រាជធានីភ្នំពេញ ៖ ក្រោយពីឆ្លងការប្រកួតប្រជែងតារាម៉ូដែល Hiruscar អស់រយៈពេលជិត៦ ទីបំផុតកម្មវិធី Cambodia Fashion Week 2012 ដើម្បីស្វែងរក Face of Hiruscar 2013 ត្រូវបានបញ្ចប់យើងបានស្វែងរកបានតារាម៉ូដែលឈ្នះក្នុងការប្រកួតប្រជែង និងអតិថិជនដែលឈ្នះក្នុងការបោះឆ្នោតគាំទ្រ ។ កាលពីថ្ងៃសុក្រ ទី២១ ខែធ្នូ ឆ្នាំ២០១២ ក្រុមហ៊ុន DKSH កម្ពុជាបានរៀបចំការប្រគល់រង្វាន់ដល់តារាម៉ូដែលឈ្នះក្នុងការប្រកួតប្រជែង និងអតិថិជនដែលឈ្នះក្នុងការបោះឆ្នោតគាំទ្រទីស្នាក់ការកណ្តាលនៃក្រុមហ៊ុន DKSH បន្ទាប់ពីកម្មវិធីវគ្គប្រកួតប្រជែងផ្តាច់ព្រ័ត្រនៃ Hiruscar Face of Cambodia Fashion Week 2012 នៅថ្ងៃទី២៤ ខែវិច្ឆិកា កន្លងទៅនេះ ។
កម្មវិធីនេះជាគម្រោងមួយសហការ និងផ្តើមគំនិតដោយក្រុមហ៊ុនរបស់ផលិតផលបំបាត់ស្លាកស្នាម Hiruscar និង Cambodai Fashion Week ដោយមានគោលបំណងដ៏សំខាន់រួមគ្នាតែមួយគឺ ភាពល្អបំផុតរបស់មនុស្សពឹងផ្អែកមិនត្រឹមតែសម្រស់នោះទេ ប៉ុន្តែក៏អាស្រ័យលើភាពឆើតឆើយខាងក្នុង អត្តចារិកផងដែរ ។ ដូច្នេះហើយ ក្រុមហ៊ុន DKSH Cambodia និង Cambodia Fashion Week បានសហការគ្នាបង្កើតនូវកម្មវិធីតែមួយគត់មិនធ្លាប់មាន ជាមួយនឹងការស្វែងរកនូវម៉ូដែល (Models)ដ៏គួរឱ្យស្ងប់ស្ងែង ដែលចាប់ផ្តើមដំបូងជាមួយភាពគ្មានការជឿជាក់ ដោយសម្រស់ខាងក្រៅ រហូតក្លាយជាតារាម៉ូដែលដ៏បិនប្រសប់ ។
សម្រាប់រយៈពេលប៉ុន្មានខែនេះ បេក្ខជន និងបេក្ខនារីជម្រុះវគ្គផ្តាត់ព្រ័ត្រ២០នាក់នេះបានកែប្រែទាំងស្រុង ទាំងសម្រស់ និងសមត្ថភាពតារាម៉ូដែល ទាំងផ្នែកអាក្បកិរិយា និងការតុបតែងខ្លួន ដោយរួមទាំងការហាត់ដើរម៉ូដែល ការថតរូប និងការហ្វឹកហាត់ជាច្រើនទៀត ។
នៅក្នុងអំឡុងពេលវគ្គផ្តាច់ព្រ័ត្រនេះ តារាម៉ូដែលទាំង១០+១០នេះនឹងបង្ហាញសមត្ថភាពការដើរម៉ូដែលរបស់គេ ។ ជាមួយគ្នានេះដែរ កម្មវិធីនេះក៏រួមបញ្ចូលការបង្ហាញម៉ូដដើម្បីរាយអង្គាសប្រាក់សម្រាប់មូលនិធិ Happy Tree Foundation ដោយបេក្ខជន និងបេក្ខនារីរបស់យើងផងដែរ ។កម្មវិធីប្រគល់រង្វាន់នេះ ក៏ទទួលបានការចូលរួមផ្ទាល់ពីអ្នកស្រី Ernie Suzanan ប្រធានផ្នែកទីផ្សាររបស់ក្រុមហ៊ុន DKSH Cambodia កញ្ញាអឹុង គឹមរី ដែលជាតារាម៉ូដែលឈ្នះក្នុងកម្មវិធី និងអ្នកស្រីឡាង សុខា ដែលជាអតិថិជនឈ្នះក្នុងការបោះឆ្នោត ក្នុងចំណោមជាង៨០០ឆ្នោត ។
ចាប់តាំងពីការជម្រុះនៅវគ្គពាក់កណ្តាលផ្តាច់ព្រ័ត្រ និងក្រោយពីការបោះឆ្នោតពីអតិថិជនអស់រយៈពេល២ខែកន្លងមក កញ្ញាអឹុង គឹមរី ដែលឈ្នះទទួលបានទឹកប្រាក់១០០ដុល្លារ បានចុះកិច្ចសន្យានៅក្នុងពិធីប្រគល់រង្វាន់នេះ ជាតំណាងផលិតផល (Brand ambassador of Hiruscar ) ពេញមួយឆ្នាំចាប់ពីថ្ងៃទី១ ខែមករា ដល់ថ្ងៃទី៣១ ខែធ្នូ ឆ្នាំ២០១៣ សម្រាប់ផលិតផលបំបាត់ស្លាកស្នាម Hiruscar ដែលជាផលិតផលពីប្រទេសស្វីស ។
Hiruscar and CFW សូមថ្លែងអំណរគុណដល់បេក្ខជន និងបេក្ខនារីទាំងវគ្គផ្តាច់ព្រ័ត្រ និងវគ្គពាក់កណ្តាលផ្តាច់ព្រ័ត្រទាំងអស់ដែលបានចូលរួមក្នុងកម្មវិធីនេះ ហើយនឹងដៃគូឧបត្ថម្ភ និងសហការទាំងអស់ដែលបានគាំទ្រដល់កម្មវិធីនេះ ។ លើសពីនេះទៅទៀត យើងសូមថ្លែងអំណរគុណដល់អតិថិជនផលិតផល Hiruscar ទាំងអស់ដែលតែងតែគាំទ្រផលិតផលរបស់យើងខ្ញុំរហូតដល់បច្ចុប្បន្ន ។ជាចុងបញ្ចប់ ដំណើរនៅតែបន្តជាមួយកញ្ញា អឹុង គឹមរី ដែលជាអ្នកតំណាង Hiruscar (brand ambassador of DKSH) ៕
ចែករំលែកព័តមាននេះ