មូលហេតុនៃការឈឺទ្រូងអាច ផ្សេងៗពីបញ្ហាតូចតាចដូចជាការមិនរំលាយអាហារ ឬស្ត្រេស,ទៅជាបញ្ហាធ្ងន់ដើម្បីឲ្យមានការប្រុងប្រយ័ត្នជាដើមដូចជា ការគាំងបេះដូង ឬការកកស្ទះនៅក្នុងសួតជាដើម ។ មូលហេតុជាក់ច្បាស់នៃការឈឺទ្រូងជា រឿយៗគឺពិបាកនឹងបកស្រាយណាស់ ។ ការស្វែងរកមូលហេតុនៃការឈឺទ្រូងជារឿងលំបាក,…
មូលហេតុនៃការឈឺទ្រូងអាច ផ្សេងៗពីបញ្ហាតូចតាចដូចជាការមិនរំលាយអាហារ ឬស្ត្រេស,ទៅជាបញ្ហាធ្ងន់ដើម្បីឲ្យមានការប្រុងប្រយ័ត្នជាដើមដូចជា ការគាំងបេះដូង ឬការកកស្ទះនៅក្នុងសួតជាដើម ។ មូលហេតុជាក់ច្បាស់នៃការឈឺទ្រូងជា រឿយៗគឺពិបាកនឹងបកស្រាយណាស់ ។
ការស្វែងរកមូលហេតុនៃការឈឺទ្រូងជារឿងលំបាក, ជាពិសេសប្រសិនបើអ្នកមិនដែលធ្លាប់មានរោគសញ្ញាអ្វីសោះពីមុនមកនោះ ។
សូម្បីតែគ្រូពេទ្យអាចលំបាកដើម្បីសម្រេចថាតើការឈឺទ្រូង គឺជារោគសញ្ញានៃការគាំងបេះដូង ឬគ្រាន់តែជារោគសញ្ញានៃការមិនរំលាយអាហារនោះទេ ។ ប្រសិនបើអ្នកមានការឈឺទ្រូងដោយមិនដឹងពីមូលហេតុក្នុងរយៈពេលលើសពី២ ឬ៣នាទីនោះ, សូមស្វែងការសង្គ្រោះភ្លាមៗជាជាងព្យាយាមធ្វើរោគវិនិច្ឆ័យនៃមូលហេតុដោយខ្លួនអ្នក ។
ដូចក្នុងករណី ភ្លាមៗដែលឈឺចាប់មិនមានមូលហេតុនោះ, ការឈឺទ្រូងអាចជាសញ្ញាដើម្បីដាស់តឿនអ្នកអោយស្វែងរកការសង្គ្រោះតាមបែបវេជ្ជសាស្ត្រ ។ សូមប្រើប្រាស់នូវព័ត៌មានខាងក្រោមនេះ ដើម្បីជួយអ្នកកំណត់ថាតើការឈឺទ្រូងរបស់អ្នកគឺត្រូវស្វែងរកការសង្គ្រោះ ឬយ៉ាងណា ។
ការគាំងបេះដូង
ការគាំងបេះដូងកើតមានឡើងនៅពេលដែលសរសៃឈាមអាកទេ ដែលសម្រាប់ទៅផ្គត់ផ្គង់សាចដុំបេះដូងរបស់អ្នកប្រែក្លាយជាស្ទះ ។ ការគាំងបេះដូងអាចបណ្តាលអោយឈឺ ដែលមានរយៈពេលលើសពី១៥នាទី ។ ប៉ុន្តែការគាំងបេះដូង អាចមិនមានរោគសញ្ញាអ្វីទាំងអស់ក៏មានដែរ ។
