រាជធានីភ្នំពេញ ៖ ព្រឹត្តិការណ៍ប្រកួតប្រដាល់ដណ្ដើមពានរង្វាន់អន្តរជាតិកំពូលអ្នកប្រយុទ្ធកណ្ដាប់ដៃដែកក្នុងប្រភេទទម្ងន់៦៧គីឡូក្រាមនៅលើសង្វៀនទូរទស្សន៍ស៊ីអិនស៊ី ដែលបានធ្វើឡើងរៀងរាល់ថ្ងៃអាទិត្យអស់រយៈពេលជាច្រើនសប្ដាហ៍មកនេះ មកដល់ថ្ងៃអាទិត្យទី១ មេសា គេបានរកឃើញជើងខ្លាំងចំនួន៤រូបឡើងទៅប្រកួតនៅវគ្គពាក់កណ្ដាលផ្ដាច់ព្រ័ត្រជាបន្តទៀតហើយ។ លោក មាស សុគ្រី…
រាជធានីភ្នំពេញ ៖ ព្រឹត្តិការណ៍ប្រកួតប្រដាល់ដណ្ដើមពានរង្វាន់អន្តរជាតិកំពូលអ្នកប្រយុទ្ធកណ្ដាប់ដៃដែកក្នុងប្រភេទទម្ងន់៦៧គីឡូក្រាមនៅលើសង្វៀនទូរទស្សន៍ស៊ីអិនស៊ី ដែលបានធ្វើឡើងរៀងរាល់ថ្ងៃអាទិត្យអស់រយៈពេលជាច្រើនសប្ដាហ៍មកនេះ មកដល់ថ្ងៃអាទិត្យទី១ មេសា គេបានរកឃើញជើងខ្លាំងចំនួន៤រូបឡើងទៅប្រកួតនៅវគ្គពាក់កណ្ដាលផ្ដាច់ព្រ័ត្រជាបន្តទៀតហើយ។
លោក មាស សុគ្រី មន្ត្រីគណៈកម្មការរៀបចំការប្រកួតបានឱ្យដឹងថា កីឡាករជើងខ្លាំងទាំង៤រូបដែលត្រូវឡើងទៅប្រកួតនៅវគ្គបន្តមាន ឡៅ ចន្ទ្រា មកពីក្លិបកងទ័ពពិសេសឆត្រយោង៩១១ដែលប្រកួត៤លើកឈ្នះទាំង៤លើកមាន១២ពិន្ទុឈរនៅលេខរៀងទី១ក្នុងតារាង ។ កីឡាករថៃNoeng Trakanប្រកួត៤លើក ឈ្នះ៣ ចាញ់១ មាន១០ពិន្ទុ ឈរនៅលេខរៀងទី២ ។ កីឡាករថៃRong Nakphaប្រកួត៤លើក ឈ្នះ២ ចាញ់២ មាន៨ពិន្ទុឈរនៅលេខរៀងទី៣ និងពុទ្ធ ឆាយរិទ្ធី មកពីក្លិបពុទ្ធសេរីវង្សពោធិសែនជ័យ ប្រកួត៤លើក ឈ្នះ២ ចាញ់២ មាន៨ពិន្ទុឈរនៅលេខរៀងទី៤ ។
ដូច្នេះសម្រាប់កីឡាករកម្ពុជាថៃទាំង៤រូបដែលត្រូវឡើងទៅប្រកួតនៅវគ្គបន្តតាមធម្មតាគណៈកម្មការរៀបចំការប្រកួតប្រើរូបមន្តប្រកួតខ្វែងដោយឱ្យអ្នកជាប់លេខ១ជួបប្រកួតជាមួយអ្នកជាប់លេខ៤ និងអ្នកជាប់លេខ២ ជួបប្រកួតជាមួយអ្នកជាប់លេខ៣ ។ ប៉ុន្តែលោកម៉ា ស៊ីថេត អ្នកគ្រប់គ្រងកម្មវិធីប្រកួតប្រចាំស្ថានីយទូរទស្សន៍ស៊ីអិនស៊ីបានឱ្យដឹងថា បើសិនជាអនុវត្តទៅតាមរូបមន្តប្រកួតខ្វែងខាងលើពិតជាមិនល្អមើលឡើយព្រោះឡៅ ចន្ទ្រា នឹងត្រូវជួបប្រកួតជាមួយពុទ្ធ ឆាយរិទ្ធី ដែលជាកីឡាករខ្មែរដូចគ្នាទើបលោកបង្វែរឱ្យអនុវត្តរូបមន្តចាប់ឆ្នោតវិញ ។ ជាងនេះ ដើម្បីភាពសុក្រឹតលោកមិនឱ្យមនុស្សចាប់នោះទេ គឺលោកប្រើប្រព័ន្ធកុំព្យូទ័រដើម្បីចៀសវាងការចោទប្រកាន់ពីមហាជនដោយយកកីឡាករកម្ពុជា២រូបមកឈររង់ចាំ ហើយយកកីឡាករថៃ២រូបមកបង្វិល ជួបអ្នកណាគឺត្រូវប្រកួតជាមួយអ្នកនោះដោយមិនអាចប្រកែកបានឡើយ ។ ប៉ុន្តែការប្រកួតវគ្គពាក់កណ្ដាលផ្ដាច់ព្រ័ត្រត្រូវលើកយកទៅធ្វើក្រោយថ្ងៃចូលឆ្នាំខ្មែររួច ដូច្នេះសប្ដាហ៍ក្រោយដាក់គូមិត្តភាពជំនួសសិន។
សូមបញ្ជាក់ថា ការប្រកួតកាលពីថ្ងៃអាទិត្យនោះឡៅ ចន្ទ្រា បានយកឈ្នះកីឡាករថៃ Noeng Trakan ដោយពិន្ទុ ។ មាស សុជាតិ មកពីក្លិបឃ្លាំងមឿងកីឡា បានផ្ដួលកីឡាករថៃPhan Chhaiឱ្យសន្លប់ទឹកទី៣ ។ លន បញ្ញាមកពីសមាគមកីឡាប្រដាល់ក្រសួងការពារជាតិយកឈ្នះថា សារុន មកពីក្លិបពន្លឺនេអុងដោយពិន្ទុ និងផាត សូដា មកពីក្លិបអេភូថងកីឡាយកឈ្នះជឹម សារ៉ាត់ មកពីក្លិបតាព្រហ្មមានជ័យដោយពិន្ទុ៕
ចែករំលែកព័តមាននេះ