តុលាការបដិសេធសំណើចូលជួប លោក កឹម សុខា របស់អតីតសមាជិកបក្ស CNRP
- ភ្នំពេញ
រាជធានីភ្នំពេញ ៖ លោក គឺ ឬទ្ធី ចៅក្រមស៊ើបសួរសាលាដំបូងរាជធានីភ្នំពេញ សម្រេចមិនអនុញ្ញាតឲ្យក្រុមអតីតគណបក្សសង្គ្រោះជាតិចូលរូមជួបសួរសុខទុក្ខ លោក កឹម សុខា…
រាជធានីភ្នំពេញ ៖ លោក គឺ ឬទ្ធី ចៅក្រមស៊ើបសួរសាលាដំបូងរាជធានីភ្នំពេញ សម្រេចមិនអនុញ្ញាតឲ្យក្រុមអតីតគណបក្សសង្គ្រោះជាតិចូលរូមជួបសួរសុខទុក្ខ លោក កឹម សុខា…
រាជធានីភ្នំពេញ ៖ លោក គឺ ឬទ្ធី ចៅក្រមស៊ើបសួរសាលាដំបូងរាជធានីភ្នំពេញ សម្រេចមិនអនុញ្ញាតឲ្យក្រុមអតីតគណបក្សសង្គ្រោះជាតិចូលរូមជួបសួរសុខទុក្ខ លោក កឹម សុខា អតីតប្រធានគណបក្សសង្ក្រោះជាតិ ដែលកំពុងជាប់ពន្ធនាគារនៅត្រពាំងផ្លុងនោះទេ ។
យោងតាមលិខិតមួយច្បាប់របស់ចៅក្រមស៊ើបសួរសាលាដំបូងរាជធានីភ្នំពេញ ចេញផ្សាយនៅថ្ងៃទី១៧ ខែមករា ឆ្នាំ២០១៨ និងទើបទទួលបាននៅថ្ងៃទី១៩ ខែមករា ឆ្នាំ២០១៨ បានជម្រាបជូនលោក ម៉ៅ មុនីវណ្ណ អតីតអ្នកតំណាងរាស្ត្រមណ្ឌលកំពង់ចាម បានឲ្យដឹងថា ស្តីពីការសុំជួបសួរសុខទុក្ខ លោក កឹម សុខា នៅមណ្ឌលអប់រំកែប្រែទី៣ «ម» នៅថ្ងៃទី១៩ ខែមករា ឆ្នាំ២០១៨ បានអនុញ្ញាតឲ្យតែមេធាវី និងក្រុមគ្រួសារជនត្រូវចោទតែប៉ុណ្ណោះ ។
លិខិតបញ្ជាក់ថា «ខ្ញុំសូមជម្រាបថា ខ្ញុំបានទទួលពាក្យសុំចូលជួបសួរសុខទុក្ខ ថ្ងៃទី១៩ ខែមករា រួចហើយ ។ ដោយសារសំណុំរឿងកំពុងស្ថិតនៅក្នុងចំណាត់ការស៊ើបសួរ និងស្រាវជ្រាវប្រមូលភស្តុតាងនានា ហេតុនេះការចូលជូប ឬសួរសុខទុក្ខឲ្យបានតែមេធាវី និងក្រុមគ្រួសារជនត្រូវចោទ ដែលមិនទាក់ទិននៅក្នុងរឿងតែប៉ុណ្ណោះ សម្រាប់អ្នកដទៃផ្សេងទៀត ការចូលជួបសុខទុក្ខអាចអនុញ្ញាតឲ្យបាន ក្រោយពីចៅក្រមបានបំពេញកិច្ចចាំចាប់មួយចំនួនរួចរាល់សិន» ។
គួរំឭកថា កាលពីថ្ងៃទី១៦ ខែមករា ឆ្នាំ២០១៨ អតីតក្រុមអ្នកតំណាងរាស្ត្រអតីតគណបក្សសង្គ្រោះជាតិ បានដាក់លិខិតទៅតុលាការសាលាដំបូងរាជធានីភ្នំពេញ ដើម្បីសុំជួប លោក កឹម សុខា ។ បើតាមលោក ម៉ៅង មុនីវណ្ណ បានឲ្យដឹងការ សុំចូលរួមលោក កឹម សុខា នេះ ដើម្បីនិយាយពីការបង្កើតចលនាសង្គ្រោះជាតិរបស់លោក សម រង្ស៊ី ដែលមិនបានពិភាក្សាជាមួយសមាជិកគណបក្ស ។ លោកបន្តថា លោក សម រង្ស៊ី មិនគួរបង្កើតចលនាសង្គ្រោះជាតិនៅពេលនេះនោះទេ ព្រោះស្ថានការនយោបាយមិនទាន់មានភាពល្អប្រសើរនោះទេ ៕
ចែករំលែកព័តមាននេះ