ខេត្តតាកែវ ៖ ដោយសារតែរណ្តៅដែលស្ថិតនៅលើថ្មមានអាយុកាលយូរលង់ណាស់មកហើយ មានសណ្ឋានដូចជាបាតជើងមនុស្ស និងទំហំធំខុសពីធម្មតា ទើបមានពាក្យចចាមអារា៉មថា វាគឺជាស្នាមបាតជើងមនុស្សមាឌធំដូចយក្សសម័យបុរាណ ។ ចាស់ៗមួយចំនួននិយាយថា កាលពីសម័យកាលយូរលង់ណាស់មកហើយ មនុស្សយើងមានមាឌធំ និងមានកម្លាំងខ្លាំងអាចជាន់
ខេត្តតាកែវ ៖ ដោយសារតែរណ្តៅដែលស្ថិតនៅលើថ្មមានអាយុកាលយូរលង់ណាស់មកហើយ មានសណ្ឋានដូចជាបាតជើងមនុស្ស និងទំហំធំខុសពីធម្មតា ទើបមានពាក្យចចាមអារា៉មថា វាគឺជាស្នាមបាតជើងមនុស្សមាឌធំដូចយក្សសម័យបុរាណ ។ ចាស់ៗមួយចំនួននិយាយថា កាលពីសម័យកាលយូរលង់ណាស់មកហើយ មនុស្សយើងមានមាឌធំ និងមានកម្លាំងខ្លាំងអាចជាន់ថ្មផុង និងមួយជំហាននៃមនុស្សជំនាន់នោះមានប្រវែងរាប់សិបគីឡូម៉ែត្រ ។
យោងតាមការរៀបរាប់របស់លោកយាយ ឃុត ថុន វ័យ៧៦ឆ្នាំ ជាអ្នករស់នៅវត្តភ្នំដាកាលពីពេលថ្មីៗនេះថា ស្នាមជើងដែលស្ថិតនៅលើភ្នំនៅខាងលិចភ្នំដា ក្នុងភូមិព្រែកតាផ ឃុំគោកធ្លក មានទំហំធំ និងវែងនោះ មិនដឹងជាស្នាមជើងមនុស្សជំនាន់ដើម ឬយ៉ាងណាទេ ។ គាត់ធ្លាប់ឮគេនិយាយតគ្នាពីមាត់មួយទៅមាត់មួយថា ស្នាមនៅលើថ្មនោះជាស្នាមជើងមនុស្សជំនាន់បុរាណ។
ប្រភពដដែលបន្តថា កាលពីរូបគាត់នៅក្មេង ឪពុកម្តាយ ជីដូនជីតារបស់គាត់និយាយថា កាលពីគាត់មករស់នៅទឹកដីភ្នំដាដំបូងឮការតំណាលថា មានមនុស្សមាឌធំដូចយក្សដែលធ្វើដំណើរទៅណាមកណាក្នុងជំហានប្រវែងរាប់សិបគីឡូមែ៉ត្រ បានធ្វើដំណើរពីភ្នំបុរីទៅភ្នំដា និងបន្តពីភ្នំដាឆ្ពោះទៅភ្នំជីសូរ ហើយរហូតទៅដល់ភ្នំក្រវាញ ។ រាល់ភ្នំទាំងនោះសុទ្ធតែបន្សល់ទុកស្នាមជើងមនុស្សមាឌធំនោះម្ខាងដូចៗគ្នា។យោងតាមប្រភពមួយចំនួនទៀតឱ្យដឹងថា ស្នាមជើងនោះស្ថិតនៅលើភ្នំមួយខាងលិចភ្នំដា មានជម្រៅជ្រៅប្រមាណមួយមែ៉ត្រថែមទាំងមានទឹកដក់ និងពេលខ្លះមានត្រីរស់នៅក្នុងនោះ។
យោងតាមប្រសាសន៍របស់លោកសុខ ទ្រី មន្ត្រីទេសចរណ៍ភ្នំដាឱ្យដឹងថា ស្នាមនោះពិតជាមានមែន រួមទាំងមានសណ្ឋានដូចបាតជើង ប៉ុន្តែវាជាស្នាមជើងមនុស្សមែន ឬយ៉ាងណា លោកមិនប្រាកដទេ ។ ស្នាមជើងនោះ ភ្ញៀវទេសចរចាប់ អារម្មណ៍ណាស់ ៕
ចែករំលែកព័តមាននេះ