ជំងឺស្បែក psoriasisជា រឿយៗ វាមានការឈឺចាប់ និងរមាស់ស្បែកដែលធើ្វឲ្យក្រហម,រលាក ដុំៗនៅលើស្បែក ។ បន្ទះស្បែកក្រហមនោះជាទូទៅមានគ្របដណ្តប់ដោយកោសិកាស្បែកងាប់ពណ៌ស ។
អ្នកវិទ្យាសាស្ត្រមិនប្រាកដថា អ្វីបណ្តាលឲ្យមានជំងឺនេះ ហើយវាឆ្លងតាមណានោះទេ ។
ពួកគេគ្រាន់តែដឹងថា ជំងឺស្បែក psoriasis ទាក់ទងទៅនឹងការខូចមុខងារនៃហ្សែន ដែលហេតុការណ៍នេះ វានាំឲ្យមានការឆ្លើយតបមិនត្រឹមត្រូវរបស់ប្រព័ន្ធភាពស៊ាំ, ដែលនាំឲ្យមានការផលិតកោសិកាស្បែកថ្មីយ៉ាងលឿន ។ ក្នុងករណីជាច្រើន កត្តាបរិស្ថានក៏អាចជាអ្នករួមចំណែកបង្កឲ្យមានបញ្ហានេះផងដែរ ។
មូលហេតុច្បាស់លាស់នៃជំងឺស្បែក psoriasisនេះ គឺមិនត្រូវបានដឹងនោះទេ ។ អ្នកវិទ្យាសាស្ត្រជាច្រើនជឿថាលក្ខខណ្ឌ អាចចម្លងពីឪពុកម្តាយទៅកូន(តំណពូជ) ។ ប្រហែលជា១/៣ នៃអ្នកដែលកើតមានជំងឺស្បែក psoriasis នេះ មានសមាជិកគ្រួសារម្នាក់ឬច្រើនជាងនេះកើតមាននូវជំងឺនេះ ។ ប៉ុន្តែវាមិនច្បាស់នៅឡើយទេថា កត្តាតំណពូជតែមួយអាចកំណត់ថា តើអ្នកនឹងកើតមានជំងឺស្បែក psoriasis នោះ ។ ជំងឺស្បែក psoriasisមិនឆ្លងនោះទេ។ វាមិនអាចរាលដាលដោយគ្រាន់តែមានការប៉ះពីមនុស្សម្នាក់ទៅមនុស្សម្នាក់នោះទេ ។
គ្រូពេទ្យជឿថា ប្រព័ន្ធភាពសុំាគឺជាកត្តាមួយនៅក្នុងការវិវឌ្ឍរបស់ជំងឺស្បែក psoriasisនេះ។ ទាំងនោះដោយសារតែមានការកើនឡើងចំនួនរបស់កោសិកាគ្រាប់ឈាមសនៅចន្លោះស្រទាប់ស្បែកមិនធម្មតានោះ និងដោយសារតែជំងឺស្បែក psoriasis ឆ្លើយតបទៅនឹងថ្នាំដែលទប់ស្កាត់សកម្មភាពប្រព័ន្ធភាពស៊ាំ(immune system) ។
កត្តាដទៃទៀតដែលអាចឲ្យជំងឺស្បែក psoriasis មានភាព អាក្រក់ទៅៗ, ឬធ្វើឲ្យមានឡើងវិញបន្ទាប់ពីជាសះស្បើយរួមមាន៖
•អាកាសធាតុ៖ អាកាសធាតុត្រជាក់ពេក និងស្ងួតពេកបណ្តាលរោគសញ្ញារបស់វា អាក្រក់ ទៅៗ ។ អាកាសធាតុក្តៅ, កម្តៅព្រះអាទិត្យ និងភាពសើមអាចឲ្យរោគសញ្ញាថមថយ ។
•របួសលើស្បែក៖ការគ្រោះថ្នាក់ទៅលើស្បែកអាចឲ្យមានជំងឺស្បែក psoriasis នោះ ជា បន្ទះៗ នៅគ្រប់កន្លែងនៅលើខ្លួន, រួមមាននៅជុំវិញតំបន់ដែលគ្រោះថ្នាក់ ។ ទាំងនេះរួមមានរបួសទៅលើក្រចកដៃជើង ឬស្បែកដែលជិតនោះនៅពេលកាត់ក្រចក ។
•ភាពតានតឹងអារម្មណ៍(ស្ត្រេស) និងការថប់បារម្ភ៖ស្ត្រេសអាចបណ្តាលឲ្យមាន psoriasis លេចឡើង ភ្លាមៗ ឬអាចអោយរោគសញ្ញាអាក្រក់ទៅៗ ។
•ជំងឺឆ្លង៖ ជំងឺឆ្លងដូចជាការឈឺកដោយពពួកមេរោគស្ត្រិបតូកូកអាចបណ្តាលឲ្យមានជំងឺស្បែក psoriasisលេចឡើងភ្លាម ជាពិសេសលើកូនក្មេង ។
•ឪសថមួយចំនួនៈ ថ្នាំមួយចំនួនដូចជា NSAIDs, beta-blockers, និង lithium ត្រូវបានគេរកឃើញថា ធ្វើឲ្យរោគសញ្ញារបស់ជំងឺស្បែក psoriasisអាក្រក់ទៅៗ ។ នៅពេលដែលគ្រូពេទ្យចេញវេជ្ជបញ្ជាថ្នាំមួយចំនួនដល់អ្នក សូមប្រាប់គាត់ថាអ្នកមានជំងឺស្បែក psoriasisនេះ ៕
ចែករំលែកព័តមាននេះ