ទឹកតែ និងកាហ្វេ ការលេបថ្នាំគ្រាប់ជាតិដែកជាមួយនឹងទឹកតែ ឬកាហ្វេ គឺអាចកាត់បន្ថយនូវបរិមាណនៃការបឺតស្រូបជាតិដែករបស់រាងកាយ ។ ភេសជ្ជៈទាំងនេះថែមទាំងអាចកាត់បន្ថយនូវការបឺតស្រូបរបស់ជាតិដែកពីក្នុងអាហារផងដែរ។ ឥទ្ធិពលទាំងនេះប្រហែលជាអាចរួមចំណែក ដល់ជំងឺស្លេកស្លាំង ដោយសារកង្វះសារជាតិ…
ទឹកតែ និងកាហ្វេ
ការលេបថ្នាំគ្រាប់ជាតិដែកជាមួយនឹងទឹកតែ ឬកាហ្វេ គឺអាចកាត់បន្ថយនូវបរិមាណនៃការបឺតស្រូបជាតិដែករបស់រាងកាយ ។ ភេសជ្ជៈទាំងនេះថែមទាំងអាចកាត់បន្ថយនូវការបឺតស្រូបរបស់ជាតិដែកពីក្នុងអាហារផងដែរ។ ឥទ្ធិពលទាំងនេះប្រហែលជាអាចរួមចំណែក ដល់ជំងឺស្លេកស្លាំង ដោយសារកង្វះសារជាតិ ដែក ជាពិសេសចំពោះក្រុមមនុស្ស ដែលមានការប្រឈមនឹងកត្តាគ្រោះថ្នាក់ ផ្នែកសុខភាពដទៃទៀត ។
ផលិតផលដែលធ្វើពីជាតិទឹកដោះគោ
សារជាតិកាល់ស្យូម ដែលមាននៅក្នុងផលិតផលដែលធ្វើពីជាតិទឹកដោះគោ មានដូចជាទឹកដោះគោ និងហ្វ្រូម៉ាស គឺអាចកាត់បន្ថយនូវការបឺតស្រូបនៃជាតិដែកពីក្នុងអាហារ និងពីថ្នាំគ្រាប់ ។ ស្ថានភាពនេះប្រហែលជាមិនមានបញ្ហាអ្វីនោះទេ ចំពោះអ្នកដែលមានផ្ទុកសារជាតិដែក គ្រប់គ្រាន់នៅក្នុងខ្លួនរបស់ពួកគេ។
ប៉ុន្តែប្រសិនបើអ្នកត្រូវការជាតិដែកបន្ថែមនោះអ្នកត្រូវលេបថ្នាំគ្រាប់ជាតិដែកជាមួយនឹង អាហារ ដែលមានជាតិទឹកដោះគោតិចបំផុត តាមដែលអាចធ្វើបាន ។ មានមនុស្សខ្លះបាននិយាយថា អ្នកនឹងអាចទទួលបាននូវការបឺតស្រូបរបស់ជាតិដែកបានល្អបំផុត ប្រសិនបើអ្នកបានលេបវាដោយពោះទទេ ប៉ុន្តែវាអាចនឹងបង្កើននូវគ្រោះថ្នាក់ប្រឈមនឹង ការរលាកក្រពះ ។ កុំប្រថុយជាមួយនឹងស្ថានភាពនេះ ។ អ្នកគួរតែលេបវាជាមួយនឹងអាហារដែលមានជាតិកាល់ស្យូមទាប ។
អាហារ
ការលេបថ្នាំគ្រាប់ជាមួយនឹងអាហារ គឺអាចកាត់បន្ថយនូវកម្រិតនៃការបឺតស្រូបរបស់ជាតិដែករបស់រាងកាយបានពី៤០ទៅ៥០ភាគរយ ។ ដើម្បីទទួលបាននូវការបឺតស្រូបក្នុងកម្រិតដ៏ប្រសើរជាតិដែកគួរត្រូវបានលេបជាមួយនឹងពោះទទេ ។ ប៉ុន្តែមានមនុស្សមួយចំនួនមិនអាចទ្រាំទ្រនឹងវាបានទេដោយសារតែផលរំខានរបស់វា គឺអាចធ្វើឲ្យអ្នកឈឺក្រពះ និងក្អួតចង្អោរ ។
ប្រសិនបើអ្នកចាំបាច់ត្រូវតែលេបថ្នាំ គ្រាប់ជាតិដែកជាមួយនឹងអាហារដើម្បីកាត់បន្ថយនូវផលរំខាននេះ នោះអ្នកត្រូវជៀសវាងនូវប្រភេទ អាហារដែលធ្វើពីជាតិទឹកដោះគោ,ទឹកតែ,កាហ្វេ ឬស្រូវសាឡី ៕
ចែករំលែកព័តមាននេះ