ការលើសអ៊័រម៉ូនក្រពេញទីរ៉ូអ៊ីត តើអ្នកកំពុងតែមានអារម្មណ៍ ក្តៅៗមែនទេ?បញ្ហាមួយទៅលើក្រពេញទីរ៉ូអ៊ីត ក៏ធ្វើឲ្យរឿងនេះកើតឡើងដែរ ។ កាលណាការបញ្ចេញអ៊័រម៉ូនពីក្រពេញទីរ៉ូអ៊ីតច្រើនពេក វានឹងធ្វើឲ្យរាងកាយបង្កើតថាមពលច្រើន និងបង្កជាការក្តៅតែម្តង ។ អ្នកប្រហែលជាស្រេកទឹក…
ការលើសអ៊័រម៉ូនក្រពេញទីរ៉ូអ៊ីត
តើអ្នកកំពុងតែមានអារម្មណ៍ ក្តៅៗមែនទេ?បញ្ហាមួយទៅលើក្រពេញទីរ៉ូអ៊ីត ក៏ធ្វើឲ្យរឿងនេះកើតឡើងដែរ ។ កាលណាការបញ្ចេញអ៊័រម៉ូនពីក្រពេញទីរ៉ូអ៊ីតច្រើនពេក វានឹងធ្វើឲ្យរាងកាយបង្កើតថាមពលច្រើន និងបង្កជាការក្តៅតែម្តង ។ អ្នកប្រហែលជាស្រេកទឹក ឃ្លាន និងបែកញើស ហើយបេះដូងលោតញាប់ថែមទៀតផង ។ អាការរាករូស ឬកន្ទួលរមាស់លើស្បែកក៏អាចកើតឡើងដែរ ។ ស្ត្រីអាចនឹងមករដូវកាន់តែតិច ឬមិនមករដូវ ឬពិបាកក្នុងការមានកូនថែមទៀត ។
រាំងរដូវ
ការរាំងរដូវអាចកើតឡើងលើស្ត្រីអាយុជុំវិញ ៥០ឆ្នាំ ហើយក៏អាចចេញជាអាការក្តៅពេញខ្លួនបានដែរ ។ រឿងនេះកើតឡើង ភ្លាមៗ ហើយក៏ធ្វើឲ្យកម្តៅក្នុងខ្លួនកើនឡើងផងដែរ ។ ការរាំងរដូវអាចធ្វើឲ្យបែកញើសខ្លាំង វិលមុខ និងបេះដូងដើរញាប់ ។ អាការទាំងនេះច្រើនតែចាប់ផ្តើមមុនពេលមករដូវចុងក្រោយ និងបន្តរយៈពេលច្រើនឆ្នាំថែមទៀត ។
ក្រពេញអូវែខ្សោយ
រឿងនេះកើតឡើងនៅពេលក្រពេញអូវែរបស់ស្ត្រី មិនបានបង្កើតអ័៊រម៉ូនអេស្ត្រូជែនក្នុងកម្រិតធម្មតាបាន ឬបញ្ចេញមេជីវិតញីទៀងពេលវេលា ។ វាប្រហែលជាពិបាកនឹងការមានផ្ទៃពោះដែរ ។ អ្នកក៏អាចមានអាការក្តៅពេញខ្លួន និងបែកញើសពេលយប់ ដែលមានលក្ខណៈដូចស្ត្រីរាំរដូវដែរ ។
ក្តៅខ្លួន
រាងកាយអ្នកធ្វើការល្អបំផុតនៅសីតុណ្ហភាព ៣៧អង្សា ។ កាលណារាងកាយមានសីតុណ្ហភាពខ្ពស់ជាងនេះ អ្នកទំនងជាក្តៅខ្លួនហើយ ។ រឿងនេះកើតឡើងនៅពេលដែលរាងកាយព្យាយាមប្រយុទ្ធប្រឆាំងនឹងមេរោគដូចជា បាក់តេរី ឬវីរុស ។ ការញ៉ាំទឹក សម្រាក និងប្រើថ្នាំមិនបាច់មានវេជ្ជបញ្ជាអាចជួយបាន ។
ជាតិកាហ្វេអ៊ីន
