ខេត្តស្វាយរៀង ៖ លោកនាយរងនគបាលប៉ុស្ត៍រដ្ឋបាលឃុំគ្រួសម្នាក់បានដួលម៉ូតូស្លាប់យ៉ាងអាណោចអាធ័មខណៈកំពុងជិះម៉ូតូធ្លាក់ចូលក្នុងប្រឡាយគោកគ្មានទឹតពេលដែលគាត់ចេញល្បាតតែម្នាក់ឯង ដើម្បីការពារសន្តិសុខ សុវត្ថិភាពជូនប្រជាពលរដ្ឋក្នុងឱកាសបុណ្យចូលឆ្នាំថ្មី ហេតុការណ៍គួរឲ្យសោកស្ដាយនេះ បានកើតឡើងកាលពីម៉ោង៥និង៣០នាទីទៀបភ្លឺ ថ្ងៃទី១៦ ខែមេសា ឆ្នាំ២០១៨…
ខេត្តស្វាយរៀង ៖ លោកនាយរងនគបាលប៉ុស្ត៍រដ្ឋបាលឃុំគ្រួសម្នាក់បានដួលម៉ូតូស្លាប់យ៉ាងអាណោចអាធ័មខណៈកំពុងជិះម៉ូតូធ្លាក់ចូលក្នុងប្រឡាយគោកគ្មានទឹតពេលដែលគាត់ចេញល្បាតតែម្នាក់ឯង ដើម្បីការពារសន្តិសុខ សុវត្ថិភាពជូនប្រជាពលរដ្ឋក្នុងឱកាសបុណ្យចូលឆ្នាំថ្មី ហេតុការណ៍គួរឲ្យសោកស្ដាយនេះ បានកើតឡើងកាលពីម៉ោង៥និង៣០នាទីទៀបភ្លឺ ថ្ងៃទី១៦ ខែមេសា ឆ្នាំ២០១៨ នៅចំណុចលើផ្លូវលំ ស្ថិតក្នុងភូមិថ្នា ឃុំគ្រួស ស្រុកស្វាយជ្រំ ។
បើតាមសមត្ថកិច្ចស្រុកស្វាយជ្រំឲ្យដឹងថា នាយរងប៉ុស្តិ៍នគរបាលគ្រួសខាងលើនេះ ឈ្មោះ ព្រាប សាភួន អាយុ៥០ឆ្នាំ មានឋានន្តរស័ក្តិជាអនុសេនីយ៍ទោ រស់នៅភូមិថ្នាឃុំគ្រួស ស្រុកស្វាយជ្រំ។ ហើយមុនកើតហេតុ គាត់បានចេញល្បាតចល័តតាមគោលដៅ រហូតដល់ចំណុចលើផ្លូវលំក្នុងភូមិថ្នា ស្រាប់តែដួលម៉ូតូធ្លាក់ចូលក្នុងប្រឡាយដែលគ្មានទឹកគោកប្រេះក្រហែងបោកផ្កាប់មុខទៅលើដី បណ្តាលឱ្យស្លាប់បាត់បង់ជីវិតតែម្ដង។
ប្រភពដដែលបន្តទៀតថា ក្រោយពីទទួលព័ត៌មាននេះ កម្លាំងអធិការនគរបាលស្រុកស្វាយជ្រំសហការជាមួយកម្លាំងជំនាញខេត្ត បានចុះស្រាវជ្រាវជុំវិញកន្លែងកើតហេតុ និងធ្វើកោសល្យវិច្ច័យលើដងខ្លួនសពរួចឃើញមានស្នាមទ្រុឌចំដើមទ្រូងចំនួន២កន្លែង និងសៀតផ្កាខាងឆ្វេង ១កន្លែង ដោយដួលបុកនឹងកាំភ្លើងដែលជនរងគ្រោះស្ពាយ បណ្តាលឲ្យស្លាប់តែម្តង។ បច្ចុប្បន្ន សពជនរងគ្រោះត្រូវបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី៕
ចែករំលែកព័តមាននេះ