រាជធានីភ្នំពេញ៖ ម៉ាក្រូ ដែលជាមជ្ឈមណ្ឌលចែកចាយផលិតផលបែបបោះដុំធំបំផុតមានមូលដ្ឋាននៅប្រទេសថៃ នឹងបើកសាខាដំបូងរបស់ខ្លួននៅកម្ពុជា នាថ្ងៃទី១៧ ខែធ្នូ ឆ្នាំ២០១៧ ខាងមុខ និងជាផ្សារទំនិញបោះដុំដ៏ធំមុនគេបង្អស់នៅកម្ពុជា ដែលមានទីតាំងស្ថិតនៅសង្កាត់ភ្នំពេញថ្មី…
រាជធានីភ្នំពេញ៖ ម៉ាក្រូ ដែលជាមជ្ឈមណ្ឌលចែកចាយផលិតផលបែបបោះដុំធំបំផុតមានមូលដ្ឋាននៅប្រទេសថៃ នឹងបើកសាខាដំបូងរបស់ខ្លួននៅកម្ពុជា នាថ្ងៃទី១៧ ខែធ្នូ ឆ្នាំ២០១៧ ខាងមុខ និងជាផ្សារទំនិញបោះដុំដ៏ធំមុនគេបង្អស់នៅកម្ពុជា ដែលមានទីតាំងស្ថិតនៅសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
ជាមួយឱកាសបើកសាខាថ្មីនេះ ម៉ាក្រូ នឹងរៀបចំនូវព្រឹត្តការណ៍ដ៏អស្ចារ្យ ជាមួយកម្មវិធីបញ្ចុះតម្លៃពិសេសចាប់ពី១០%-៣០% ព្រមទាំងរង្វាន់ផ្សេងទៀតយ៉ាងច្រើនសន្ធឹកសន្ធាប់ដល់អតិថិជន និងអាជីវករទាំងអស់ ដែលគិតជាទឹកប្រាក់សរុបស្មើនឹងជាង ៣៥.០០០ដុល្លារ ។
ដើម្បីអបអរសារទរការបើកសាខាថ្មីនៅកម្ពុជា ម៉ាក្រូ នឹងផ្តល់ជូនការលក់បញ្ចុះតម្លៃពិសេសរហូតដល់ថ្ងៃទី២ ខែមករា ឆ្នាំ២០១៨ និងបន្តផ្តល់ការលក់បញ្ចុះតម្លៃជាច្រើនផ្សេងទៀតជូនរៀងរាល់២សប្ដាហ៍ម្ដង។ កម្មវិធីលក់បញ្ចុះតម្លៃនៅថ្ងៃបើកសម្ពោធជាផ្លូវការនេះ គ្រាន់តែជាការចាប់ផ្ដើមជំហានដំបូងនៃសកម្មភាពផ្ដល់ជូនពិសេសជាច្រើនទៀតដល់អតិថិជន និងអាជីវករប៉ុណ្ណោះ។ អតិថិជន និងអាជីវករទាំងអស់ដែលបានចុះឈ្មោះជាសមាជិកម៉ាក្រូ នឹងទទួលបានការបញ្ចុះតម្លៃពិសេសជាបន្តបន្ទាប់ដែលអាចឲ្យពួកគាត់យកទៅលក់បន្តបានប្រាក់ចំណេញច្រើន កាត់បន្ថយថ្លៃដើមសម្រាប់អាជីវកម្មរបស់ខ្លួន និងអាចគ្រប់គ្រងទុនបង្វិលសាច់ប្រាក់យ៉ាងមានប្រសិទ្ធភាព ដើម្បីឲ្យដំណើរការអាជីវកម្មររបស់ខ្លួនកាន់តែរីកចម្រើនប្រកបដោយនិរន្តរភាព។
ពិធីបើកសម្ពោធជាផ្លូវការនេះ មានរយៈពេល ៣ថ្ងៃ៖
