ខេត្តបន្ទាយមានជ័យ ៖ ខេត្តបន្ទាយមានជ័យឆ្នាំ២០១៨នេះកំពុងរីកដោះដាល់តំបន់សក្តានុពលទេសចរណ៍ដែលកំពុងទាក់ទាញភ្ញៀវជាតិ អន្តរជាតិចូលមកកម្សាន្តច្រើនមាននៅក្រុងសិរីសោភ័ណ និងប៉ោយប៉ែត ។
ជាក់ស្តែងឃើញនៅសួនកម្សាន្តដងស្ទឹងសិរីសោភ័ណកំពុងកសាងតំបន់សក្តានុពលទេសចរណ៍ ស្ថិតភូមិរោងម៉ាស៊ីន សង្កាត់អូរអំបិល ក្រុងសិរីសោភ័ណ ដែលសាងជាកន្លែងលេងទឹកសម្បនិមិត្ត និងកែឆ្នៃ ហើយកន្លែងអង្គុយកម្សាន្តដងស្ទឹងសិរីសោភ័ណដែលកំពុងកសាងជាបណ្តើរៗ ។
លោក ឈឿន សេរីវុធ អនុប្រធានមន្ទីទេសចរណ៍ខេត្តបន្ទាយមានជ័យបានប្រាប់ថា ក្នុងខេត្តបន្ទាយមានជ័យនេះមានតំបន់រមណីយ៍ដ្ឋានទេសចរណ៍ចំនួន៥កន្លែងមានទី១- តំបន់រមណីយ៍ដ្ឋានភ្នំតូច ទី២- តំបន់រមណីយ៍ដ្ឋានបន្ទាយនាង ទី៣-តំបន់រមណីដ្ឋានភ្នំបាក់ ទី៤-តំបន់រមណីយ៍ដ្ឋានភ្នំជញ្ជាំង ទី៥- តំបន់រមណីយ៍ដ្ឋានភ្នំកងវ៉ា ។
លោកបានបញ្ជាក់ថា តំបន់រមណីដ្ឋានប្រវត្តិសាស្គ្រ២កន្លែងស្រុកថ្មពួក មានតំបន់រមណីយ៍ដ្ឋានប្រាសាទបន្ទាយឆ្មារ និងតំបន់រមណីយ៍ដ្ឋានប្រាសាទបន្ទាយទ័ព ហើយតំបន់រមណីយ៍ដ្ឋានកែឆ្នៃមាន២កន្លែងមាន ១- អាងត្រពាំងថ្មស្រុកភ្នំស្រុក ២-សួនស្នេហ៍ជនបទក្រុងសិរីសោភ័ណ ហើយតំបន់សក្តានុពលទេចរណ៍ជាច្រើនកន្លែងមានក្រុងសិរីសោភ័ណ និងក្រុងប៉ោយប៉ែតដែលមានច្រើនជាងគេក្នុងខេត្តបន្ទាយមានជ័យ ៕
ចែករំលែកព័តមាននេះ