។ ថ្នាំរារាំងប្រូតុន (Proton) សប់បានជួយកាត់បន្ថយនូវជាតិអាស៊ីតដោយការរាំងខ្ទប់នៅសកម្មភាពនៃផ្នែករបស់កោសិកា ដែលមានមុខងារផលិតជាតិអាស៊ីត ។ ប្រភេទថ្នាំទាំងនេះ រួមមានទាំងថ្នាំដែលត្រូវការវេជ្ជបញ្ជា និងថ្នាំដែលមិនចាំបាច់ត្រូវការវេជ្ជបញ្ជាមានដូចជា៖ អូមេប្រាហ្សូល (omeprazole ) ឬ Prilosec ឡេនសូប្រាហ្សូល (lansoprazole ) ឬ Prevacid រ៉ាបេប្រាហ្សូល (rabeprazole ) ឬ Aciphex អឺសូមេប្រាហ្សូល (esomeprazole ) ឬ Nexium ឌិចឡង់សូប្រាហ្សូល ( dexlansoprazole ) ឬ Dexilant និង ប៉ង់តូប្រាហ្សូល (pantoprazole ) ឬ Protonix ។
ការប្រើប្រាស់ថ្នាំប្រភេទទាំងនេះក្នុងរយៈពេលយូរ ជាពិសេសក្នុងកម្រិតដូសថ្នាំខ្ពស់នោះ គឺអាចនឹងបង្កើនឱកាសនូវការប្រឈមនឹងគ្រោះថ្នាក់នៃការបាក់ឆ្អឹងត្រគាក,កដៃ និងឆ្អឹងខ្នង ។ អ្នកអាចសាកសួរវេជ្ជបណ្ឌិតថាតើការប្រើប្រាស់ថ្នាំគ្រាប់កាល់ស្យូមបន្ថែម អាចកាត់បន្ថយនូវការប្រឈមនឹងគ្រោះថ្នាក់នេះបានដែរឬទេ ?
• ឱសថដែលជួយកាត់បន្ថយនូវផលិតផលរបស់ជាតិអាស៊ីត ។ ថ្នាំរាំងខ្ទប់នូវជាតិអាស៊ីត ឬត្រូវបានគេហៅម្យ៉ាងទៀតផងដែរថា ( H-2) blockers បានជួយកាត់បន្ថយនូវចំនួន នៃជាតិអាស៊ីតដែលត្រូវបានបញ្ចេញទៅក្នុងបំពង់អាហាររបស់អ្នក ដែលវាអាចជួយធ្វើឲ្យភាពឈឺចាប់នៃការរលាកក្រពះនេះ មានភាពធូរស្រាល និងជំរុញវាឆាប់មានការជាសះស្បើយ ។ វាមានដាក់លក់ទាំងក្នុងទម្រង់ជាឱសថដែលត្រូវការវេជ្ជបញ្ជា ឬក៏មិនចាំបាច់ត្រូវការវេជ្ជបញ្ជានោះទេ ។
ប្រភទថ្នាំទាំងនេះ រួមមានដូចជា៖ រ៉ានីទីឌីន (ranitidine ) ឬ Zantac ហ្វាម៉ូទីឌីន (famotidine) ឬ Pepcid, ស៊ីមេទីឌីន (cimetidine ) ឬ Tagamet និង នីហ្សាទីឌីន (nizatidine ) ឬ Axid ។
•ឱសថប្រភេទអង់តាស៊ីដ ដែលជួយបន្សាបដល់ជាតិអាស៊ីតនៅក្នុងក្រពះ ។ វេជ្ជបណ្ឌិតអាចនឹងបន្ថែមនូវថ្នាំអង់តាស៊ីដ ទៅក្នុងប្រភេទថ្នាំដែលអ្នកត្រូវប្រើប្រាស់ ។ ថ្នាំអង់តាស៊ីដ អាចជួយបន្សាបជាតិអាស៊ីត ដែលមាននៅក្នុងក្រពះ និងអាចធ្វើឲ្យការឈឺចាប់មានភាពធូរស្បើយ ។ ផលរំខានរបស់វា អាចមានដូចជា៖ ទល់លាមក ឬរាក គឺអាស្រ័យទៅលើធាតុផ្សំសំខាន់របស់វា ៕
ស្រង់ពីគេហទំព័រសុខភាព
ចែករំលែកព័តមាននេះ