ការលាងចាន និងបោកគក់អាចមិនមែនជាចំណុចសំខាន់នៃសកម្មភាពរាល់ថ្ងៃរបស់អ្នក ប៉ុន្តែសកម្មភាពសាមញ្ញបែបនេះអាចជួយឲ្យអ្នកមានអាយុវែង ។ ការសិក្សាមួយរបស់អាមេរិកលើស្ត្រីវ័យចំណាស់ដែលបានអនុវត្តសកម្មភាព ស្រាលៗត្រូវបានគេរកឃើញថាមានការថយចុះហានិភ័យនៃការស្លាប់ ។
អ្នកដែលបានធ្វើការផ្ទះ៣០នាទីក្នុង១ថ្ងៃដូចជាជូតឥដ្ឋ ឬបង្អួចមានការថយចុះការស្លាប់១២% ។ អ្នកដែលអាចធ្វើសកម្មភាពរយៈពេលកន្លះម៉ោងពីសកម្មភាពមធ្យមទៅខ្លាំងប្រចាំថ្ងៃមានឱកាសនៃការស្លាប់ទាបជាង៣៩% ។ ទាំងនេះរួមបញ្ចូលទាំងការដើរលឿន ឬជិះកង់នៅល្បឿន យឺតៗ ។
លោកសាស្ត្រាចារ្យ Michael LaMonte អ្នកដឹកនាំការស្រាវជ្រាវនេះមកពីសាកលវិទ្យាល័យ Buffalo’s School of Public Health and Health Professions ក្នុងទីក្រុងញូវយ៉កនិយាយថាការធ្វើអ្វីមួយគឺប្រសើរជាងមិនបានធ្វើអ្វីសោះទោះបីជានៅកម្រិតទាបជាងការណែនាំក៏ដោយ ។
ការស្រាវជ្រាវដែលបានសិក្សាទៅលើស្ត្រីស្បែកស អាហ្វ្រិក និងអាមេរិកាំងជាង៦.០០០នាក់ដែលមានអាយុពី៦៣ឆ្នាំទៅ៩៩ឆ្នាំដែលកម្រិតនៃការធ្វើតេស្តនេះត្រូវវាស់ដោយឧបករណ៍ប្រែប្រួលមួយ ។ ក្រុមអ្នកស្រាវជ្រាវបាននិយាយថាសកម្មភាព ស្រាលៗមានកម្រិតខ្ពស់ជាងកម្រិតដែលត្រូវបានគេកំណត់ថាជាការរស់នៅគ្មានមានការធ្វើចលនាតែបន្តិចប៉ុណ្ណោះ ។
យោងតាមឯកសារដែលត្រូវបានចេញផ្សាយនៅក្នុង Journal of the American Geriatrics Society ឱ្យដឹងថាសកម្មភាពបែបនេះមានជាង៥៥%ដែលមនុស្សចាស់ចំណាយពេលប្រចាំថ្ងៃរបស់ពួកគាត់ ។
លោកសាស្ត្រាចារ្យ LaMonte បាននិយាយថាវាគឺជារឿងគួរឱ្យកត់សម្គាល់ដោយសារតែការណែនាំអំពីសុខភាពសាធារណៈនាពេលបច្ចុប្បន្នតម្រូវឱ្យមានសកម្មភាពរាងកាយមានកម្រិតយ៉ាងហោចណាស់ពីកម្រិតមធ្យម ឬខ្ពស់ជាងនេះដើម្បីផ្តល់ផលប្រយោជន៍ដល់សុខភាព ។
ការសិក្សារបស់យើងបង្ហាញជាលើកដំបូងថាស្ត្រីវ័យចំណាស់អាចទទួលបានអត្ថប្រយោជន៍សុខភាពសូម្បីតែពីកម្រិតនៃការធ្វើលំហាត់ប្រាណក្រោមការណែនាំ ។ អត្ថប្រយោជន៍ចំពោះការស្លាប់គឺស្រដៀងគ្នាចំពោះស្ត្រីអាយុក្រោម៨០ឆ្នាំ ហើយក្នុងចំណោមស្ត្រីធាត់ និងមិនធាត់ ។
ខណៈពេលដែលការស្រាវជ្រាវផ្តោតសំខាន់ទៅលើស្ត្រីវ័យចំណាស់ ក្រុមអ្នកស្រាវជ្រាវនិយាយថា ការស្រាវជ្រាវរបស់ពួកគេផ្ញើសារដ៏មានឥទ្ធិពលចំពោះស្ត្រី និងបុរសវ័យក្មេងដែលវាមានសារសំខាន់ក្នុងការអភិវឌ្ឍទម្លាប់ដែលមានសុខភាពល្អនៅជុំវិញការធ្វើលំហាត់ប្រាណអំឡុងពេលវ័យក្មេងដើម្បីអាចមានផលល្អចំពោះសុខភាពនៅពេលដែលពួកគេធំឡើង ៕
ចែករំលែកព័តមាននេះ