ប្រទេសចិន ៖ លោក SHEN JINKE អ្នកនាំពាក្យរបស់កងទ័ពអាកាសចិនអះអាងកាលពីថ្ងៃទី១៩ មេសា ថា កងទ័ពអាកាសចិនបានធ្វើនាពេលថ្មីៗនេះការហោះល្បាតលើផ្ទៃសមុទ្រក្នុងឱកាសនៃសមយុទ្ធហ្វឹកហ្វឺនមួយសំដៅកែលម្អសមត្ថភាពថែរក្សាអធិបតេយ្យភាពជាតិ និងបូរណភាពដែនដី ។
តាមលោក SHEN JINKE ថា សមយុទ្ធនេះចូលរួមដោយបណ្តាយន្តហោះទម្លាក់គ្រាប់បែកធុន H-6K យន្តហោះប្រដេញ SU-30 និង J-11 ព្រមទាំងបណ្តាយន្តហោះស៊ើបការណ៍ និងប្រកាសអាសន្ន ។ លោកបន្តថា កងទ័ពអាកាសចិននឹងបន្តហោះល្បាតលើផ្ទៃសមុទ្រ និងកោះទាំងឡាយដោយមានការចូលរួមរបស់យន្តហោះប្រយុទ្ធប្រភេទផ្សេងៗ យោងតាមផែនការដែលរៀបចំទុកមុន ។ កងទ័ពអាកាសមានទំនុកចិត្ត និងមានសមត្ថភាពថែរក្សាអធិបតេយ្យភាពជាតិ និងបូរណភាពដែនដី ៕
ចែករំលែកព័តមាននេះ