ខេត្តកំពង់ធំ ៖ ហេតុការណ៍គ្រោះថ្នាក់មួយបានកើតឡើងកាលពីរសៀលថ្ងៃទី១៤ ខែមីនា ឆ្នាំ២០១៨ នៅចំណុចលើកំណាត់ផ្លូវជាតិលេខ៦ ស្ថិតនៅភូមិពោធិ៍ខាវ ឃុំត្បូងក្រពើ ស្រុកសន្ទុក ខេត្តកំពង់ធំ…
ខេត្តកំពង់ធំ ៖ ហេតុការណ៍គ្រោះថ្នាក់មួយបានកើតឡើងកាលពីរសៀលថ្ងៃទី១៤ ខែមីនា ឆ្នាំ២០១៨ នៅចំណុចលើកំណាត់ផ្លូវជាតិលេខ៦ ស្ថិតនៅភូមិពោធិ៍ខាវ ឃុំត្បូងក្រពើ ស្រុកសន្ទុក ខេត្តកំពង់ធំ ។ ប្រភពព័ត៌មានពីសមត្ថកិច្ចបានឲ្យដឹងថា ករណីគ្រោះថ្នាក់ចរាចរខាងលើបានបង្កឡើងរវាងរថយន្តប៉ាសឺរ៉ូ ពាក់ផ្លាកលេខ ភ្នំពេញ ២A-៧៤១៦ និងម៉ូតូម៉ាកវ៉េវ គ្មានផ្លាកលេខ ។
នៅមុនពេលកើតហេតុ គេឃើញរថយន្តប៉ាសឺរ៉ូ ពណ៌ស្លែខាងលើបើកបរយ៉ាងលឿននៅក្នុងទិសដៅពីជើងទៅត្បូង ដោយឈ្មោះ ទេព តូនី ភេទប្រុស អាយុ៧៤ឆ្នាំ មានទីលំនៅនៅភូមិ រកាកោង ស្រុកមុខកំពូល ខេត្តកណ្ដាល លុះមកដល់ចំណុចកើតហេតុខាងលើ ក៏បានបុកជាមួយម៉ូតូម៉ាកវ៉េវ ពណ៌ខ្មៅ គ្មានផ្លាកលេខ បើកបរក្នុងទិសដៅបញ្ច្រាសទិសគ្នា ដោយឈ្មោះ ជឿន ជាង ភេទប្រុស អាយុ៤៤ រស់នៅភូមិស្វាយព្រៃ ឃុំសណ្ដែក ស្រុកបាធាយ ខេត្តកំពង់ចាម បណ្ដាលឲ្យស្លាប់នៅនឹងកន្លែង ។ ចំណែកម្ចាស់រថយន្តឈ្មោះ ទេព តូនី រងរបួសធ្ងន់ ។
ក្រោយពេលកើតហេតុ បន្ទាប់ពីធ្វើការវាស់វែងរបស់សមត្ថកិច្ចជំនាញឃើញថា ករណីគ្រោះថ្នាក់ចរាចរនេះបានបង្កឡើងដោយរថយន្តម៉ាកប៉ាសឺរ៉ូ ពាក់ផ្លាកលេខ ភ្នំពេញ ២A-៧៤១៦ បើកបរមិនប្រកាន់ស្តាំ ហើយសាកសពជនរងគ្រោះប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ។ ឬឯវត្ថុតាងសមត្ថកិច្ចមូលដ្ឋានបានស្ទូចយកទៅរក្សាទុកនៅអធិការដ្ឋាននគរបាលស្រុកសន្ទុក ដើម្បីដោះស្រាយតាមនីតិវិធី ៕
ចែករំលែកព័តមាននេះ