ខេត្តស្វាយរៀង ៖ លោកអនុសេនីយ៍ទោខែក យ៉េង នាយរងផ្នែកស្ថិតិប្រជាពលរដ្ឋនៃអធិការដ្ឋាននគបាលក្រុងបាវិតមានជម្ងឺធ្ងន់ធ្ងរ ខណៈកំពុងដើរចេញពីសាលប្រជុំចុះមកដល់ដីស្រាប់តែហូរឈាមតាមបាតក្រហមច្រាល ភ្លាមៗនោះធ្វើឲ្យផ្អើលពេញស្នងការ កាលពីវេលាម៉ោង១១នឹង៥០នាទីព្រឹកថ្ងៃទី០៨ ខែមករា ឆ្នាំ២០១៨…
ខេត្តស្វាយរៀង ៖ លោកអនុសេនីយ៍ទោខែក យ៉េង នាយរងផ្នែកស្ថិតិប្រជាពលរដ្ឋនៃអធិការដ្ឋាននគបាលក្រុងបាវិតមានជម្ងឺធ្ងន់ធ្ងរ ខណៈកំពុងដើរចេញពីសាលប្រជុំចុះមកដល់ដីស្រាប់តែហូរឈាមតាមបាតក្រហមច្រាល ភ្លាមៗនោះធ្វើឲ្យផ្អើលពេញស្នងការ កាលពីវេលាម៉ោង១១នឹង៥០នាទីព្រឹកថ្ងៃទី០៨ ខែមករា ឆ្នាំ២០១៨ នៅខាងមុខអាគារប្រជុំនៃស្នងការដ្ឋាននគបាលខេត្តស្វាយរៀង ។
បន្ទាប់មកមន្ត្រីនគបាលខេត្តបានហៅរថយន្តសាមុយដឹកបញ្ជូនទៅមន្ទីរពេទ្យបង្អែកខេត្តស្វាយរៀង ដើម្បីសង្គ្រោះ ។
បើតាមមន្ត្រីនគបាលខេត្តម្នាក់បានបង្ហើបឲ្យដឹងថា ជនរងគ្រោះត្រូវលោកស្នងការដ្ឋាននគបាលខេត្តកោះហៅឲ្យមកប្រជុំដាក់ផែនការការងារឆ្នាំ២០១៨ នៅស្នងការនគបាលខេត្ត លុះប្រជុំជិតចប់ជនរងគ្រោះនិយាយប្រាប់លោកអធិការនគបាលក្រុងបាវិតថា មិនស្រួលខ្លួន គឺចុកពោះស្ទិញក៏សុំចេញមុន ខណៈចុះដល់ខាងមុខអាគារស្រាប់ តែហូរឈាមតាមបាត (គូទ)ដូចគេចាក់.កជ្រូកដួលសន្លប់តែម្តង ។
លោកវេជ្ជបណ្ឌិតនៃមន្ទីរពេទ្យខេត្តមានប្រសាសន៍ថា លោកអនុសេនីយ៍ទោ ខែក យ៉េង អាយុ៤៥ឆ្នាំ មានជម្ងឺរលាកក្រពះធ្ងន់ធ្ងរ និងរឹសដូងបាតធ្ងន់ធ្ងរ សង្ស័យធ្លាយក្រពះ ឬ ឬសដូងទុំបែកធ្លាយ មិនអាចជួយសង្គ្រោះបានក៏បញ្ជូនទៅមន្ទីរពេទ្យប្រទេសវៀតណាម ដើម្បីសង្គ្រោះបន្តនៅព្រឹកថ្ងៃទី0៩ ខែមករា ឆ្នាំ២០១៨ ។
រីឯក្រុមគ្រួសារជនរងគ្រោះបានរិះគន់ថា ក្រុមគ្រូពេទ្យហាក់បីដូចជា ប្រងើយកន្តើយ មិនសូវយកចិត្តទុកដាក់ព្យាបាលជំងឺស្វាមីគាត់ទេ ទើបក្រុមគ្រួសារសម្រេចចិត្តបញ្ជូនស្វាមីរបស់គាត់យកទៅមន្ទីរពេទ្យប្រទេសវៀតណាម ដើម្បីសង្គ្រោះដោយសារជំងឺនៅតែធ្ងន់ធ្ងរ និងហូឈាមតាមបាត(គូទ) នៅឡើយ៕
ចែករំលែកព័តមាននេះ