មនុស្សជាច្រើនដែលធ្លាប់គាំងបេះដូងនេះ មានសញ្ញាដែលព្រួយបារម្ភជាច្រើនម៉ោង ជាច្រើនថ្ងៃ ឬជាច្រើនសប្តាហ៍ក៏មាន ។ រោគសញ្ញាដែលគំរាមកំហែងដំបូងបំផុតចំពោះការគាំងបេះដូង អាចមានរយៈពេលនៃការឈឺទ្រូង ដែលចាប់ផ្តើមមាននៅពេលដែលអ្នកមានសកម្មភាពរាងកាយ ប៉ុន្តែវានឹងធូរស្រាលទៅវិញនៅពេលដែលអ្នកសម្រាក ។
អ្នកដែលគាំងបេះដូងអាចធ្លាប់មានរោគសញ្ញាដូចខាងក្រោមនេះ៖
-តឹង,ណែន ឬឈឺដូចគេច្របាច់នៅចំកណ្តាលទ្រូង ដែលមានរយៈពេលលើសពីពីរ ឬបីនាទី
-ការឈឺចាប់រាលដាលដល់ស្មា, ក ឬដៃ
-ងងឹតមុខ, ល្ហិតល្ហៃ, បែកញើស, ចង្អោរ ឬដកដង្ហើម ខ្លីៗ
ប្រសិនបើអ្នក ឬនរណាម្នាក់អាចកំពុងមានការគាំងបេះដូង៖
-សូមស្វែងរកការសង្គ្រោះជាបន្ទាន់៖ កុំទុកឲ្យរោគសញ្ញានៃការគាំងបេះដូងឲ្យលើសពី៥នាទីឲ្យសោះ ។ ប្រសិនបើអ្នកមានអ្វីដែលទាក់ទងទៅផ្នែកសង្គ្រោះបន្ទាន់បានទេនោះ, សូមឲ្យនរណាម្នាក់ដូចជាអ្នកជិតខាង ឬមិត្តភិក្ត ជូនអ្នកទៅកាន់មន្ទីរពេទ្យដែលជិតបំផុត ។ សូមបើកបរទៅកាន់មន្ទីរពេទ្យខ្លួនឯងនៅពេលដែលវាជាជម្រើសចុងក្រោយ ។
ការបើកបរដោយខ្លួនអ្នកអាចឲ្យអ្នក និងអ្នកដទៃមានគ្រោះថ្នាក់ ប្រសិនបើលក្ខខណ្ឌរបស់អ្នកកាន់តែ យ៉ាប់ទៅៗ ភ្លាមៗនោះ ។
-សូមលេបថ្នាំអាស្ពីរីន៖ ថ្នាំអាស្ពីរីនបន្ថយឈាមដែលកកដែលអាចជួយដល់លំហូរឈាមរបស់អ្នកឆ្លងកាត់សរសៃឈាមអាកទែដែលចង្អៀត ដែលត្រូវបានបង្កឲ្យជាការគាំងបេះដូងនេះ ។ ទោះជាយ៉ាងណាក៏ដោយ សូមកុំលេបថ្នាំអាស្ពីរីនប្រសិនបើអ្នកមានប្រតិកម្មទៅនឹងថ្នាំអាស្ពីរីន មានបញ្ហាហូរឈាម ឬប្រសិនបើគ្រូពេទ្យប្រាប់អ្នកមិនអោយលេបវានោះ ។
-លេបនីត្រូគ្លីសេរីនប្រសិនបើមានវេជ្ជបញ្ជា៖ ប្រសិនបើអ្នកគិតថាអ្នកមានការគាំងបេះដូង និងគ្រូពេទ្យបានចេញវេជ្ជបញ្ជាឲ្យទិញថ្នាំនីត្រូគ្លីសេរីនដល់អ្នក សូមលេបវា ។ សូមកុំឲ្យថ្នាំនេះទៅអ្នកដទៃផ្សេង ។
សូមចាប់ផ្តើមសង្គ្រោះចង្វាក់បេះដូង និងដង្ហើមលើអ្នកដែលមានការគាំងបេះដូង៖
