រាជធានីភ្នំពេញ ៖ កម្លាំងនគរបាលខណ្ឌពោធិ៍សែនជ័យសហការណ៍ជាមួយកម្លាំងនគរបាលប៉ុស្តិ៍ កាកាប២បានចុះទៅធ្វើការបង្ក្រាបទីតាំងទទួលផលចោរកម្មមួយកន្លែងដោយបានធ្វើការឃាត់ខ្លួនជនសង្ស័យចំនួន២នាក់។ ព្រមទាំងធ្វើការដកហូតបានម៉ូតូចំនួន៥គ្រឿង និងគ្រឿងម៉ូតូដែលគេដោះលក់កាប់សាច់មួយចំនួនទៀតផងដែរ។ ប្រតិបត្តិការណ៍នោះបានធ្វើឡើង កាលពីវេលាម៉ោង២រសៀល ថ្ងៃទី២៦ ខែធ្នូ…
រាជធានីភ្នំពេញ ៖ កម្លាំងនគរបាលខណ្ឌពោធិ៍សែនជ័យសហការណ៍ជាមួយកម្លាំងនគរបាលប៉ុស្តិ៍ កាកាប២បានចុះទៅធ្វើការបង្ក្រាបទីតាំងទទួលផលចោរកម្មមួយកន្លែងដោយបានធ្វើការឃាត់ខ្លួនជនសង្ស័យចំនួន២នាក់។ ព្រមទាំងធ្វើការដកហូតបានម៉ូតូចំនួន៥គ្រឿង និងគ្រឿងម៉ូតូដែលគេដោះលក់កាប់សាច់មួយចំនួនទៀតផងដែរ។ ប្រតិបត្តិការណ៍នោះបានធ្វើឡើង កាលពីវេលាម៉ោង២រសៀល ថ្ងៃទី២៦ ខែធ្នូ ឆ្នាំ២០១៧ នៅក្នុងផ្ទះល្វែងមួយកន្លែង ស្ថិតនៅក្នុងភូមិក្បាលដំរី២ សង្កាត់កាកាបទី២ ខណ្ឌពោធិ៍សែនជ័យ។
ជនសង្ស័យដែលត្រូវចាប់ខ្លួននោះម្នាក់ឈ្មោះ នួន តេងលី អាយុ៣៤ឆ្នាំ មុខរបរទិញ និងលក់ម៉ូតូ ស្នាក់នៅកន្លែងកើតហេតុខាងលើ និងម្នាក់ទៀតឈ្មោះ ស៊ី សោម អាយុ៣៣ឆ្នាំ មុខរបរ បើកបររថយន្តមានទីលំនៅបច្ចុប្បន្ននៅក្នុងភូមិបឹងធំទី១ សង្កាត់បឹងធំ ខណ្ឌពោធិ៍សែនជ័យ។ នគរបាលបានឲ្យដឹងថា កម្លាំងងនគរបានដកហូតបានម៉ូតូចំនួន៥គ្រឿង សុទ្ធតែស៊េរីទំនើបៗក្នុងនោះមាន១គ្រឿងម៉ាកហុងដាស្កូបពី សង្ស័យត្រូវបានចោរលួចពីក្នុងភូមិសាស្ត្រសង្កាត់ចោមចៅ កាលពីវេលាយប់ថ្ងៃទី២៥ ខែធ្នូ ឆ្នាំ២០១៧។
ក្រៅពីនេះក៏មានគ្រឿងម៉ូតូដែលពួកគេដោះបំបែកសម្រាប់លក់កាប់សាច់ជាច្រើនទៀតផងដែរ បន្ទាប់មកនគរបាលបាននាំទៅសាកនៅប៉ុស្តិ៍នគរបាលរដ្ឋបាលកាកាប២ ដើម្បីចាត់ការតាមច្បាប់។ ប្រភពដដែលបានបន្តទៀតថា ការបង្ក្រាបខាងលើនោះធ្វើឡើងតាមការស្រាវជ្រាវ ហើយកម្លាំងទទួលបានការរាយការណ៍ពីសំណាក់ប្រជាពលរដ្ឋនៅក្នុងមូលដ្ឋាន។ បន្ទាប់មកកម្លាំងបានចុះធ្វើការបង្ក្រាប និងចាប់ខ្លួនមនុស្ស២នាក់ព្រមទាំងដកហូតយកវត្ថុតាងខាងលើនោះតែម្ដង៕
ចែករំលែកព័តមាននេះ