ភោជនីយដ្ឋានចម្លែក ឱ្យចូលដឹងតែស្រាត តើមានអ្នកណាចង់ចូលទេ?
បារាំង ៖ តាមប្រភពព័ត៌មាន Oddity Central បានឲ្យដឹងថា ភោជនីយដ្ឋានមួយកន្លែងនៅទីក្រុងប៉ារីស ប្រទេសបារាំង តម្រូវឲ្យភ្ញៀវចូលមកហូបទាំងខ្លួនទទេ ពេលទទួលទានម្ហូប។…
បារាំង ៖ តាមប្រភពព័ត៌មាន Oddity Central បានឲ្យដឹងថា ភោជនីយដ្ឋានមួយកន្លែងនៅទីក្រុងប៉ារីស ប្រទេសបារាំង តម្រូវឲ្យភ្ញៀវចូលមកហូបទាំងខ្លួនទទេ ពេលទទួលទានម្ហូប។
ភោជនីយដ្ឋាន O’naturel គឺជាភោជនីយដ្ឋានដំបូងគេបង្អស់នៅប្រទេសបារាំង សម្រាប់អ្នកដែលចូលចិត្តស្រាតសម្លៀកបំពាក់ជាសាធារណៈ។ ដោយសារតែឃើញទីផ្សារខាងផ្នែកនេះកំពុងរីកដុះដាលនៅប្រទេសជិតខាង បងប្អូនភ្លោះពីរនាក់ដែលជាម្ចាស់ហាង បានសម្រេចចិត្តបើកនៅប្រទេសបារាំង។ លោក Mike និង លោក Stephane Saada ថា៖ «អ្នកដែលនិយមចូលចិត្តស្រាតជាសាធារណៈអាចស្រាតបានត្រឹមតែនៅរដូវក្តៅតែប៉ុណ្ណោះ។ តែយើងចង់ឲ្យពួកគេអាចស្រាតបានគ្រប់ពេលចូលមកក្នុងហាងរបស់យើង ដោយមិនខុសច្បាប់»។
ដោយសារតែភ្ញៀវទាំងអស់ត្រូវស្រាត ដូចនេះគេមានច្បាប់ប្រចាំហាងមួយ ដែលហាមមិនឲ្យភ្ញៀវ និងបុគ្គលិកយកទូរស័ព្ទចូល។ គេធ្វើដូចនេះ ព្រោះខ្លាចមានអ្នកលួចថតរូបផ្តេសផ្តាស។ រាល់ស្រោមកៅអី គឺត្រូវតែប្តូរចេញរាល់ពេលភ្ញៀវងើបចេញ។ ភ្ញៀវជាច្រើនពេញចិត្តនឹងសេវាកម្មនេះយ៉ាងខ្លាំង។
ទោះបីជាហាងនេះឲ្យភ្ញៀវស្រាតពិតមែន តែគេមិនឲ្យមានសកម្មភាពណាពាក់ព័ន្ធនឹងការរួមភេទឡើយ។ ប្រសិនបើមានករណីនេះកើតឡើង គេនឹងព្រមានភ្ញៀវនោះ ឬមិនឲ្យចូលមកក្នុងហាង៕
ចែករំលែកព័តមាននេះ