ឥណ្ឌា ៖ តាមប្រភពព័ត៌មាន The Sun បានឲ្យដឹងថា គ្រូពេទ្យរកមិនឃើញថា ជាជំងឺអ្វី ដោយសារតែក្មេងស្រីម្នាក់ចម្លែកជ្រុល។ នាងតែងតែមានស្រមោចវារចេញពីក្នុងភ្នែកជារាល់ថ្ងៃ សរុប៦០ក្បាល ក្នុងកំឡុងពេល១០ថ្ងៃមុនមកដល់ពេទ្យភ្នែកជំនាញ។
Ashwini អាយុ១១ឆ្នាំ នៅ Belthangady ប្រទេសឥណ្ឌា ប្រាប់ម្តាយឪពុករបស់នាងថា មានអារម្មណ៍ឈឺភ្នែកជាប្រចាំ។ ដល់ពេលបើកភ្នែកពិនិត្យឲ្យច្បាស់ ពួកគេឃើញមានស្រមោចនៅក្នុងភ្នែករបស់កូនស្រី។ ដំបូងឡើយ ពួកគេគិតថា នេះអាចមកពីស្រមោចវារចូលក្នុងភ្នែកពេលកំពុងដេកលក់។ ដោយសារតែស្រមោចចេះតែបន្តចេញ ម្តាយឪពុកនាងបាននាំនាងទៅមន្ទីរពេទ្យ។
ទៅដល់មន្ទីរពេទ្យ គ្រូពេទ្យគិតថា វាអាចមកពីស្រមោចវាចូលតាមត្រចៀក ហើយចេញតាមភ្នែក។ ពួកគេបានចេញថ្នាំបន្តក់ឲ្យ តែពេលទៅផ្ទះវិញនៅតែមិនជាសោះ។ អស់រយៈពេល១០ថ្ងៃ គេឃើញស្រមោចវារចេញពីភ្នែក៦០ក្បាល។ គ្រូពេទ្យពេលនេះ មិនទាន់ហ៊ានសន្និដ្ឋានថាឈឺអ្វីឡើយ៕
ចែករំលែកព័តមាននេះ