ខេត្តកោះកុង ៖ តាមសេចក្តីរាយការណ៍បឋមបានឲ្យដឹងថា កាលពីវេលាម៉ោង១០និង៣០នាទីព្រឹក នៅស្រុកគីរីសាគរថ្ងៃទី០៨ ខែមេសា ឆ្នាំ២០១៨ អធិការដ្ឋាននគរបាលស្រុកគីរីសាគរបានទទួលព័ត៌មានថា មានសពអណ្តែតទឹក នៅចំណុចផែកោះស្មាច់ ស្ថិតក្នុងភូមិ-ឃុំកោះស្តេច ស្រុកគិរីសាគរ ។
តាមសេចក្តីរាយការណ៍បន្តថា ក្រោយពីទទួលបានព័ត៌មានអធិការដ្ឋានបានចាត់កម្លាំងជំនាញ សហការជាមួយកម្លាំងប៉ុស្តិ៍កោះស្តេច ពេទ្យមណ្ឌលសុខភាពស្រុក និងអាជ្ញាធរមូលដ្ឋានចុះធ្វើការពិនិត្យឃើញថា សពជាមនុស្សប្រុស គ្មានអាវ ស្លៀកខោរខ្លីពណ៌ខ្មៅ មានសភាពហើមរលួយស្អុយ ពុំស្គាល់អត្តសញ្ញាណឡើយ ។
តាមការសន្និដ្ឋានសពជាកម្មករទូកអណ្តែតមកពីសមុទ្រក្រៅ ។ បច្ចុប្បន្នសពត្រូវបានយកទៅកប់ទុកនៅក្បែរទីតាំងនោះ (លើកោះស្មាច់) ៕
ចែករំលែកព័តមាននេះ