ប្រសិនបើអ្នកដែលត្រូវបានគេសង្ស័យថាគាំងបេះដូង គឺបាត់បង់ស្មារតីនោះ, អ្នកអាចជួយសង្គ្រោះចង្វាក់បេះដូង និងដង្ហើមរបស់គាត់បាន ។ សូម្បីប្រសិនបើអ្នកមិនត្រូវបានហាត់រៀនក៏ដោយ អ្នកសង្គ្រោះអាចណែនាំអ្នកឲ្យធ្វើការសង្គ្រោះចង្វាក់បេះដូង និងដង្ហើមនេះរហូតដល់ពួកគេមកដល់ ។ ប្រសិនបើអ្នកមិនដឹងថាការសង្គ្រោះចង្វាក់បេះដូង និងដង្ហើមយ៉ាងណានោះទេ សូមចាប់ផ្តើមសង្កត់ឲ្យខ្លាំង និងញាប់ដល់ទ្រូងរបស់គាត់ ដោយការសង្កត់១០០ដងក្នុងមួយនាទី ។
ការស្ទះសរសៃឈាមទៅចិញ្ចឹមបេះដូង
ការស្ទះសរសៃឈាមទៅចិញ្ចឹមបេះដូង គឺជាប្រភេទនៃការឈឺទ្រូងមួយ ដែលត្រូវបានបង្កឡើងដោយការថយចុះលំហូរឈាមទៅកាន់សាច់ដុំបេះដូងរបស់អ្នក ។ ការស្ទះសរសៃឈាមទៅចិញ្ចឹមបេះដូងអាចមានសភាពថេរ ឬមិនថេរ៖
-ការឈឺទ្រូងថេរ៖ មានជាប់, កើតមានការឈឺចាប់ដែលជាធម្មតាកើតមានពេលធ្វើការងារធ្ងន់ ។
-ការឈឺទ្រូងមិនថេរ៖ ឈឺទ្រូង ភ្លាមៗ, ការឈឺទ្រូងថ្មី ឬប្រែប្រួលពីសភាពថេរដែលអាចជាសញ្ញានៃការគាំងបេះដូងនឹងកើតមានឡើង ។
ការឈឺទ្រូងប្រភេទនេះ គឺជារឿងទូទៅមួយ ប៉ុន្តែអាចជារឿងពិបាកដើម្បីចែកពីប្រភេទដទៃទៀត នៃការឈឺទ្រូងដូចជាការឈឺទ្រូង ឬភាពមិនស្រួលនៃការមិនរំលាយអាហារជាដើម ។
ការឈឺទ្រូងដោយការស្ទះសរសៃឈាមទៅចិញ្ចឹមបេះដូងរួមមាន៖
-ការឈឺទ្រូង ឬមិនស្រួល
-ឈឺដៃ, ក, ថ្គាម, ស្មា ឬខ្នងដែលគួបផ្សំនឹងការឈឺទ្រូង
-ចង្អោរ
-អស់កម្លាំង
-ដកដង្ហើម ខ្លីៗ
-ថប់បារម្ភ
-បែកញើស
-វិលមុខ
ភាពធ្ងន់, រយៈពេល និងប្រភេទនៃការឈឺទ្រូងនេះអាច ផ្សេងៗពីគ្នា ។ ប្រសិនបើអ្នកមានការឈឺទ្រូងថ្មី ឬប្រែប្រួលនៃការឈឺទ្រូង, រោគសញ្ញាថ្មី ឬរោគសញ្ញានៃការប្រែប្រួលនេះ អាចជាសញ្ញាគ្រោះថ្នាក់នៃទម្រង់នៃការស្ទះសរសៃឈាមមកចិញ្ចឹមបេះដូងនេះ ឬជាការគាំងបេះដូងតែម្តង ។ ប្រសិនបើការស្ទះសរសៃឈាមទៅចិញ្ចឹមបេះដូងកាន់តែយ៉ាប់ទៅ ឬប្រែប្រួលទៅជាមិនថេរនោះ, សូមស្វែងរកការសង្គ្រោះដោយប្រុងប្រយ័ត្ន ។
