ខេត្តបន្ទាយមានជ័យ ៖ ម៉ូតូមួយគ្រឿងត្រូវបានសមត្ថកិច្ចប្រទះឃើញគេទុកចោលនៅស្នាមភ្លោះ នៃវាលស្រែមួយ កាលពីរសៀលថ្ងៃទី០៩ ចែកុម្ភៈ ឆ្នាំ២០១៨ នៅភូមិសុខសាន្ត សង្កាត់និមិត្ត ក្រុងប៉ោយប៉ែត…
ខេត្តបន្ទាយមានជ័យ ៖ ម៉ូតូមួយគ្រឿងត្រូវបានសមត្ថកិច្ចប្រទះឃើញគេទុកចោលនៅស្នាមភ្លោះ នៃវាលស្រែមួយ កាលពីរសៀលថ្ងៃទី០៩ ចែកុម្ភៈ ឆ្នាំ២០១៨ នៅភូមិសុខសាន្ត សង្កាត់និមិត្ត ក្រុងប៉ោយប៉ែត សូមប្រកាសរកម្ចាស់ ។
ម៉ូតូដែលសមត្ថកិច្ចរកឃើញគ្មានម្ចាស់នេះ ម៉ាកសង់សេ១២៥ ស៊េរីឆ្នាំ២០១១ ពណ៌ខ្មៅ គ្មានស្លាកលេខ ដែលមានលេខម៉ាស៊ីន ND125ME8558304 ។ លោក ម៉ា រិន នាយប៉ុស្តិ៍នគរបាលរដ្ឋបាលសង្កាត់និមិត្ត ប្រាប់តាមទូរស័ព្ទថា ការប្រទះឃើញម៉ូតូខាងលើ ខណៈសមត្ថកិច្ចចុះល្បាតការពារសន្តិសុខសណ្ដាប់ធ្នាប់ និងសុវត្ថិភាពជូនពលរដ្ឋ ។
លោកអះអាងថា មកទល់នឹងម៉ោងជិត១២ ថ្ងៃទី១០ ខែកុម្ភៈ នេះ នៅមិនទាន់មាននណាម្នាក់ចេញមុខមកថា ជារបស់ខ្លួនឡើយ ។ លោកនាយប៉ុស្តិ៍បានអំពាវនាវថា បើអ្នកណាបាត់ម៉ូតូដូចបានរៀបរាប់ខាងលើ សូមទំនាក់ទំនងទៅលោកផ្ទាល់ក៏បាន ពិសេសទំនាក់ទំនងទៅអធិការដ្ឋាននគរបាលក្រុងប៉ោយប៉ែត ៕
ចែករំលែកព័តមាននេះ