សារព័ត៌មានបរទេសកាលពីពេលថ្មីៗកន្លងមកផ្សាយថា តុលាការក្រុងហុងកុងបានសម្រេចឃុំខ្លួននាង អឹុង ឡៃអីុង អាយុ៣០ឆ្នាំ រយៈពេល៣ខែ និង១៥ថ្ងៃ ពីបទ «បំពានលើរាងកាយប៉ូលិស» ។ ការបំពាននោះ គឺនាង អឹុង ឡៃអីុង គឺបានយកសុដន់អុកដៃប៉ូលិសក្នុងពេលធ្វើបាតុកម្មប្រឆាំងនឹងអាជីវករឆ្លងដែនពីចិនដីគោកនៅតំបន់យួនលុង របស់ហុងកុង ។
ក្រុមអ្នកតវ៉ាបង្កភាពចលាចល ហើយប៉ះទង្គិចជាមួយប៉ូលិសដែលការពារស្ថានការណ៍ ។ ចំពោះនាង អឹុង ឡៃអីុង រងការចោទប្រកាន់ថា ប្រើសុដន់ទៅអុកដៃរបស់លោក ឆាន កាប៉ូ ជាអធិការប៉ូលិសក្នុងពេលកើតចលាចល ប៉ុន្តែនាងបានតវ៉ាថា ពេលនោះនាងបានស្រែកដោយភិតភ័យព្រោះរងការបំពានពីលោក ឆាន ដែលស្រវាចាប់សុដន់របស់នាង ។
លោក ម៉ៃឃើល ឆាន ជាចៅក្រមនិយាយក្នុងពេលកាត់ក្តីថា ប្រសិនបើមិនសម្រេចដាក់ទោសនារីចុងចោទទេ មហាជនទូទៅអាចយល់ច្រឡំថា ជារឿងតិចតួចក្នុងការបំពានលើប៉ូលិសក្នុងពេលធ្វើបាតុកម្ម ។ ចំណែកនារីចុងចោទបានព្យាយាមចោទប្រកាន់ប៉ូលិសវិញថា បានរំលោភបំពានកិត្តិយសដោយយកដៃចាប់សុដន់របស់នាង ៕
ចែករំលែកព័តមាននេះ