រាជធានីភ្នំពេញ ៖ បុរសជាអ្នករត់ម៉ូតូឌុបម្នាក់រងរបួសជើង បន្ទាប់ពីជិះម៉ូតូឆ្លងផ្លូវ ត្រូវបានម៉ូតូសណ្តោងរ៉ឺម៉កមួយគ្រឿងបើកលើផ្លូវអាទិភាពព្យាយាមគេចរែមិនផុតក៏ជ្រុលបុកគ្នា បណ្តាលឲ្យដួលរងរបួសកាលពីវេលាម៉ោង៣និង៣០នាទីរសៀលថ្ងៃទី០៩ ខែមេសា ឆ្នាំ២០១៨ នៅលើកំណាត់ផ្លូវជាតិលេខ៣ មុខបញ្ជាការដ្ឋានកងវិស្វកម្ម…
រាជធានីភ្នំពេញ ៖ បុរសជាអ្នករត់ម៉ូតូឌុបម្នាក់រងរបួសជើង បន្ទាប់ពីជិះម៉ូតូឆ្លងផ្លូវ ត្រូវបានម៉ូតូសណ្តោងរ៉ឺម៉កមួយគ្រឿងបើកលើផ្លូវអាទិភាពព្យាយាមគេចរែមិនផុតក៏ជ្រុលបុកគ្នា បណ្តាលឲ្យដួលរងរបួសកាលពីវេលាម៉ោង៣និង៣០នាទីរសៀលថ្ងៃទី០៩ ខែមេសា ឆ្នាំ២០១៨ នៅលើកំណាត់ផ្លូវជាតិលេខ៣ មុខបញ្ជាការដ្ឋានកងវិស្វកម្ម អគ្គបញ្ជាការ ភូមិព្រៃព្រីងត្បូង១ សង្កាត់ចោមចៅ២ ខណ្ឌពោធិសែនជ័យ ។
ជនរងគ្រោះក្នុងហេតុការណ៍ខាងលើឈ្មោះ អេប ជា ភេទប្រុស អាយុ៣០ឆ្នាំ មុខរបររត់ម៉ូតូឌុប មានទីលំនៅ ភូមិពេជ្ជនា ឃុំបន្ទាយមាសខាងកើត ស្រុកបន្ទាយមាស ខេត្តកំពត ។ ដែលជិះម៉ូតូមួយគ្រឿងម៉ាក ហុងដាវ៉េវ ពណ៌ផ្ទៃមេឃ ពាក់ស្លាកលេខ កំពង់ចាម 1A-6628 ។
តាមប្រភពនៅកន្លែងបានឲ្យដឹងថា មុនកើតហេតុភាគីខាងម៉ូតូវ៉េវ ជិះលើផ្លូវបញ្ច្រាសទិសដៅចរាចរណ៍ ពីត្បូងទៅជើង ហើយបើកឆ្លងផ្លូវទៅកើតត្រូវបានម៉ូតូសណ្តោងរ៉ឺម៉កបើកបរលើផ្លូវអាទិភាពពីជើងទៅត្បូង ព្យាយាមខំគេចទៅឆ្វេងដៃ រីឯម៉ូតូវ៉េវព្យាយាមឆ្លងគេចទៅស្តាំដែរ ទីបំផុតគេចមិនរួចជ្រុលបុកគ្នា បណ្តាលឲ្យដួលរងរបួសម្នាក់ បែកដាច់ម្រាមជើងខាងស្តាំ និងប្រេះឆ្អឹងជង្គង់ ។
ក្រោយកើតហេតុជនរងគ្រោះត្រូវបានពលរដ្ឋហៅរថយន្តសង្គ្រោះរបស់អង្គភាព៧១១ ដឹកបញ្ជូនទៅមន្ទីរពេទ្យព្រះកុសុមៈ រីឯម៉ូតូ និងម៉ូតូសណ្តោងរ៉ឺម៉កទោះជាមានតំណាងក៏មកដោះស្រាយគ្នានៅកន្លែងកើតហេតុ នៅតែមិនត្រូវគ្នា បន្ទាប់ពីភាគីខាងម៉ូតូវ៉េវ ទាមទារសំណង៥០០ដុល្លារ ទើបមិនត្រូវគ្នា សមត្ថកិច្ចសម្រេចយកទៅរក្សាទុកនៅផ្នែកជំនាញអធិការដ្ឋានខណ្ឌរង់ចាំដោះស្រាយពេលក្រោយ ៕
ចែករំលែកព័តមាននេះ