មេភូមិបាលខណ្ឌព្រែកព្នៅ មានបញ្ហាផ្លូវច្បាប់មិនប្រក្រតី
- ភ្នំពេញ
រាជធានីភ្នំពេញ ៖ មន្ត្រីតុលាការថ្លែងថា លោក ពេជ្រ វិជ្ជាធរ ចៅក្រមស៊ើបសួរសាលាដំបូងរាជធានីភ្នំពេញ បានកោះហៅជនត្រូវចោទ ស៊ូ ស៊ីវុត្ថា…
រាជធានីភ្នំពេញ ៖ មន្ត្រីតុលាការថ្លែងថា លោក ពេជ្រ វិជ្ជាធរ ចៅក្រមស៊ើបសួរសាលាដំបូងរាជធានីភ្នំពេញ បានកោះហៅជនត្រូវចោទ ស៊ូ ស៊ីវុត្ថា…
រាជធានីភ្នំពេញ ៖ មន្ត្រីតុលាការថ្លែងថា លោក ពេជ្រ វិជ្ជាធរ ចៅក្រមស៊ើបសួរសាលាដំបូងរាជធានីភ្នំពេញ បានកោះហៅជនត្រូវចោទ ស៊ូ ស៊ីវុត្ថា ប្រធានការិយាល័យរៀបចំដែនដី នគរូបនីយកម្ម សំណង់ និងភូមិបាលខណ្ឌព្រែកព្នៅ ចូលបំភ្លឺនៅថ្ងៃទី៩ មេសា ឆ្នាំ២០១៨ ខាងមុខនេះ ជុំវិញដំណើររឿង «ក្លែងដោយអ្នកជំនាញ»។
មជ្ឈដ្ឋានមួយចំនួនរង់ចាំមើលថា តើ លោក ស៊ូ ស៊ីវុត្ថា ហ៊ានចូលបំភ្លឺតាមការកំណត់ដែរឬទេ?ហើយចៅក្រមស៊ើបសួរ នឹងសម្រេចឃុំខ្លួនឬមិនឃុំខ្លួនជនត្រូវចោទរូបនេះ ? ។ សំណុំរឿងលោក ស៊ូ ស៊ីវុត្ថា កាន់តែក្តៅហើយ ទោះបីជាបច្ចុប្បន្នជនត្រូវចោទរូបនេះ កំពុងស្ថិតក្រៅសំណាញ់ច្បាប់ក៏ដោយ ។ ព្រះរាជអាជ្ញានៃអយ្យការអមសាលាដំបូងរាជធានីភ្នំពេញ បានជូនដំណឹងអំពីការចោទប្រកាន់នេះ ទៅរដ្ឋមន្ត្រីក្រសួងយុត្តិធម៌ ដើម្បីមានចំណាត់ការបន្តទៀត ។
លោក ស៊ូ ស៊ីវុត្ថា ត្រូវបានចោទប្រកាន់ពីបទ «ក្លែងដោយអ្នកជំនាញ» តាមមាត្រា៥៥១នៃក្រមព្រហ្មទណ្ឌ ដែលប្រឈមមុខនឹងការជាប់ពន្ធនាគារពី២ឆ្នាំ ទៅ៥ឆ្នាំ និងពិន័យជាប្រាក់ពី៤លានរៀល ទៅ១០លានរៀល ។ តាមឯកសារបានបង្ហាញថា កាលពីថ្ងៃទី១៤ កុម្ភៈ ២០១៨កន្លងទៅ លោក យ៉េត ចរិយា ព្រះរាជអាជ្ញានៃអយ្យការអមសាលាដំបូងរាជធានីភ្នំពេញ បានជូនដំណឹងដល់លោក អង្គ វង្សវឌ្ឍនា រដ្ឋមន្ត្រីក្រសួងយុត្តិធម៌ អំពីការបើកការស៊ើបសួរលើឈ្មោះ ស៊ូ ស៊ីវុត្ថា ភេទប្រុស អាយុ៥០ឆ្នាំ ជាប្រធានភូមិបាល ខណ្ឌព្រែកព្នៅ (ក្រៅឃុំ) ដោយយោងសំណុំរឿងព្រហ្មទណ្ឌលេខ ៤៧៣៥ ចុះថ្ងៃទី០១ ខែសីហា ឆ្នាំ២០១៧ របស់អយ្យការអមសាលាដំបូងរាជធានីភ្នំពេញ តាមមាត្រា៥១ថ្មី នៃច្បាប់ស្តីពីវិសោធនកម្មច្បាប់ស្តីពីសហលក្ខន្តិកៈមន្ត្រីរាជការស៊ីវិល ។
អយ្យការអមសាលាដំបូងរាជធានីភ្នំពេញរកឃើញថា លោក ស៊ូ ស៊ីវុត្ថា មានតម្រុយសន្មត់ថា បានប្រព្រឹត្តបទល្មើស «ក្លែងដោយអ្នកជំនាញ» ប្រាកដមែន ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព ។
ចែករំលែកព័តមាននេះ