- ថ្ងៃទី១៥ ធ្នូ ៖ អាជីវករតូបលក់ចាប់ហួយទាំងអស់ នឹងត្រូវបានអញ្ជើញទៅទទួលយកបទពិសោធន៍ការជាវទំនិញ ក៏ដូចជាការណែនាំជូននូវកម្មវិធីម៉ាក្រូមិត្តសម្លាញ់ចាប់ហួយនៅផ្សារម៉ាក្រូ ដែលនឹងជួយលើកស្ទួយដល់អាជីវកម្មរបស់ខ្លួន។
- ថ្ងៃទី១៦ ធ្នូ ៖ ប្រតិបតិ្តករ HoReCa (សណ្ឋាគារ ភោជនីយដ្ឋាន សេវាកម្មម្ហូបអាហារ) នឹងត្រូវបានអញ្ជើញទៅទទួលយកបទពិសោធន៍ស្វែងយល់ពីដំណោះស្រាយល្អរបស់ ម៉ាក្រូ សម្រាប់ស្ថាប័ន និងអាជីវកម្មរបស់ខ្លួន។ ក្នុងនោះមានដូចជា ផលិតផលទំនិញនាំចូល ហាងនំប៉័ង និងសេវាកម្មផ្សេងៗទៀត ដែលរួមមានទាំងការបង្ហាញថ្វីដៃពីរបៀបធ្វើម្ហូបអាហារដោយមេចុងភៅខ្មែរ និងថៃផងដែរ។
- ថ្ងៃទី១៧ ធ្នូ ៖ ពិធីបើកសម្ពោធជាផ្លូវការ ក្រោមអធិបតីភាពដ៏ខ្ពង់ខ្ពស់ ឯកឧត្ដម សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី អគ្គលេខាធិការនៃក្រុមប្រឹក្សាអភិវឌ្ឍន៍កម្ពុជា។ មជ្ឈមណ្ឌលចែកចាយផលិតផលបែបបោះដុំនេះ នឹងបើកស្វាគមន៍ដល់អតិថិជនចាប់ពីម៉ោង១០ព្រឹកតទៅ។ អតិថិជនទាំងអស់ នឹងរីករាយជាមួយសកម្មភាពដ៏អស្ចារ្យជាច្រើន រួមទាំងអាចទិញទំនិញក្នុងតម្លៃទាបសមរម្យបំផុត ដែលមានផលិតផលសរុបជាង ១០.០០០ប្រភេទ។
ផ្សារម៉ាក្រូមានទីតាំង ធំទូលាយងាយស្រួលក្នុងការរកទិញទំនិញ ដែលមានផ្ទៃដីទំហំ១០.០០០ម៉ែត្រក្រឡា មានបំពាក់ម៉ាស៊ីនត្រជាក់គ្រប់ទីតាំងលក់ និងមានចំណតរថយន្តធំទូលាយដែលអាចផ្ទុកយានយន្តបានរហូតដល់ជាង ៥០០គ្រឿង។ ផ្សារម៉ាក្រូ ផ្ដល់ជូននូវផលិតផលយ៉ាងសម្បូរបែបប្រកបដោយគុណភាពខ្ពស់ដែលធានាតាមស្ដង់ដាប្រទេសថៃ និងអន្តរជាតិ ដើម្បីបំពេញតាមតម្រូវការរបស់អាជីករចែកចាយលក់ដុំ និងរាយ និងប្រតិបត្តិករ សម្រាប់សណ្ឋាគារ ភោជនីយដ្ឋាន និងសេវាកម្មម្ហូបអាហារ (HoReCa)។ ទំនិញទាំងអស់ត្រូវបានរៀបចំបែងចែកទៅតាមប្រភេទ និងនៅតាមធ្នើរ ដើម្បីជួយសម្រួលដល់អតិថិជនងាយស្រួលក្នុងការរកទិញទំនិញ។ ផ្សារម៉ាក្រូ បើកលក់ចាប់ពីម៉ោង ៦ព្រឹកដល់ម៉ោង ១០យប់ ជារៀងរាល់ថ្ងៃ។
