រាជធានីភ្នំពេញ ៖ នៅវេលាម៉ោងប្រមាណជា ០៩និង៣០នាទីព្រឹក ថ្ងៃទី២០ ខែមករា ឆ្នាំ២០១៨ នេះ មានគ្រោះថ្នាក់ចរាចរមួយបានកើតឡើងបង្កដោយរថយន្តកុងតឺន័រមួយគ្រឿង បើកបរពីត្បូងទៅជើងក្នុងស្ថានភាពលឿន បានរេចង្កូតទៅបុកសួនច្បារពុះចែកទ្រូងផ្លូវ និងបន្តបុករថយន្តតាកូម៉ាមួយគ្រឿង បន្ទាប់មករថយន្តតាកូម៉ារងគ្រោះបានវិលមួយជុំ ទៅបុកនឹងម៉ូតូពីរគ្រឿងថែមទៀត រថយន្តកុងតឺន័រមិនទាន់អស់ល្បឿនបានជ្រុលទៅបុករបងភូមិគ្រឹះមួយដែលនៅក្បែរនោះ ក្នុងហេតុការណ៍នេះ បង្កឲ្យមានអ្នករងបួសម្នាក់ ។
ហេតុការណ៍ខាងលើនេះ បង្កឡើងនៅចំណុចផ្លូវអូរដឹមកប់ស្រូវ ភូមិចែងម៉ែង សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ។ រថយន្តកុងតឺន័របង្កហេតុ ពាក់ស្លាកលេខ ភ្នំពេញ ៤A-១៧៥៦ ។ រថយន្តតាកូម៉ារងគ្រោះ ពណ៌ទឹកប្រាក់ ពាក់ស្លាកលេខ ភ្នំពេញ ២O-៣២៣៩ និងម៉ូតូពីរគ្រឿង មួយគ្រឿងម៉ាកឌ្រីម ពណ៌ខ្មៅ ពាក់ស្លាកលេខ ភ្នំពេញ ១BW-៩៨៦៩ និងមួយគ្រឿងទៀតម៉ាកវីវា ពណ៌ក្រហម ពាក់ស្លាកលេខ ភ្នំពេញ ១BP-១៤៥៦ ។
ក្រោយពេលកើតហេតុ ឃើញមានកម្លាំងសមត្ថកិច្ចបានចុះទៅវាស់វែងផងដែរ ៕
ចែករំលែកព័តមាននេះ