រាជធានីភ្នំពេញ ៖ ទីតាំងកត់ឆ្នោតវៀតណាម៣កន្លែងត្រូវបាននគរបាលខណ្ឌឫស្សីកែវ ស្រាវជ្រាវបង្ក្រាបជាបន្តបន្ទាប់កាលពីរសៀលថ្ងៃទី២០ ខែវិឆ្ឆិកានេះ ដោយឃាត់ខ្លួនស្ត្រីជាអ្នកកត់ឆ្នោតចំនួន៣នាក់។ តាមសម្ដីនគរបាលបានឲ្យដឹងថា ទីតាំងទី១ បង្ក្រាបនៅវេលាម៉ោង៤រសៀល នៅចំណុចបន្ទប់ជួល…
រាជធានីភ្នំពេញ ៖ ទីតាំងកត់ឆ្នោតវៀតណាម៣កន្លែងត្រូវបាននគរបាលខណ្ឌឫស្សីកែវ ស្រាវជ្រាវបង្ក្រាបជាបន្តបន្ទាប់កាលពីរសៀលថ្ងៃទី២០ ខែវិឆ្ឆិកានេះ ដោយឃាត់ខ្លួនស្ត្រីជាអ្នកកត់ឆ្នោតចំនួន៣នាក់។ តាមសម្ដីនគរបាលបានឲ្យដឹងថា ទីតាំងទី១ បង្ក្រាបនៅវេលាម៉ោង៤រសៀល នៅចំណុចបន្ទប់ជួល ផ្លូវ៦២R ក្រុម៥ ភូមិទួលគោក សង្កាត់ទួលសង្កែ១ ដោយឃាត់ខ្លួនជនសង្ស័យម្នាក់ ឈ្មោះ គឹម រ៉ាវេន ភេទស្រី អាយុ៣៩ឆ្នាំ ជនជាតិខ្មែរ ស្នាក់នៅបន្ទប់ជួលទីតាំងខាងលើ(ជាអ្នកកត់ឆ្នោត)។ ក្នុងប្រតិបត្តិការសមត្ថកិច្ចដកហូតវត្ថុតាងរួមមាន៖ ក្រដាសសម្រាប់កត់ឆ្នោតវៀតណាមមួយចំនួនធំ ប៊ិចចំនួន០៣ដើម ម៉ាស៊ីនគិតលេខចំនួន០១ ត្រាថ្ងៃខែចំនួន០១ ស៊េរីចេញឆ្នោតមួយចំនួន ប្រាក់ចំនួន១.៧៧៥.០០០រៀល។
ដោយឡែកទីតាំងទី២ បង្ក្រាបនៅវេលាម៉ោង១៥រសៀល ស្ថិតនៅចំណុចផ្ទះគ្មានលេខ ផ្លូវ៦២R ក្រុម៥ ភូមិទួលគោក សង្កាត់ទួលសង្កែ១ ជាលទ្ធផលនៃកិច្ចប្រតិបត្តិការនេះឃាត់ខ្លួនជនសង្ស័យម្នាក់ ឈ្មោះ ឆៃ ឡា ភេទស្រី អាយុ៣៥ឆ្នាំ ជនជាតិខ្មែរ ស្នាក់នៅបន្ទប់ជួលទីតាំខាងលើ(ជាអ្នកកត់ឆ្នោត)។ វត្ថុតាងដកហូតរួមមាន៖ ក្រដាសសម្រាប់កត់ឆ្នោតវៀតណាមមួយចំនួនធំ ប៊ិចចំនួន០៥ដើម ម៉ាស៊ីនគិតលេខចំនួន០១គ្រឿង ត្រាថ្ងៃខែចំនួន០១ ស៊េរីចេញឆ្នោតមួយចំនួន ប្រាក់ចំនួន៨០.៤០០រៀល។
ទីតាំងល្បែងស៊ីសងប្រភេទកន្ទុយលេខទី៣ នៅវេលាម៉ោង៣និង៣០នាទីរសៀល ស្ថិតនៅចំណុចបន្ទប់ជួលលេខ១ ផ្លូវលំ ក្រុម៨ ភូមិសាមគ្គី សង្កាត់ឫស្សីកែវ ជាលទ្ធផលនៃកិច្ចប្រតិបត្តិការនេះសមត្ថកិច្ច ឃាត់ខ្លួនជនសង្ស័យម្នាក់ ឈ្មោះ តាន់ ផានី ភេទស្រី អាយុ៥០ឆ្នាំ ជនជាតិវៀតណាម ស្នាក់នៅបន្ទប់ជួលទីតាំខាងលើ(ជាអ្នកកត់ឆ្នោត)។ វត្ថុតាងដកហូតរួមមាន៖ ក្រដាសសម្រាប់កត់ឆ្នោតវៀតណាមមួយចំនួនធំ ប៊ិចចំនួន០៤ដើម ម៉ាស៊ីនគិតលេខចំនួន០២ ស៊េរីចេញឆ្នោតមួយចំនួនធំ និងប្រាក់ចំនួន២១០.៥០០រៀល។ ក្នុងប្រតិបត្តិការបង្ក្រាបល្បែងស៊ីសងនេះដោយមានការចូលរួមសម្របសម្រួលពីលោក វ៉ា សក្តា ព្រះរាជអាជ្ញារងអមសាលាដំបូងរាជធានីភ្នំពេញផងដែរ៕
ចែករំលែកព័តមាននេះ