ផ្សារម៉ាក្រូប្តេជ្ញាដំណើរការអាជីវកម្មប្រកបដោយទំនួលខុសត្រូវខ្ពស់ចំពោះសង្គមក្រោមគោលការណ៍អភិបាលកិច្ចល្អ។ ក្រុមហ៊ុន បានផ្ដល់ជាឱកាសការងារថ្មីៗដល់វិនិយោជិកក្នុងស្រុក ផ្ដល់ការបណ្ដុះបណ្ដាលយ៉ាងពេញលេញ និងចំណេះដឹងក្នុងការលក់ដល់អាជីវករលក់រាយ ក៏ដូចជាសហការជាមួយកសិករក្នុងស្រុក ដើម្បីបង្កើនផលិតផលមានគុណភាព សុវត្ថិភាព និងអនាម័យខ្ពស់សម្រាប់អតិថិជន។ ទាំងនេះ គឺជាផ្នែកមួយនៃស្មារតីប្ដេជ្ញាចិត្តខ្ពស់របស់ ផ្សារម៉ាក្រូក្នុងនាមជា «ដៃគូអាជីវកម្មរបស់អ្នក» ។
+ អំពីផ្សារទំនិញបោះដុំ ម៉ាក្រូ៖ ក្រុមហ៊ុន ម៉ាក្រូ (ខេមបូឌា) ឯ.ក ជាសម្ព័ន្ធសហគ្រាសចម្រុះរវាងក្រុមហ៊ុន Siam Makro Public Company Limited និងដៃគូអាជីវកម្មកម្ពុជា។ ក្រុមហ៊ុននេះ ត្រូវបានចុះបញ្ជីពាណិជ្ជកម្ម ដើម្បីផ្គត់ផ្គង់នូវផលិតផលចម្រុះសម្បូរបែបគ្រប់ប្រភេទដល់ដៃគូអាជីវកម្ម និងប្រតិបត្តិករអាជីវកម្មទាំងអស់ រួមមាន អាជីវករលក់រាយ បណ្ដាសណ្ឋាគារ ភោជនីយដ្ឋាន ក្រុមហ៊ុនផ្គត់ផ្គង់ម្ហូបអាហារ ក្រុមហ៊ុនផ្ដល់សេវាកម្ម ទីភ្នាក់ងាររាជរដ្ឋាភិបាល គ្រឹះស្ថានអប់រំ និងប្រតិបត្តិករអាជីវកម្មដទៃទៀត។
ទំនិញនៅផ្សារម៉ាក្រូ កម្ពុជាទាំងអស់ត្រូវបានរៀបចំទៅតាមប្រភេទ និងទីកន្លែងដើម្បីជួយសម្រួលដល់អតិថិជនឲ្យកាន់តែងាយស្រួលក្នុងរកទិញទំនិញ។ សំខាន់ជាងនេះទៀត ផ្សារម៉ាក្រូ ផ្ដល់ជូនតម្លៃលក់ដុំដែលផ្ដល់នូវអត្ថប្រយោជន៍យ៉ាងច្រើនដល់អាជីវករលក់រាយទាំងអស់។ ស្វាគមន៍ដល់អតិថិជន និងអាជីវករទាំងអស់ សូមមកចុះឈ្មោះជាសមាជិករបស់ផ្សារម៉ាក្រូ ដើម្បីទទួលបាននូវភាពងាយស្រួល ការផ្ដល់ជូនតម្លៃពិសេស និងអត្ថប្រយោជន៍ជាច្រើនទៀត។
លោកអ្នកអាចទាក់ទងផ្សារម៉ាក្រូ បានតាមរយៈ ៖
1. បញ្ជរផ្ដល់ព័ត៌មាន ៖ សាខាសែនសុខ
2. លេខទូរស័ព្ទ ៖ 023 977 355
3. គេហទំព័រ ៖ www.makrocambodia.com
4. ទំព័រហ្វេសប៊ុក ៖ www.facebook.com/makrocambodia
ចែករំលែកព័តមាននេះ