ការស្ទះនៅក្នុងសរសៃឈាមសួត
ការស្ទះនៅក្នុងសរសៃឈាមសួតកើតមានឡើងនៅពេលដែលកំណក ដែលជាធម្មតាមកពីសរសៃឈាមវ៉ែននៃជើង ឬត្រគាក, ចាល់ចូលទៅក្នុងសរសៃឈាមអាកទែរនៅនឹងសួត ។ ជាលិកាសួតចាំទទួលឈាម ប៉ុន្តែនៅពេលដែលមិនមានលំហូរឈាមគ្រប់គ្រាន់ជាលិកានោះស្លាប់។ នេះធ្វើឲ្យវាកាន់តែ ពិបាកឡើងៗ សម្រាប់សួតរបស់អ្នកដើម្បីផ្តល់អុកស៊ីសែនទៅកាន់ខ្លួនរបស់អ្នកបានគ្រប់គ្រាន់នោះ ។
រោគសញ្ញានៃការស្ទះសរសៃឈាមនៅក្នុងសួតនោះរួមមាន៖
-ឈឺទ្រូង ភ្លាមៗដែលចាប់ផ្តើម ឬកាន់តែយ៉ាប់ទៅៗ ជាមួយនឹងការដកដង្ហើម ជ្រៅៗ ឬក្អក, ជារឿយៗ ត្រូវបានគួបផ្សំដោយការដកដង្ហើម ខ្លីៗ ។
-ដកដង្ហើម ខ្លីៗ ដោយមិនដឹងមូលហេតុ ទោះជាគ្មានការឈឺក៏ដោយ ។
-ក្អកដែលអាចមានធ្លាក់ឈាម
-បេះដូងលោតញាប់
-ល្ហិតល្ហៃ
-ថប់បារម្ភ
-បែកញើស
ការស្ទះសរសៃឈាមនៅនឹងសួតអាចគម្រាមកំហែងដល់ជីវិត ។ ដូចដែលអ្នកសង្ស័យថាគាំងបេះដូងដែរ, សូមស្វែងរកអ្នកសង្គ្រោះភ្លាមៗ ។
ការរហែកសរសៃឈាមអារអក
ការរហែកសរសៃឈាមអារអក គឺជាបញ្ហាធ្ងន់មួយ ដែលការរហែកមាននៅត្រង់ស្រទាប់ស្តើងនៃសរសៃឈាមអារអក, ដែលជាសរសៃឈាមដែលធំដែលបែកខ្នែងចេញពីបេះដូង ។ ឈាមកើនឡើងតាមរយៈការរហែកនេះទៅក្នុងស្រទាប់កណ្តាលនៃសរសៃឈាមអារអក, ដែលបណ្តាលឲ្យស្រទាប់ដំបូង និងស្រទាប់កណ្តាលញែកដាច់ពីគ្នា ។ ប្រសិនបើអ្នកគិតថា ការរហែកសរសៃឈាមអារអក គឺជាមូលហេតុបណ្តាលឲ្យអ្នកឈឺទ្រូង, សូមស្វែងរកការសង្គ្រោះជាបន្ទាន់ ។
ការរលាកសាច់សួតជាមួយនឹងការដក់ទឹកនៅក្នុងស្រោមសួត
រោគសញ្ញាញឹកញាប់នៃការរលាកសួច គឺការឈឺទ្រូងត្រូវបានគួបផ្សំនឹងការញាក់, គ្រុនក្តៅ និងក្អក ដែលអាចបង្កើតនូវស្លេសដែលមានឈាម និងក្លិន ។ នៅពេលដែលការរលាកសួតកើតមានឡើងជាមួយនឹងការរលាកស្រោមសួម, អ្នកអាចមានការឈឺទ្រូងខ្លាំងនៅពេលដែលអ្នកដកដង្ហើមចូល និងក្អក ។ លក្ខខណ្ឌនេះត្រូវបានគេហៅថាទឹកដក់ស្រោមសួត ។
