ខេត្ដបាត់ដំបង ៖ អគ្គីភ័យបានឆាបឆេះ បន្ទប់ទុកដាក់ឯកសាររបស់គ្រូពេទ្យបរទេសម្នាក់កាលពីព្រឹកមិញ (ថ្ងៃទី១១ មីនា ២០១០) ធ្វើឱ្យភ្ញាក់ផ្អើលយ៉ាងខ្លាងដល់ក្រុមពន្លត់អគ្គីភ័យ និងប្រជាពលរដ្ឋរត់មកចោម រោមមើល និងជួយពន្លត់ភ្លើង ។ក្រុមនគរបាលពន្លត់អគ្គីភ័យនិយាយថា បន្ទប់បង្កឱ្យមានអគ្គីភ័យឆាបឆេះនេះស្ថិត ក្នុងលំនៅឋានមួយកន្លែងនៅភូមិរំចេក៤ សង្កាត់រតនៈ ក្រុងបាត់ដំបង ម្ចាស់ផ្ទះឈ្មោះ សៀ បេន ប៉ុន្ដែលោកសៀ បេន បានជួលផ្ទះ នេះឱ្យទៅគ្រូពេទ្យបរទេសម្នាក់ឈ្មោះ MAURO CIPOLAT GOTET ធ្វើការនៅមន្ទីរពេទ្យអង្គការ EMERGENCY ខេត្ដបាត់ដំបង ។ លោកគ្រូពេទ្យរូបនេះ (MAU-POCIPOLAT GOTET) និយាយថា អគ្គី ភ័យនេះបានឆេះខណៈពេលគាត់ចេញទៅធ្វើ ការដោយគ្មានអ្នកនៅទេ ។ គាត់ប្រាប់សមត្ថកិច្ចថា វាអាចបណ្ដាលមកពីចរន្ដអគ្គិសនី ដែលតភ្ជាប់ទៅកង្ហារក្នុងបន្ទប់នោះហើយ កង្ហារនោះផ្ទុះបណ្ដាលឱ្យឆេះឯកសារទាំង អស់ក្នុងបន្ទប់នោះ ។
លោកម៉ក់ ហ៊ួន ប្រធានការិយាល័យពន្លត់ អគ្គីភ័យបាននិយាយថា លោកបានបញ្ចេញ រថយន្ដ៣គ្រឿង ដើម្បីជួយធ្វើអន្ដរាគមន៍ ។ លំនៅឋាននេះធ្វើអំពីថ្ម បើសិនជាផ្ទះឈើវិញច្បាស់ជាគ្រោះថ្នាក់ធ្ងន់ធ្ងរជាងនេះជាមិនខាន ។
ចែករំលែកព័តមាននេះ