បុរសម្នាក់ត្រូវបាននគរបាលឃាត់ខ្លួន អនុវត្តតាមដីកា
- ឧត្តរមានជ័យ
ខេត្តឧត្តរមានជ័យ ៖ នគរបាលស្រុកអន្លង់វែងបានអនុវត្តដីកាចាប់ខ្លួនរបស់សាលាដំបូងខេត្តឧត្តរមានជ័យ លេខ០២៤ ចុះថ្ងៃទី២២ ខែមីនា ២០១៦ របស់លោក កុល កំពូល…
ខេត្តឧត្តរមានជ័យ ៖ នគរបាលស្រុកអន្លង់វែងបានអនុវត្តដីកាចាប់ខ្លួនរបស់សាលាដំបូងខេត្តឧត្តរមានជ័យ លេខ០២៤ ចុះថ្ងៃទី២២ ខែមីនា ២០១៦ របស់លោក កុល កំពូល ចៅក្រមជុំនំជម្រះសាលាដំបូងខេត្តឧត្តរមានជ័យ ខណៈនោះយោងតាមដីកា សមត្ថកិច្ចឃាត់ខ្លួនជនសង្ស័យម្នាក់ឈ្មោះ ម៉ៅ ស៊ិច ភេទប្រុស អាយុ៤០ឆ្នាំ រស់នៅភូមិកណ្តាលក្រោម ឃុំអន្លង់វែង ស្រុកអន្លង់វែង ខេត្តឧត្តរមានជ័យ។
នគរបាល ស្រុកអន្លង់វែងបានឱ្យដឹងថា មុនពេលធ្វើការគឺយោងទៅតាមដីការបស់សាលាដំបូងខេត្ត នឹងយោងទៅលើមានវត្ថុតាងមួយចំនួនរួមទាំងឯកសារបស់ជនសង្ស័យដែលបានប្រព្រឹត្តជួញដូរនូវសារធាតុញៀនកាលពីថ្ងៃទី២៣ ខែសីហា ឆ្នាំ២០១៥ កន្លងទៅ ហើយជននេះបានគេចខ្លួនអស់មួយរយៈបានវិលត្រឡប់មកវិញ។ នគរបានបញ្ជាក់ថា នៅព្រឹកថ្ងៃទី២៤ ធ្នូ ២០១៧ កម្លាំងនគរបាលបានឃាត់ខ្លួននៅចំណុចភូមិអូរចិញ្ជៀន ឃុំអន្លង់វែង ស្រុកអន្លង់វែង រួចបញ្ជូនទៅកាន់តុលាការខេត្តឧត្តរមានជ័យ ចាត់ការតាមនីតិវិធី៕
ចែករំលែកព័តមាននេះ