ជាតិជាទារកទើបនឹងកើតគឺត្រូវការការគេងច្រើនណាស់ រហូតដល់១៦ទៅ១៧ម៉ោងឯណោះក្នុងមួយថ្ងៃ ។ ប៉ុន្តែទារកភាគច្រើនមិនគេងជាប់លើសពី២ទៅ៤ម៉ោងក្នុងមួយដងមួយថ្ងៃ ឬយប់ ឡើយក្នុងរយៈពេលពីរបីសប្តាហ៍ដំបូងនៃជីវិត ។
ការគេងច្រើនសម្រាប់ទារកអាចនឹងមានការប្រែប្រួលដែរ។ សម្រាប់ឪពុកម្តាយថ្មីថ្មោង អ្នកត្រូវភ្ញាក់ពីគេងច្រើនដងក្នុងពេលយប់ដើម្បីផ្លាស់ប្តូរខោទឹកនោម បំបៅកូន និងលួងគេ ។
វដ្តនៃការគេងរបស់ទារកមានលក្ខណៈខ្លីជាងមនុស្សធំបន្តិច ហើយទារកត្រូវការពេលច្រើនដើម្បីគេង ដែលរឿងនេះសំខាន់សម្រាប់ការលូតលាស់ និងធំធាត់របស់ខួរក្បាលគេតែម្តង។ ទោះបីជាយ៉ាងណាក៏ដោយ ការគេងរបស់គេច្រើនបែបនេះ គឺមិនអាចគិតទុក ឬទស្សន៍ទាយទុកមុនបានថា គេត្រូវគេយូរ ឬតិចប៉ុណ្ណោះទេ ប៉ុន្តែវានឹងគ្រប់គ្រាន់សម្រាប់អ្នកមើល ឬឪពុកម្តាយគេងមិនបានឆ្អែតហើយ ។
នៅពេលកូនអាយុពី៦ទៅ៨សប្តាហ៍ ទារកភាគច្រើនចាប់ផ្តើមគេងតិចជាងមុននៅពេលថ្ងៃ និងគេងច្រើននៅពេលយប់ ថ្វីបើភាគច្រើនការភ្ញាក់ពីគេងនៅពេលយប់ម្តងៗត្រូវតែបំបៅកូនបន្ថែមរហូត។
ដល់ពេកកូនអាយុចន្លោះ៤ទៅ៦ខែ ទារកភាគច្រើនអាចគេងយូរពី៨ទៅ១២ម៉ោងក្នុងមួយយប់តែម្តង ។ ទារកទើបនឹងកើតខ្លះអាចគេងយូរៗដែរ នៅពេលយប់ ជាពិសេសពេលជិតចូលដល់ សប្តាហ៍ទី៦ ៕
ស្រង់ពីគេហទំព័រសុខភាព
ចែករំលែកព័តមាននេះ