ការបំបៅដោះកូនបង្កជាជំងឺបាក់ទឹកចិត្តដែរទេ?
យោងទៅតាមសេចក្តីរាយការណ៍របស់ BBC News និង The Independent បានឲ្យដឹងថា ម្តាយដែលមានគម្រោងបំបៅដោះកូន តែមិនអាចបំបៅបាន ទំនងជាងាយនឹងមានការបាក់ទឹកចិត្ត…
យោងទៅតាមសេចក្តីរាយការណ៍របស់ BBC News និង The Independent បានឲ្យដឹងថា ម្តាយដែលមានគម្រោងបំបៅដោះកូន តែមិនអាចបំបៅបាន ទំនងជាងាយនឹងមានការបាក់ទឹកចិត្ត ក្រោយពីសម្រាលកូនរួច ។ វាគឺជាការសិក្សាមួយ ដែលមានស្ត្រីចូលរួមប្រមាណ១៤០០០នាក់បានរកឃើញថា អ្នកដែលមានគម្រោងបំបៅដោះកូន តែមិនអាចគ្រប់គ្រងពេលវេលាបំបៅដោះកូនបាន ទំនងជាងាយនឹងមានការបាក់ទឹកចិត្ត ក្រោយសម្រាលកូនរួច ជាងស្ត្រីដែលគ្មានបំណងបំបៅដោះកូនតែម្តង ។
ប្រហែលស្ត្រីម្នាក់ក្នុងចំណោម១០នាក់ កើតមានអាការបាក់ទឹកចិត្ត ក្រោយសម្រាលកូនរួច ដែលរឿងនេះមិនស្រដៀងគ្នាកើតកូនហើយស្អប់កូនឡើយ ប៉ុន្តែវាគឺជាជំងឺធ្ងន់មួយដែលអាចប៉ះពាល់ដល់សមត្ថភាពរបស់ម្តាយ ក្នុងការបង្កើតការទាក់ទងជាមួយកូនខ្លួន។ វាក៏ប៉ះពាល់ទៅលើការលូតលាស់របស់ទារករយៈពេលវែងដែរ ។ រឿងនេះអាចកើតឡើងក្នុងរយៈពេល ៦សប្តាហ៍ដំបូង ក្រោយពីសម្រាលកូនរួច ប៉ុន្តែវាច្រើនតែមិនកើតឡើងឡើយរហូតដល់ជិតដល់៦ខែ ។ យកល្អគួរតែស្វែងរកគ្រូពេទ្យជំនាញដើម្បីជួយ បើសិនជាអ្នកយល់ថា ខ្លួនឯងមានជំងឺនេះ ។
ការសិក្សានេះមានដែនកំណត់ច្រើនណាស់។ ឧទាហរណ៍ ការបាក់ទឹកចិត្តទាំងក្រោយពេលសម្រាល និងមុនពេលសម្រាល គឺជារឿងដែលប្រាប់ខ្លួនឯងច្រើនជាងគ្រូពេទ្យរកឃើញ ដែលវាអាចធ្វើឲ្យលទ្ធផលមិនសូវទុកចិត្តបានឡើយ ។
ដោយសារតែការសិក្សានេះវាមិនអាចអះអាងបានថា មិនមែនការបំបៅដោះកូនសុទ្ធតែបង្កើនការប្រឈមនឹងការបាក់ទឹកចិត្តក្រោយសម្រាលចំពោះម្តាយឡើយ ។
យ៉ាងណាមិញ វាបានសង្ខេបទៅលើតម្រូវការដែលត្រូវការការគាំទ្រពីម្តាយថ្មីថ្មោង ដើម្បីបំបៅដោះកូនឲ្យបានច្រើន ៕
ចែករំលែកព័តមាននេះ