កាហ្វេមានជាតិកាហ្វេអ៊ីន អាចធ្វើឲ្យយើងស្រស់ស្រាយជាប់ និងមិនងាយងងុយគេងនៅពេលព្រឹកទេ ប៉ុន្តែវាក៏បង្កើនសីតុណ្ហភាពក្នុងរាងកាយដែរ ។ កាលណាញ៉ាំវាច្រើន វានឹងធ្វើឲ្យសម្ពាធឈាមកើនឡើយ ជាតិស្ករឡើងខ្ពស់ និងឡើងអាស៊ីតក្នុងក្រពះទៀត ព្រមទាំងធ្វើឲ្យមានបញ្ហាដល់ការគេងបាន ។
អាហារហឹរ
អ្នកប្រហែលជាមានអារម្មណ៍ថា ក្នុងខ្លួនដូចជាក្តៅនៅពេលបានញ៉ាំមីហឹររួចមែនទេ? តាមពិតទៅ អាហារហឹរហាក់បីដូចជាជួយបង្កើនសីតុណ្ហភាពក្នុងខ្លួន និងធ្វើឲ្យបែកញើស ។ រឿងនេះគ្មានអ្វីដែលត្រូវបារម្ភឡើយ ។ ការសិក្សាខ្លះបានបង្ហាញថា អាហារហឹរអាចមានផលល្អចំពោះសុខភាព គ្រាន់តែកុំសូវញ៉ាំច្រើនពេក ។
ហាត់ប្រាណ
កាលណាហាត់ប្រាណកាន់តែច្រើន រាងកាយនឹងរំលាយជាតិខ្លាញ់កាន់តែច្រើនដែរ ។ រឿងនេះនឹងធ្វើឲ្យរាងកាយក្តៅ ។ រាងកាយនឹងព្យាយាមសម្រួលដល់ការក្តៅនេះ តាមរយៈជួយឲ្យស្បែកត្រជាក់ និងបែកញើសត្រជាក់ដែរ ។ ប៉ុន្តែពេលខ្លះ វាមិនអាចយកឈ្នះភាពក្តៅនេះបានដែរ ។
ជំងឺទឹកនោមផ្អែមប្រភេទទី១ និងទី២
ទាក់ទងនឹងជំងឺនេះ សម្ពាធឈាមគឺមិនអាចរីកបានទៅតាមអ្វីដែលវាគួរធ្វើទេ ដូច្នេះវានឹងធ្វើឲ្យកាន់តែពីបាកក្នុងការបញ្ជូនឈាមទៅកាន់ស្បែក និងយកឈ្នះភាពក្តៅ ។ ក្រពេញញើសដែលត្រូវាបានប្រើប្រាស់ដើម្បីផ្តល់ភាពត្រជាក់ដល់ស្បែកក៏មិនធ្វើការល្អផងដែរ ។ ដូច្នេះ វាកាន់តែពិបាកក្នុងការជួយឲ្យរាងកាយចុះកម្តៅ ។
អាយុ
នៅពេលអ្នកអាយុកាន់តែច្រើន ប្រព័ន្ធផ្តល់ភាពត្រជាក់អ្នកប្រហែលជាមិនធ្វើការបានល្អនោះទេ ។ បើសិនជានៅខាងក្រៅក្តៅ បេះដូងត្រូវច្របាច់ឈាមកាន់តែច្រើនទៅស្បែក ដើម្បីជួយឲ្យរាងកាយត្រជាក់ ។ នៅពេលអាយុច្រើន បេះដូងអ្នក គឺមិនខ្លាំងដូចកាលនៅក្មេងទេ ដូច្នេះវាក៏ពិបាកនឹងធ្វើការដែរ ។
ញ៉ាំទឹកតិចពេក
បើសិនជាអ្នកមិនញ៉ាំទឹកច្រើនទេ អ្នកនឹងមិនអាចបែកញើសគ្រប់គ្រាន់ ហើយរាងកាយមិនអាចផ្តល់ភាពត្រជាក់ដល់រាងកាយបានស្រួលឡើយ ។ បើសិនជាអ្នកគិតថា អ្នកប្រហែលជាញ៉ាំទឹកមិនគ្រប់ទេ ចូរដាក់ថង់ទឹកកកមួយតាមខ្លួននៅពេលទៅខាងក្រៅដើម្បីសម្រួលដល់ការក្តៅ ឬពេលហាត់ប្រាណ ៕
ចែករំលែកព័តមាននេះ