ព្រីងគឺជាផ្លែឈើមានពណ៌ខ្មៅ តូច ផ្អែម និងរាងជូរបន្តិច ។ វាមានពណ៌បៃតងនៅពេលមិនទាន់ទុំ ហើយមានពណ៌ក្រហមទៅពណ៌ក្រហមខ្មៅនៅពេលដែលវាស្រគាល និមានពណ៌ខ្មៅនៅពេលទុំពេញលេញ ។ ព្រីងដែលផ្អែមគឺនៅពេលដែលវាធ្លាក់ជ្រុះទៅលើដី។
អត្ថប្រយោជន៍ដ៏អស្ចារ្យរបស់ផ្លែព្រីង ៖
១-ការវិភាគលើផ្លែព្រីងបានបង្ហាញថាវាគឺជាប្រភពដ៏ល្អនៃជាតិកាល់ស្យូម និងមានបរិមាណជាតិដែកក្នុងកម្រិតមធ្យម ។
២- ផ្លែព្រីងមានអត្ថប្រយោជន៍ខ្លាំងណាស់ក្នុងការបញ្ចៀសជម្ងឺបេះដូង ។ វាសម្បូរទៅដោយជាតិប៉ូតាស្យូម ។ ១០០ក្រាមនៃផ្លែព្រីងមានជាតិប៉ូតាស្យូមប្រហែល៥៥មីល្លីក្រាម។ បរិមាណនេះមានអត្ថប្រយោជន៍ចំពោះជំងឺដូចជាបេះដូង សម្ពាធឈាមឡើងខ្ពស់ និងជំងឺដាច់សរសៃឈាមខួរក្បាល ។ ការបរិភោគផ្លែព្រីងទៀងទាត់ជួយការពារកុំឲ្យក្រិនសរសៃឈាម ។
៣-សំបកដើមព្រីងមានផ្ទុកសារជាតិតានីន១៩% និងអាស៊ីត garlic ១,៦៧% ។ តានីនអាចមានប្រយោជន៍ក្នុងការការពារតម្រងនោម ។ វាក៏មានប្រសិទ្ធភាពប្រឆាំងវីរុស បាក់តេរី និងប៉ារ៉ាស៊ីត ។ ទោះជាយ៉ាងណាក្តី ការទទួលទានក្នុងបរិមាណច្រើនពេកអាចពុល។
៤-គ្រាប់ព្រីងអាចកាត់បន្ថយជាតិស្ករក្នុងឈាមរបស់អ្នកដែលមានជំងឺទឹកនោមផ្អែម។ វាត្រូវបានគេប្រើនៅក្នុងប្រទេសឥណ្ឌា ។ ព័ត៌មានត្រូវការការបញ្ជាក់បន្ថែមទៀត ប៉ុន្តែវាពុំមានគ្រោះថ្នាក់ទេក្នុងការទទួលទានគ្រាប់ព្រីងនេះ ។
៥-ការស្ងោរសំបកដើមព្រីងគឺជាការព្យាបាលជំងឺរាកមួល រាករូស ទល់លាមក និងដំបៅក្រពះ ។ យើងអាចប្រើទឹកវាដើម្បីខ្ពុរមាត់ក៏បាន ។ ឫសស្ងួតអាចធ្វើជាម្សៅមានប្រសិទ្ធភាពព្យាបាលដូចគ្នា ៕
ចែករំលែកព័តមាននេះ