រាជធានីភ្នំពេញ៖ ដោយមើលឃើញពីសុវត្តិភាពការងារលើវិស័យសំណង់នៅកម្ពុជាភាពកម្រិតនៅឡើយ ពិសេសបញ្ហាគ្រោះថ្នាក់ពេលកំពុងធ្វើការងារ អ្នកជំនាញជប៉ុនបានបង្កើតគម្រោងមួយពាក់ព័ន្ធនឹងការបណ្តុះបណ្តាលផ្នែកសំណង់នៅកម្ពុជា ។ ប្រាប់អ្នកសារព័ត៌មានក្រោយជំនួបពិភាក្សាការងាររវាងលោក អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ…
រាជធានីភ្នំពេញ៖ ដោយមើលឃើញពីសុវត្តិភាពការងារលើវិស័យសំណង់នៅកម្ពុជាភាពកម្រិតនៅឡើយ ពិសេសបញ្ហាគ្រោះថ្នាក់ពេលកំពុងធ្វើការងារ អ្នកជំនាញជប៉ុនបានបង្កើតគម្រោងមួយពាក់ព័ន្ធនឹងការបណ្តុះបណ្តាលផ្នែកសំណង់នៅកម្ពុជា ។
ប្រាប់អ្នកសារព័ត៌មានក្រោយជំនួបពិភាក្សាការងាររវាងលោក អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ ជាមួយលោក Sho Sudo មន្ត្រីសម្របសម្រួល និងជាប្រធាន គម្រោងអង្គការអន្តរជាតិខាងការងាររបស់ជប៉ុន ហៅកាត់ថា ILO JAPAN នារសៀលថ្ងៃទី២២ វិច្ឆិកា នៅទីស្តីកការក្រសួង លោក ឡេង តុង ប្រធាននាយករដ្ឋានពេទ្យការងារនៃក្រសួងការងារបានឲ្យដឹងថា ជប៉ុនបានបង្កើតគម្រោងមួយជួយធ្វើការបណ្តុះបណ្តាលផ្នែកវិស័យសំណង់នៅកម្ពុជា ដោយគ្រោងចំណាយទឹកប្រាក់១លានដុល្លារអាមេរិក។
លោក ឡេង តុង បានបញ្ជាក់ថា៖ «ជំនួបផ្តោតលើកគម្រោងផ្នែកសុវត្ថិភាពការងារផ្នែកវិស័យសំណង់នៅកម្ពុជា ដែលជាគម្រោងលើកទី២ហើយ មានរយៈពេល៣ឆ្នាំមានទំហំ ទឹកប្រាក់១លានដុល្លារ។ គម្រោងនឹងចាប់ផ្តើមពីឆ្នាំ២០១៧នេះដល់ឆ្នាំ២០១៩ ផ្តោតលើសុវត្ថិភាពផ្នែកសំណង់»។
បើតាមលោក ឡេង តុង បានស្រង់សំដីលោករដ្ឋមន្ត្រី អ៊ិត សំហេង ថ្លែងក្នុងជំនួបថាបានជាជប៉ុន ជួយកម្ពុជាលើកវិស័យសំណង់នោះ ដោយសារតែនៅក្នុងប្រទេសកម្ពុជាមានការរីកចម្រើនលើវិស័យសំណង់ ។ ហើយអត្រាគ្រោះថ្នាក់ពីវិស័យសំណង់មានកម្រិតខ្ពស់ ប្រសិនបើគ្មានការការពារ ឬបណ្តុះបណ្តាលត្រឹមត្រូវនោះទេនោះ៕
ចែករំលែកព័តមាននេះ