ខេត្តកំពង់ស្ពឺ ៖ បុរសម្នាក់បានស្ពាយឧបករណ៍ឆក់ត្រី ចាកចេញពីផ្ទះ ដើម្បីឆក់ត្រីដូចសព្វដង តាំងពីក្បាលព្រលប់មិនឃើញវិលមកផ្ទះវិញទើបប្រពន្ធ នាំសាច់ញាតិដើររក ស្រាប់តែប្រទះឃើញដេកស្លាប់ក្នុងទឹកបាត់ទៅហើយ ។ ហេតុការណ៍នេះផ្អើលឆោឡោកាលពីព្រឹកថ្ងៃទី០៥…
ខេត្តកំពង់ស្ពឺ ៖ បុរសម្នាក់បានស្ពាយឧបករណ៍ឆក់ត្រី ចាកចេញពីផ្ទះ ដើម្បីឆក់ត្រីដូចសព្វដង តាំងពីក្បាលព្រលប់មិនឃើញវិលមកផ្ទះវិញទើបប្រពន្ធ នាំសាច់ញាតិដើររក ស្រាប់តែប្រទះឃើញដេកស្លាប់ក្នុងទឹកបាត់ទៅហើយ ។ ហេតុការណ៍នេះផ្អើលឆោឡោកាលពីព្រឹកថ្ងៃទី០៥ ខែធ្នូ ឆ្នាំ២០១៧នៅអូរអន្លុងជ្រៅ ខាងកើតភូមិតាសាល ឃុំខ្ទុំក្រាំង ស្រុកសំរោងទង ខេត្តកំពង់ស្ពឺ ។
ជនរងគ្រោះឈ្មោះឈៀង ឌីណា ភេទប្រុស អាយុ៣៦ឆ្នាំ រស់នៅភូមិតាសាល ឃុំខ្ទុំក្រាំង ប្រពន្ធឈ្មោះកែវ រ៉ាន់ អាយុ៣៦ឆ្នាំ ។
ព័ត៌មានពីភរិយាជនរងគ្រោះបានប្រាប់សមត្ថកិច្ចថា កាលពីម៉ោង៨និង៤៥នាទីយប់ថ្ងៃទី០៤ ខែធ្នូ ឆ្នាំ២០១៧ ប្តីរបស់គាត់ បានស្ពាយឧបករណ៍ឆក់ត្រីចេញពីផ្ទះដូចសព្វដង សំដៅទៅរកកន្លែងឆក់ត្រី ដើម្បីលក់យកលុយចិញ្ចឹមគ្រួសារ តែតាំងពីចេញទៅមិនឃើញវិលមកផ្ទះវិញ ក៏កើតសង្ស័យខ្លាចប្តីមានរឿងអ្វីតាមផ្លូវក៏ប្រាប់បងប្អូនជួយរក ។ ស្ត្រីជាប្រពន្ធបន្តថា លុះព្រឹកឡើងក៏មិនឃើញប្តីត្រឡប់មកផ្ទះវិញទៀតទើបហៅសាច់ញាតិ ដើរស្វែងរករហូតដល់ទីតាំងកើតហេតុខាងលើ ក៏ប្រទះឃើញប្តីដេកស្លាប់ក្នុងទឹកបាត់ទៅហើយ ។
ករណីខាងលើកម្លាំងផ្នែកព្រហ្មទណ្ឌ និងកម្លាំងបច្ចេកទេសសហការណ៍ជាមួយកម្លាំងប៉ុស្តិ៍ខ្ទុំក្រាំង ពិនិត្យទៅលើសាកសពពុំមានស្លាកស្នាមអ្វី ហើយក្រុមគ្រួសារទទួលស្គាល់ថា ជនរងគ្រោះពិតជាឆក់ស្លាប់ដោយខ្លួនឯងពិតប្រាកមែន ដោយមានការចូលរួមពីលោកស្រីមេភូមិ ។
ដោយឡែកករណីបែបនេះកើតឡើងនៅក្រុងច្បារមនដោយបុរសម្នាក់បានរាយខ្សែភ្លើងឆក់ត្រីមិនប្រយ័ត្នក៏ឆក់ខ្លួនឯងស្លាប់មួយរំពេចដែលកើតឡើងកាលពីវេលាម៉ោង១៤និង៣៩នាទី
ថ្ងៃទី១៥ ខែនេះ ជនរងគ្រោះ ឈ្មោះ ឃឹម សុវណ្ណរ៉ា ភេទប្រុស អាយុ៣០ឆ្នាំ នៅភូមិ រការធំ សង្កាត់រការធំ ក្រុងច្បារមន ខេត្តកំពង់ស្ពឺ ដែរ។
មូលហេតុ ជនរងគ្រោះបានតខ្សែភ្លើងពីផ្ទះទៅឆក់ត្រីនៅត្រពាំងខាងមុខផ្ទះប្រហែល១០ម៉ែត្រ មិនទាន់ទាំងបានឆក់ផងក៏ភ្លាត់ស្នៀតឆក់ខ្លួនឯងបណ្តាលឲ្យស្លាប់ និងកន្លែង តែម្តង ។
ក្រោយកើតហេតុសមត្ថកិច្ចបានចុះទៅពិនិត្យឃើញថា សពពិតជាស្លាប់ដោយសារការធ្វេសប្រហែសរបស់ខ្លួនប្រាកដមែន ៕
ចែករំលែកព័តមាននេះ