ខេត្តស្វាយរៀង ៖ យុវជនដែលមានអាយុ២០ឆ្នាំ បានស្លាប់ភ្លាមៗនៅនឹងកន្លែងកើតហេតុ ខណៈបើកបរក្នុងល្បឿនលឿន ហើយជ្រុលទៅបុកជាមួយម៉ូតូសណ្តោងរ៉ឺម៉ក ដែលធ្វើដំណើរបញ្ច្រាសទិសគ្នា ចំពីមុខពេញទំហឹងខ្ទាតតហោះចេញពីម៉ូតូបោកទៅលើថ្នល់ បណ្តាលឲ្យស្លាប់តែម្តង ។…
ខេត្តស្វាយរៀង ៖ យុវជនដែលមានអាយុ២០ឆ្នាំ បានស្លាប់ភ្លាមៗនៅនឹងកន្លែងកើតហេតុ ខណៈបើកបរក្នុងល្បឿនលឿន ហើយជ្រុលទៅបុកជាមួយម៉ូតូសណ្តោងរ៉ឺម៉ក ដែលធ្វើដំណើរបញ្ច្រាសទិសគ្នា ចំពីមុខពេញទំហឹងខ្ទាតតហោះចេញពីម៉ូតូបោកទៅលើថ្នល់ បណ្តាលឲ្យស្លាប់តែម្តង ។ ករណីគ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង៧និង៤០នាទីយប់ថ្ងៃទី០៤ ខែមិនា ឆ្នាំ២០១៨ ស្ថិតក្នុងភូមិសង្គម ឃុំគគីសោម ស្រុកស្វាយទាប ខេត្តស្វាយរៀង ។
បើតាមសមត្ថកិច្ចបានឲ្យដឹងថា នៅមុនពេលកើតហេតុ រ៉ឺម៉កម៉ូតូមួយគ្រឿងធ្វើដំណើរពីទិសខាងត្បូងទៅជើង លុះមកដល់ចំណុចកើតហេតុខាងលើ ស្រាប់តែមានម៉ូតូមួយគ្រឿងទៀត សេ១២៥ ពណ៌ខ្មៅ ធ្វើដំណើរពីជើងទៅត្បូងទិសដៅបញ្ច្រាសទិសគ្នា បើកបរក្នុងល្បឿនលឿនក៏ជ្រុលទៅបុកម៉ូតូសណ្តោងរ៉ឺម៉កចំពីមុខ ពេញទំហឹង បណ្តាលឲ្យខ្ទាតមនុស្សចេញពីម៉ូតូធ្លាក់ម្ខាងផ្លូវ បណ្តាលឲ្យស្លាប់ភ្លាមៗតែម្តង ។
ប្រភពដដែលបានឲ្យដឹងទៀតថា អ្នកបើកបររ៉ឺម៉កឈ្មោះ ស៊ាន ប៊ុនធូ ភេទប្រុស អាយុ៣៨ឆ្នាំ មានទីលំនៅភូមិ កំពោតទូក ឃុំគគីសោម ស្រុកស្វាយទាប ខេត្តស្វាយរៀង គ្មានរងរបួសស្នាមនោះទេ ។ ចំណែកអ្នកបើកបរម៉ូតូសេ១២៥ ឈ្មោះ អ៊ី ពៅ ភេទប្រុស អាយុ២០ឆ្នាំ មានទីលំនៅភូមិសង្គម ឃុំគគីសោម ស្រុកស្វាយទាប បានស្លាប់ភ្លាមៗនៅនឹងកន្លែង ។
ក្រោយកើតមានគ្រោះថ្នាក់ចរាចរណ៍ឃើញមានសមត្ថកិច្ចចុះមកធ្វើការវាស់វែង និងយកម៉ូតូទាំង២គ្រឿង យកមករក្សារទុកនៅប៉ុស្តិ៍រដ្ឋបាល រីឯសពប្រគល់ឲ្យទៅក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