យន្តហោះ«Boeing ៧៣៧»មួយគ្រឿងដែលចតចោលនៅបរិវេណមួយលើកោះបាលីកាលពីច្រើនឆ្នាំមុនកំពុងក្លាយជាវត្ថុទាក់ទាញអ្នកទេសចរ ។ អ្នកទេសចរតែងឆ្ងល់ថា តើវាស្ថិតនៅទីនោះបានដោយរបៀបណា ?
បច្ចុប្បន្នយន្តហោះនោះស្ថិតនៅក្បែរផ្លូវ«Raya Nusa Dua Selatan»ជាតំបន់ទេសចរណ៍ដ៏ល្បីនៅកោះបាលី ប្រទេសឥណ្ឌូណេស៊ី ។
បរិវេណនៅជុំវិញយន្តហោះមានទូកុងតឺន័រដាក់នៅពាសពេញ ប៉ុន្តែអ្វីដែលមិនគួរឱ្យជឿតើយន្តហោះនោះដាក់តម្កល់នៅទីតាំងនោះដោយរបៀបណា ?
មហាជនប៉ាន់ប្រមាណថា ម្ចាស់យន្តហោះអាចយកតាំងលំអជាហាងបាយ ប៉ុន្តែដោយគ្មានទុនទើបទុកចោលឱ្យដុះស្នឹមបែបនេះ ។ រហូតមកដល់ពេលនេះក៏គ្មាននរណាម្នាក់ដឹងច្បាស់ថាតើគេយកទៅចតចោលនៅបរិវេណនោះតាំងពីពេលណាទេ ? ទោះជាយ៉ាងណាក្តីបរិវេណដ៏ធំបែបនោះអាចបញ្ជាក់បានថា វាអាចយកទៅចតចោលតាំងពីយូរមកហើយ ។
ពេលវេលាបានកន្លងផុតយ៉ាងយូរ ហើយយន្តហោះ«Boeing ៧៣៧»ដែលត្រូវបោះបង់ចោលនោះក្លាយជាទីតាំងទាក់ទាញអ្នកទេសចរដោយមានអ្នកទេសចរជាច្រើនចំណាយពេលធ្វើដំណើរជាច្រើនគីឡូម៉ែត្រទៅទស្សនាដោយផ្ទាល់ភ្នែក ។
នៅត្រង់ច្រកចូលមានទ្វារដ៏ធំ និងស្ថិតនៅលើទីតាំងឯក ជនមានកងសន្តិសុខរង់ចាំការពារ២៤ម៉ោង ។ ភ្ញៀវទេសចរត្រូវចំណាយប្រាក់ចូលទស្សនា តែក្នុងបរិវេណយន្តហោះមិនឱ្យចូលទស្សនាទេ ៕
ចែករំលែកព័តមាននេះ