រោគសញ្ញាមួយនៃការដក់ទឹកនៅនឹងស្រោមសួត គឺថាការឈឺចាប់ជាធម្មតាត្រូវបានបន្ថយជាបណ្តោះអាសន្នដោយទុកខ្យល់នៅក្នុងសួត ឬសង្កត់ទៅលើតំបន់ដែលឈឺនៅលើទ្រូង ។ នេះមិនមែនជារឿងពិតប្រាកដនៃការគាំងបេះដូងនោះទេ ។ ប្រសិនបើអ្នកត្រូវបានគេធ្វើរោគវិនិច្ឆ័យថាជាជំងឺរលាកសួត ហើយបន្ទាប់មកចាប់ផ្តើមមានរោគសញ្ញានៃការដក់ទឹកនៅក្នុងស្រោមសួត, សូមទាក់ទងទៅគ្រូពេទ្យ ឬស្វែងរកការសង្គ្រោះបន្ទាន់ ដើម្បីកំនត់ពីមូលហេតុនៃការឈឺទ្រូងនេះ។ ការដក់ទឹកក្នុងស្រោមសួតតែឯកឯមិនត្រូវការសង្គ្រោះជាបន្ទាន់នោះទេ, ប៉ុន្តែអ្នកមិនគួរសាកល្បងធ្វើរោគវិនិច្ឆ័យដោយខ្លួនឯងនោះទេ ។
ការឈឺឆ្អឹងជំនីរ
ភាព ផ្សេងៗពីគ្នាមួយទៀត នៃការឈឺទ្រូងនោះ គឺការឈឺឆ្អឹងជំនីរ ។ ការឈឺឆ្អឹងជំនីរនេះ គឺជាការរលាកឆ្អឹងជំនីរ និងឆ្អឹងខ្ចី ។ វាបណ្តាលឲ្យឈឺ និងតឹងនៅខាងក្នុង និងជុំវិញឆ្អឹងខ្ចីដែលផ្សារភ្ជាប់ឆ្អឹងជំនីរទៅឆ្អឹងសន្ទះទ្រូង ។
ក្នុងករណីនេះការរលាកឆ្អឹងជំនីរ និងឆ្អឹងខ្ចី,សង្កត់ខាងចុងឆ្អឹងសន្ទះទ្រូង ដែលជា រឿយៗមានភាពតឹងនៅនឹងតំបន់នោះ ។ ប្រសិនបើការសង្កត់ដោយម្រាមដៃបណ្តាលឲ្យឈឺទ្រូងដែរនោះ,វាមិនហាក់ដូចជាលក្ខខណ្ឌធ្ងន់ដូចជាការគាំងបេះដូង, គឺជាមូលហេតុនៃការឈឺទ្រូងនោះទេ ។
មូលហេតុដទៃទៀតនៃការឈឺទ្រូងរួមមាន៖
-យារសាច់ដុំទ្រូងដោយសារការប្រើកម្លាំងក្អកខ្លាំងពេក ។
-សាច់ដុំទ្រូងជាំដោយការប៉ះទង្គិចក្នុងកម្រិតស្រាល ។
-ថប់បារម្ភក្នុងរយៈពេលខ្លីជាមួយនឹងការដកដង្ហើមលឿន ។
-ជំងឺដំបៅក្រពះ
-ការឈឺចាប់ដែលមកពីប្រដាប់រំលាយអាហារដូចជាការចាល់អាស៊ីតក្រពះ, ដំបៅក្រពះ ឬឈឺថង់ទឹកប្រមាត់ ដែលអាចមានអារម្មណ៍ស្រដៀងនឹងរោគសញ្ញានៃការគាំងបេះដូងដែរ ៕
ចែករំលែកព័តមាននេះ