ខេត្តបន្ទាយមានជ័យ ៖ នៅវេលាម៉ោង០៨និង០០នាទីយប់ ថ្ងៃទី១៣ ខែវិច្ឆិកា ឆ្នាំ២០១៧ កម្លាំងប៉ុស្តិ៍និមិត្ត បានល្បាតតាមដងផ្លូវភូមិដុងអារញ្ញ មកដល់ខាងលិចសាលារៀនដុងអារញ្ញ ប្រហែល២០០ម៉ែត្រ…
ខេត្តបន្ទាយមានជ័យ ៖ នៅវេលាម៉ោង០៨និង០០នាទីយប់ ថ្ងៃទី១៣ ខែវិច្ឆិកា ឆ្នាំ២០១៧ កម្លាំងប៉ុស្តិ៍និមិត្ត បានល្បាតតាមដងផ្លូវភូមិដុងអារញ្ញ មកដល់ខាងលិចសាលារៀនដុងអារញ្ញ ប្រហែល២០០ម៉ែត្រ បានចូលទៅផ្លូវលំខាងជើង បានឃើញខ្ទមមួយនៅក្បែរមាត់ស្រះ បានឃើញជនសង្ស័យនៅក្នុងខ្ទមនោះ រួចបានចូលទៅមើល ពេលនោះជនសង្ស័យបានរត់ចេញពីខ្ទមមានការសង្ស័យ សមត្ថកិច្ចបានហៅមកសាកសួរ ពេលនោះជនសង្ស័យបានប្រាប់មានថ្នាំម្សៅសថ្លាចំនួន៥កញ្ចប់ មាន១កញ្ចប់ធំ និង៤កញ្ចប់តូច នៅរបារោង ។
ជនសង្ស័យឈ្មោះ សុង សារាយ ភេទប្រុស អាយុ២០ឆ្នាំ រស់នៅភូមិដុងអារញ្ញ សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ ។ ពេលបញ្ជូនជនសង្សយ័មកដល់អធិការនគរបាលក្រុងប៉ោយប៉ែត កម្លាំងជំនាញគ្រឿងញៀនបានបន្តការសាកសួរជនសង្ស័យហើយនៅវេលាម៉ោង១២និង៤៥នាទីយប់ ថ្ងៃទី១៤ ខែវិច្ឆិកា ឆ្នាំ២០១៧ បានបន្តឃាត់ខ្លួនជនសង្ស័យជួញដូរថ្នាំញៀនម្នាក់ទៀត នៅចំណុចទល់មុខវុយសេងលក់ទូរស័ព្ទ ស្ថិតក្នុងភូមិប៉ាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
ជនសង្ស័យមានឈ្មោះ ស៊ឹម ឌីណា ភេទស្រី អាយុ២៨ឆ្នាំ ស្នាក់នៅភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ដកហូតវត្ថុតាងមាន ម្សៅក្រាមពណ៌សថ្លាចំនួន១កូនថង់តូច (កិបមាត់) ទូរស័ព្ទដៃអ៊ិនចុចពិលចំនួន២គ្រឿង ជនសង្ស័យកំពុងបន្តការសាកសួរនៅអធិការនគរបាលក្រុងប៉ោយប៉ែត ៕
ចែករំលែកព័តមាននេះ