រាជធានីភ្នំពេញ ៖ ពីខេត្តបាត់ដំបងមានសេចក្តីរាយការណ៍មកថា មនុស្ស២នាក់ម្តាយនិងកូនស្រី បានដេកអោបគ្នា ស្លាប់ក្នុង អណ្តាតភ្លើងយ៉ាងអាណោចអធ័ម នៅក្នុងហេតុការណ៍អគ្គិភ័យឆេះផ្ទះ និងរោងកសិដ្ឋានភ្ញាស់កូនទាមួយកន្លែង កាលពីវេលា ម៉ោង ២រំលងអធា្រត្រ ឈានចូលថ្ងៃទី៣១ ធ្នូ ២០១២ នៅក្នុងភូមិថ្មី ឃុំបន្សាយត្រែង ស្រុកថ្មគោលជាមួយគ្នានេះ មនុស្ស៣នាក់ទៀត ជាសាច់ញាតិក្រុមគ្រួសារ បានរងរបួសរលាកខ្លួនច្រើនកន្លែង ។
រាជធានីភ្នំពេញ ៖ ពីខេត្តបាត់ដំបងមានសេចក្តីរាយការណ៍មកថា មនុស្ស២នាក់ម្តាយនិងកូនស្រី បានដេកអោបគ្នា ស្លាប់ក្នុង អណ្តាតភ្លើងយ៉ាងអាណោចអធ័ម នៅក្នុងហេតុការណ៍អគ្គិភ័យឆេះផ្ទះ និងរោងកសិដ្ឋានភ្ញាស់កូនទាមួយកន្លែង កាលពីវេលា ម៉ោង ២រំលងអធា្រត្រ ឈានចូលថ្ងៃទី៣១ ធ្នូ ២០១២ នៅក្នុងភូមិថ្មី ឃុំបន្សាយត្រែង ស្រុកថ្មគោលជាមួយគ្នានេះ មនុស្ស៣នាក់ទៀត ជាសាច់ញាតិក្រុមគ្រួសារ បានរងរបួសរលាកខ្លួនច្រើនកន្លែង ។
បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងថា ម្តាយដែលដេកអោបកូនស្រីស្លាប់នោះឈ្មោះណាយ គឹមហ៊ាង អាយុ២៩ឆ្នាំ រីឯកូនស្រី ឈ្មោះអាន គឹមហ៊ាប អាយុ២ឆ្នាំ ។ សេចក្តីរាយការណ៍បឋមបានបញ្ជាក់ទៀតថា ហេតុការណ៍ដែលបង្កឲ្យមានអគ្គិភ័យបណ្តាលឲ្យមានមនុស្ស២នាក់ស្លាប់ និង៣នាក់ទៀតរបួសនេះដោយសារតែការទុស្សេខ្សែភ្លើង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