ការសិក្សាមួយបានអះអាងថា ការបរិភោគអាហារតែម្នាក់ឯងអាចបង្កើនហានិភ័យនៃការវិវឌ្ឍជាជំងឺមេតាបូលីសដូចជាសម្ពាធឈាមឡើងខ្ពស់ ឬកូឡេស្តេរ៉ូលឡើងខ្ពស់ ។ ក្រុមអ្នកស្រាវជ្រាវបានសិក្សាអំពីការទាក់ទងរវាងភាពឯកា និងសុខភាពទាំងបុរស និងស្ត្រីហើយបានរកឃើញថា បុរសមានហានិភ័យខ្ពស់ក្នុងការវិវឌ្ឍទៅរកបញ្ហាសុខភាព ផ្សេងៗ ។…
ការសិក្សាមួយបានអះអាងថា ការបរិភោគអាហារតែម្នាក់ឯងអាចបង្កើនហានិភ័យនៃការវិវឌ្ឍជាជំងឺមេតាបូលីសដូចជាសម្ពាធឈាមឡើងខ្ពស់ ឬកូឡេស្តេរ៉ូលឡើងខ្ពស់ ។
ក្រុមអ្នកស្រាវជ្រាវបានសិក្សាអំពីការទាក់ទងរវាងភាពឯកា និងសុខភាពទាំងបុរស និងស្ត្រីហើយបានរកឃើញថា បុរសមានហានិភ័យខ្ពស់ក្នុងការវិវឌ្ឍទៅរកបញ្ហាសុខភាព
ផ្សេងៗ ។ បុរសដែលបរិភោគអាហារតែឯងបង្កើនហានិភ័យនៃការវិវឌ្ឍជាជំងឺធាត់ជ្រុល៤៥% ខណៈពេលដែលហានិភ័យរបស់ស្ត្រី មានប្រហែលគ្នា ។
ក្រុមអ្នកជំនាញបានបង្កើតការសិក្សានេះដោយសារតែមនុស្សដែលរស់នៅតែម្នាក់ឯងកំពុងកើនឡើងនៅទូទាំងពិភពលោកដែលអាចធ្វើឱ្យពួកគេមានអារម្មណ៍ឯកា និងជ្រើសរើសជម្រើសមិនល្អនៅពេលបរិភោគ ។
ក្រុមអ្នកស្រាវជ្រាវមកពីមន្ទីរពេទ្យDongguk University Ilsan Hospital ទីក្រុងសេអ៊ូលប្រទេសកូរ៉េខាងត្បូងបានសិក្សាទៅលើមនុស្សពេញវ័យចំនួន៧.៧២៥នាក់ទាក់ទងនឹងភាពញឹកញាប់ដែលពួកគេបរិភោគអាហារតែម្នាក់ឯង ហើយបានប្រៀបធៀបវាទៅនឹងសុខភាពរបស់ពួកគេ ។
ការស្រាវជ្រាវដែលត្រូវបានចេញផ្សាយនៅក្នុង Obesity Research & Clinical Practice បានបង្ហាញថាបុរសដែលទទួលទានតែម្នាក់ឯងមានការកើនឡើងនូវជំងឺធាត់ជ្រុល៤៥% និងជំងឺទាក់ទងនឹងមេតាបូលីស៦៤% ។
ស្ត្រីនៅក្នុងការស្រាវជ្រាវមាន២៩%ទំនងជាវិវឌ្ឍទៅជាជំងឺមេតាបូលីសប្រសិនបើពួកគេបរិភោគតែឯង២ដង ឬច្រើនជាងនេះក្នុងមួយថ្ងៃ ។
ការស្រាវជ្រាវពីមុនបានរកឃើញថាភាពឯកាអាចបង្កើនឱកាសក្នុងការបរិភោគអាហារមិនល្អចំពោះសុខភាពកាន់តែច្រើន ។
ប្រសិនបើនរណាម្នាក់មានអារម្មណ៍ថានៅដាច់ឆ្ងាយពីសង្គម ពួកគេនឹងមានទំនោរបរិភោគអាហារដែលគ្មានជីវជាតិជំនួសឱ្យផ្លែឈើ និងបន្លែ ។ វានឹងប៉ះពាល់ដល់សុខភាពរបស់ពួកគេ និងអាចបង្កើនលទ្ធភាពនៃការវិវឌ្ឍទៅជាជំងឺលើសឈាម កូឡេស្តេរ៉ូលឡើងខ្ពស់ ឬជំងឺទឹកនោមផ្អែម ៕
ចែករំលែកព័តមាននេះ