បុរសលិង្គធំវះកាត់ដោយជោគជ័យអាចប្រើបាន
«The Sun» របស់អង់គ្លេសកាលពីថ្ងៃទី៣០ តុលា ២០១៧ ផ្សាយថា លោក Sorence Quiti Opiyo…
«The Sun» របស់អង់គ្លេសកាលពីថ្ងៃទី៣០ តុលា ២០១៧ ផ្សាយថា លោក Sorence Quiti Opiyo អាយុ២១ឆ្នាំ ជនជាតិកេនយ៉ា នៅក្រុងគីស៊ូមូ កើតជំងឺចម្លែកអវយវៈភេទរីកធំ ដោយសារឆ្លងវីរុសសត្វល្អិតព្រូន “ Filaria” បង្កឱ្យស្ទះផ្លូវទឹករងៃបង្កឱ្យអវយវភេទរបស់លោកធំជាងទំហំធម្មតាដល់ទៅ២០ដង មានបណ្តោយជិត១ម៉ែត្រ ទម្ងន់៥គីឡូក្រាម ។ Sorence កើតអាការនេះតាំងពីអាយុ១០ឆ្នាំ និងជាដំបូងត្រួតពិនិត្យឃើញថាដុះសាច់ត្រង់អវយវៈភេទ នៅក្នុងឆ្នាំ២០០៦ ហើយបំណែកសាច់នៅបន្តដុះរហូតធ្វើឱ្យអវយវៈភេទបង្កើតឯតទគ្គកម្មមានលិង្គធំបំផុតនៅលើពិភពលោក ។
កាលពីឆ្នាំ២០០៧ គេបានវះកាត់ម្តងរួចមកហើយ ប៉ុន្តែបរាជ័យ ហើយជាចុងក្រោយក្រុមគ្រូពេទ្យនៅមន្ទីរពេទ្យ “Jaramogi Oginga” ក្នុងក្រុងគីស៊ូមូ បានធ្វើកោសល្យវិច័យថា គេកើតជំងឺជើងដំរីនៅត្រង់អវយវៈភេទ ។ រូបគេបានទៅស្គែនអវយវៈភេទ ដើម្បីរកដំណោះស្រាយក្នុងការព្យាបាល ហើយគ្រូពេទ្យឱ្យគេចូលវះកាត់ចំនួន២លើក ។ លើកដំបូងដើម្បីយកសាច់ដុះចេញ និងលើកទី២ ដើម្បីរៀបចំអវយវៈភេទ ឲ្យមានលក្ខណៈប្រក្រតីវិញ ។
លោកវេជ្ជបណ្ឌិត ជេម អូបុនឌី អ្នកជំនាញខាងវះកាត់ឱ្យដឹងថា ក្រុមគ្រូពេទ្យព្យាបាលប្រព័ន្ធសរសៃប្រសាទ ប្រព័ន្ធចរន្តឈាម រួមទាំងព្យាបាលទ្រង់ទ្រាយប្រក្រតីរបស់អវយវៈភេទ និងក្នុងរយៈពេល៣ខែ Opiyo អាចរស់រានមានជីវិតជាប្រក្រតីដូចមនុស្សទូទៅ អាចរួមរ័ក និងមានកូនដូចមនុស្សទូទៅ ៕
ចែករំលែកព័តមាននេះ