រាជធានីភ្នំពេញៈ ផ្តើមចេញពីទឹកចិត្តស្រឡាញ់វិស័យសារព័ត៌មាន ធ្វើឱ្យយើងដិតអារម្មណ៍គ្រប់សកម្មភាពដែលកើតមាននៅជុំវិញខ្លួនទាំងអស់ ហើយសកម្មភាពទាំងនោះគឺសុទ្ធតែជាប្រភពព័ត៌មានល្អៗសម្រាប់ប្រិយមិត្តអ្នកអាន គ្រប់មជ្ឈដ្ឋាន ។
ផ្អែកលើផ្នត់គំនិតបែបនេះ បានធ្វើឱ្យយើងឈានទៅច្បិចយកនូវទិដ្ឋភាពមួយ ដែលបង្ហាញពីបុរសវ័យចំណាស់ម្នាក់កំពុងជក់ចិត្តដិតអារម្មណ៍អានកាសែតកោះសន្តិភាព ដោយមិនខ្វល់ពីអ្វីនៅជុំវិញខ្លួន និងរបររកស៊ីរបស់គាត់ សូម្បីតែអ្នកយកព័ត៌មានទៅថត ក៏គាត់មិនដឹងខ្លួនដែរ ។
ជ្រកក្រោមដើមឈើ អង្គុយលើម៉ូតូ ក្បែរចិញ្ចើមផ្លូវលេខ២៧១ ត្រង់ចំណុចមុខសាលាបឋមសិក្សា ហ៊ុន នាង ទួលទំពូង២ កំពុងអានកាសែតកោះសន្តិភាព យ៉ាងជក់ចិត្តដិតអារម្មណ៍នោះ លោកទិត្យ ប៊ុនសាត អាយុ៥៤ឆ្នាំ បានរៀបរាប់ពីហេតុផលខ្លះៗដែលលោកចូលចិត្តអានកាសែតកោះសន្តិភាពនោះគឺដោយសារ កាសែតកោះសន្តិភាព សរសេរពិតអាចយកជាផ្លូវការបាន មានព័ត៌មានទាន់ហេតុការណ៍ច្រើន ។ មិនត្រឹមតែប៉ុណ្ណោះ ការសរសេរពាក្យពេចន៍ទៀតសោធន៍ គឺសរសេរតាមវិជ្ជាជីវៈសារព័ត៌មានបានត្រឹមត្រូវ និងឈរលើគោលជំហរអាព្យាក្រឹត ។
ដោយឡែក សោភ័ណភាពនៃការរចនាទំព័រវិញ លោកបាននិយាយថា កាសែតកោះសន្តិភាព មានការរៀបចំទំព័របានល្អ ដោយរៀបរឿងតាមលំដាប់លំដោយប្រកបដោយក្រមសីលធម៌ល្អណាស់ ដែលមើលទៅគួរឱ្យចាប់អារម្មណ៍តែ ម្តង ។
ទាក់ទឹននឹងការដិតអារម្មណ៍អានកាសែតកោះសន្តិភាពបែបនេះ លោកទិត្យ ប៊ុនសាត បានប្រាប់ថា លោកអានកាសែតកោះសន្តិភាព តាំងពីសង្គមលន់ នល់ មកម៉្លេះ ហើយរហូតមកដល់សព្វថ្ងៃនេះ លោកកាន់តែចូលចិត្តអានថែមទៀត រហូតដល់ទិញកាសែតកោះសន្តិភាពអានដាក់ខែទៀតផង ។
លោក ទិត្យ ប៊ុនសាត ក៏បានរៀបរាប់ខ្លះៗពីប្រវិត្តរបស់លោកប្រាប់ឱ្យយើងដឹងថា លោកគឺជាមន្ត្រីយោធា ចូលនិវត្តន៍ម្នាក់ ឆ្លៀតពេលទំនេររត់ម៉ូតូឌុបគ្រាន់បានកម្រៃខ្លះជួយសម្រួលសេដ្ឋកិច្ចគ្រួសារ ។ លោកមានទីលំនៅផ្ទះលេខ ៤២Eo ផ្លូវលេខ៥១ សង្កាត់ផ្សារថ្មីទី៣ ខណ្ឌ ដូនពេញ ៕
ចែករំលែកព័តមាននេះ