ហ្ស៊ីមបាវ៉េ ៖ តាមប្រភពព័ត៌មាន Oddity Central បានឲ្យដឹងថា បុរសម្នាក់ជនជាតិហ្ស៊ីមបាវ៉េ បានជាប់ចំណាត់ថ្នាក់លេខ១ ខាងមុខអាក្រក់ជាងគេក្នុងប្រទេសជាលើកទី៤។ ដោយសារតែមុខមាត់អាក្រក់ផុតលេខក្នុងប្រទេស…
ហ្ស៊ីមបាវ៉េ ៖ តាមប្រភពព័ត៌មាន Oddity Central បានឲ្យដឹងថា បុរសម្នាក់ជនជាតិហ្ស៊ីមបាវ៉េ បានជាប់ចំណាត់ថ្នាក់លេខ១ ខាងមុខអាក្រក់ជាងគេក្នុងប្រទេសជាលើកទី៤។
ដោយសារតែមុខមាត់អាក្រក់ផុតលេខក្នុងប្រទេស លោក William Masvinu បានឈ្នះពានរង្វាន់ប្រចាំកម្មវិធី Mr. Ugly នៅប្រទេសហ្ស៊ីមបាវ៉េ។ បុរសវ័យ៤៣ឆ្នាំរូបនេះ មានជំនឿទុកចិត្តថា នឹងយកឈ្នះឲ្យបាន នៅឆ្នាំក្រោយក្នុងកម្មវិធីលំដាប់ពិភពលោក ដែលនឹងធ្វើនៅអាហ្វ្រិកខាងត្បួង។
ក្នុងនាមជាជើងឯកមុខអាក្រក់ជាងគេ លោកបានទទួលប្រាក់រង្វាន់៥០០ដុល្លារ និងគោមួយក្បាលពីកម្មវិធី។ ចំពោះអ្នកទទួលបានលេខពីរវិញ គឺបានលុយ២០០ដុល្លារ និង លេខបីបានលុយ១០០ដុល្លារ។
អ្នកគាំទ្ររបស់លោកមានជំនឿចិត្តថា លោកនឹងអាចយកឈ្នះទៀត ប្រសិនបើទៅប្រកួតនៅលំដាប់ពិភពលោក។ ដល់ថ្នាក់មានអ្នកខ្លះថា លោកគួរតែឈប់ដាក់ពាក្យប្រលងក្នុងប្រទេសទៅ ព្រោះចង់ទុកឲ្យអ្នកផ្សេងឈ្នះផង៕
ចែករំលែកព័តមាននេះ