សារព័ត៌មានរបស់រុស្ស៊ីផ្សាយថា ប៉ូលិសអាល្លឺម៉ង់កាលពីពេល ថ្មីៗកន្លងមកបានចាប់ខ្លួនបុរសអាយុ២៣ឆ្នាំម្នាក់ពីបទរំលោភសេះក្រិន នៅក្នុងកសិដ្ឋាននៃសួនសត្វប៊ែឡាំង។
សួនសត្វ «ហ្គោលីស៊័រ ផាក» ស្ថិតក្នុងក្រុងប៊ែរឡាំង ហើយកាលពីថ្ងៃទី៣ វិច្ឆិកា ២០១៧ អ្នកថែទាំកុមារម្នាក់នាំក្មេងដើរកម្សាន្ត ។ ម្តាយរបស់កុមារបានផ្តល់បទសម្ភាសន៍ប្រាប់សារព័ត៌មានក្នុងស្រុកថា «អ្នកថែទាំក្មេងរបស់ខ្ញុំបានរៀរាប់ថា នៅពេលគេនៅសួនសត្វជាមួយខ្ញុំ ពួកគេក៏ឃើញបុរសម្នាក់រួមរ័កជាមួយសេះក្រិន» ។
មន្ត្រីនៅក្នុងសួនសត្វឱ្យដឹងថា អ្នកថែទាំកុមារបានថតរូបនៅពេលជននោះរួមរ័កជាមួយសេះ ហើយយករូបថតឱ្យអ្នកគ្រប់គ្រងសួនសត្វមើល ។ ឃើញដូច្នេះពួកគេប្តឹងប៉ូលិស ប៉ុន្តែអ្នកប្រព្រឹត្តបានគេចខ្លួន ។ ទោះជាយ៉ាងណាក្តីបុគ្គលិកសួនសត្វតាមចាប់ខ្លួនគេបាន និងប្រគល់ឱ្យប៉ូលិស ។
ប៉ូលិសបញ្ជាក់ប្រាប់សារព័ត៌មានក្នុងស្រុករបស់អាល្លឺម៉ង់ថា បុរសរូបនោះមានប្រភពដើមនៅស៊ីរី ប៉ុន្តែនៅមិនទាន់ដឹងច្បាស់ថាបាន សញ្ជាតិអាល្លឺម៉ង់ ឬនៅទេ ?
ដំណើរការរឿងក្តីតាមផ្លូវច្បាប់ពីបទរួមរ័កជាមួយសត្វនៅទីសាធារណៈ បុរសនោះអាចមានទោសជាប់គុករយៈពេល៣ឆ្នាំ និងពិន័យជាប្រាក់ ។
ការរួមរ័កជាមួយសត្វ ធ្លាប់ទទួលស្គាល់ថាជារឿងស្របច្បាប់មួយនៅអាល្លឺម៉ង់ លុះដល់ឆ្នាំ២០១២ សភាអាល្លឺម៉ង់ចេញច្បាប់ហាមឃាត់ និងកំណត់ដាក់ទោស ដោយពិន័យជាប្រាក់ ២៥.០០០អ៊ឺរ៉ូ ចំពោះការរំលោភសត្វ ទោះបីសត្វអីក៏ដោយ ៕
ចែករំលែកព័តមាននេះ