រាជធានីភ្នំពេញ ៖ អាជ្ញាធររាជធានីភ្នំពេញ បានធ្វើការអំពាវនាវដល់ប្រជាពលរដ្ឋទាំងអស់ សូមបញ្ឈប់ការបោះចោលសំរាមចូលលូ ចូលប្រឡាយ ដែលនាំបង្កើតជាឧបសគ្គដល់ផ្លូវបង្ហូរទឹក និងប៉ះពាល់ដល់បរិស្ថាន និងសោភ័ណភាពទីក្រុងរបស់យើងទាំងអស់គ្នា។ មន្ត្រីរដ្ឋបាលរាជធានីភ្នំពេញ បានឲ្យដឹងថា នៅថ្ងៃទី១៦ ខែមីនា ឆ្នាំ២០១៨ រដ្ឋបាលរាជធានីភ្នំពេញ បានចាប់ផ្តើមជីកស្តារប្រឡាយ និងកាយប្រមូលសំរាមពីប្រឡាយបឹងសាឡាង ចាប់ពីផ្លូវ២៣០ ដល់ផ្លូវ២៧១ ខណ្ឌទួលគោក ដែលប្រជាពលរដ្ឋមួយចំនួន បានបោះសំរាមចូលយ៉ាងច្រើន។
បន្ទាប់ពីស្តារនេះចប់ ក្រុមការងារនឹងបន្តស្តារប្រឡាយស្ទឹងមានជ័យ ចាប់ពីគល់ស្ពានអាកាសស្ទឹងមានជ័យ រហូតដល់ស្ថានីយបូមទឹកបឹងទំពុន។ មន្ត្រីដដែលបានធ្វើការអំពាវនាវ ដល់ប្រជាពលរដ្ឋទាំងអស់សូមបញ្ឈប់ការបោះចោលសំរាមចូលលូ ចូលប្រឡាយ ដែលនាំបង្កើតជាឧបសគ្គដល់ផ្លូវបង្ហូរទឹក និងប៉ះពាល់ដល់បរិស្ថាន និងសោភ័ណភាពទីក្រុង៕
ចែករំលែកព័តមាននេះ