ជំងឺធាត់អាចបង្កើនហានិភ័យនៃការវិវឌ្ឍជាជំងឺមហារីកចំនួន១១ប្រភេទ ។ នេះបើយោងតាមការសិក្សាធំមួយបានបង្ហាញ ។ ក្រុមអ្នកស្រាវជ្រាវនិយាយថា ការលើសទម្ងន់មានការទាក់ទងទៅនឹងជំងឺ ផ្សេងៗជាច្រើន ប៉ុន្តែមកទល់ពេលនេះគេមិនទាន់មានភស្តុតាងគ្រប់គ្រាន់ ទេ ។…
ជំងឺធាត់អាចបង្កើនហានិភ័យនៃការវិវឌ្ឍជាជំងឺមហារីកចំនួន១១ប្រភេទ ។ នេះបើយោងតាមការសិក្សាធំមួយបានបង្ហាញ ។ ក្រុមអ្នកស្រាវជ្រាវនិយាយថា ការលើសទម្ងន់មានការទាក់ទងទៅនឹងជំងឺ ផ្សេងៗជាច្រើន ប៉ុន្តែមកទល់ពេលនេះគេមិនទាន់មានភស្តុតាងគ្រប់គ្រាន់ ទេ ។ ប្រភេទជំងឺមហារីកដែលមានការទាក់ទងទៅនឹងជំងឺធាត់មានដូចជាសុដន់ បំពង់អាហារ ក្រពះ ពោះវៀន រន្ធគូទ ប្រព័ន្ធទឹកប្រមាត់ លំពែង ស្បូន តម្រងនោម និងជំងឺមហារីកគ្រាប់ឈាម ។
ក្រុមអ្នកស្រាវជ្រាវពី Imperial College London គណនាថា ការកើនឡើងហានិភ័យនៃការវិវឌ្ឍទៅជាជំងឺមហារីកប្រព័ន្ធទឹកប្រមាត់អាចកើនដល់៥៦%ចំពោះបុរសសម្រាប់ការឡើងទម្ងន់រៀងរាល់១១ផោន ។ ចំពោះស្ត្រីវិញហានិភ័យនៃជំងឺមហារីកមាត់ស្បូនកើនឡើង២១% សម្រាប់រាល់ការកើនឡើង០,១ លេខនៅក្នុងសមាមាត្រត្រគាក និងចង្កេះ ។ ការរកឃើញនេះធ្វើឲ្យមានការព្រួយបារម្ភយ៉ាងខ្លាំង ខណៈមនុស្សពេញវ័យចំនួនមួយភាគបួន និងមួយភាគប្រាំនៃក្មេងអាយុ១១ឆ្នាំមានជំងឺធាត់ ។
ការស្រាវជ្រាវដែលបានចេញផ្សាយនៅក្នុងព្រឹត្តិប័ត្រវេជ្ជសាស្ត្រអង់គ្លេស បានបញ្ជាក់ពីតួលេខពីមុនបានបង្ហាញថា ករណីជំងឺមហារីករហូតដល់ទៅ២៥.000 ករណីក្នុងប្រទេសអង់គ្លេសអាចត្រូវបានបង្ការជារៀងរាល់ឆ្នាំបើអ្នករាល់គ្នាមានទម្ងន់មួយដែលល្អចំពោះសុខភាព ។
លោកវេជ្ជបណ្ឌិតPanagiota Mitrou ដែលបានឧបត្ថម្ភដល់មូលនិធិស្រាវជ្រាវជំងឺមហារីកពិភពលោកនៃការសិក្សាបានឱ្យដឹងថា ៖ «លទ្ធផលនៃការសិក្សារនេះបានសង្កត់ធ្ងន់បន្ថែមទៀតលើតួនាទីនៃជំងឺធាត់ក្នុងការបង្កើនហានិភ័យនៃជំងឺមហារីក ។ បន្ទាប់ពីការមិនជក់បារី ការមានទម្ងន់មួយដែលល្អចំពោះសុខភាព គឺជារឿងសំខាន់បំផុតដើម្បីបន្ថយហានិភ័យនៃជំងឺមហារីក ។
មនុស្សពេញវ័យប្រឈមមុខនឹងជំងឺមហារីកពោះវៀន ដោយសារតែរបបអាហារមិនល្អចំពោះសុខភាព និងកង្វះការធ្វើលំហាត់ប្រាណ ។ អ្នកដែលកើតអំឡុងឆ្នាំ១៩៩០ មានហានិភ័យពីរដងក្នុងការវិវឌ្ឍជាដុំសាច់ក្នុងពោះវៀនធំ និងបួនដងវិវឌ្ឍទៅជាជំងឺមហារីករន្ធគូទ ជាងអ្នកដែលបានកើតនៅអំឡុងឆ្នាំ១៩៥0 នេះបើយោងតាមសមាគមន៍ជំងឺមហារីកអាមេរិកបានរកឃើញ ៕
ចែករំលែកព័តមាននេះ