«Dawn» កាលពីពេល ថ្មីៗកន្លងមកផ្សាយថា ប៉ូលិសនៅតំបន់«ស៊ីន» ភាគខាងកើតឆៀងខាងត្បូងប្រទេសប៉ាគីស្ថាន បានចាប់ខ្លួនលោក Nikah Khanwan អាយុ៤០ឆ្នាំ ដែលរៀបការជាមួយក្មេងស្រីអាយុ១០ឆ្នាំ រួមទាំងចាប់ខ្លួនឳពុករបស់ក្មេងស្រីពីបទធ្វើកិច្ចសន្យាទទួលប្រាក់ពីកូនកំលោះ ។
អាជ្ញាធរបញ្ជាក់ថាលោក Khawan ជាមន្ត្រីសុខាភិបាលនៅក្នុងភូមិក្បែរក្រុង«Diplo»ខណ្ឌថាប៉ាកា មានប្រពន្ធ និងកូន៣នាក់ ប៉ុន្តែរូបគេត្រូវការប្រពន្ធទី២ ទើបទាក់ទងឳពុកម្តាយរបស់ក្មេងស្រី ដែលព្រមព្រៀងលក់កូនស្រី ។
ការរៀបអាពាហ៍ពិពាហ៍ជាមួយក្មេងស្រីជារឿងល្មើសនឹងច្បាប់ក្នុងតំបន់ស៊ីន និងមានទោសជាប់គុករយៈពេល៣ឆ្នាំ ។ កន្លងមកការរៀបការក្នុងវ័យអនីតិជនបានកើតឡើងជាញឹកញាប់នៅតំបន់អារ៉ាប់ ហើយមានប្រទេសមួយចំនួនដាក់ទោសទៅលើជនណាដែលស្រឡាញ់ និងរត់តាមគ្នាផងដែរ ៕
ចែករំលែកព័តមាននេះ