ADផ្ទាំងផ្សព្វផ្សាយពាណិជ្ជកម្ម

យប់​បុណ្យអុំទូក​ដឹក​ដៃ​ចូល​ផ្ទះសំណាក់ អូនជាកុមារីបង​ជាប់​ខ្នោះ

3 ឆ្នាំ មុន
  • Phnom Penh

រាជធានី​ភ្នំពេញ ៖ យុវជន​ម្នាក់ ត្រូវ​បាន​កម្លាំង​សមត្ថកិច្ច​ប៉ុស្តិ៍​រដ្ឋបាល​នគរបាល​ស្ទឹង​មាន​ជ័យ​ទី​១ ធ្វើការ​ឃាត់ខ្លួន​នៅ​ចំណុច​បន្ទប់​ផ្ទះ​ជួល​គ្មាន​លេខ ស្ថិត​តាម​បណ្តោយ​ផ្លូវលំ សង្កាត់​ស្ទឹង​មាន​ជ័យ​២ ខណ្ឌមានជ័យ កាលពី​វេលា​ម៉ោង​១២​ថ្ងៃត្រង់ ថ្ងៃ​ទី​០៤…

រាជធានី​ភ្នំពេញ ៖ យុវជន​ម្នាក់ ត្រូវ​បាន​កម្លាំង​សមត្ថកិច្ច​ប៉ុស្តិ៍​រដ្ឋបាល​នគរបាល​ស្ទឹង​មាន​ជ័យ​ទី​១ ធ្វើការ​ឃាត់ខ្លួន​នៅ​ចំណុច​បន្ទប់​ផ្ទះ​ជួល​គ្មាន​លេខ ស្ថិត​តាម​បណ្តោយ​ផ្លូវលំ សង្កាត់​ស្ទឹង​មាន​ជ័យ​២ ខណ្ឌមានជ័យ កាលពី​វេលា​ម៉ោង​១២​ថ្ងៃត្រង់ ថ្ងៃ​ទី​០៤ ខែវិច្ឆិកា ឆ្នាំ​២០១៧ ពាក់ព័ន្ធ​នឹង​ការ​រួម​ភេទ​ជាមួយ​អនីតិជន ។
ជនសង្ស័យ​មានឈ្មោះ សន ឧត្តម ភេទ​ប្រុស អាយុ​១៨​ឆ្នាំ មុខរបរ​មិន​ពិតប្រាកដ ស្នាក់​នៅ​បន្ទប់​ផ្ទះ​ជួល សង្កាត់​ស្ទឹង​មាន​ជ័យ​២ ខណ្ឌមានជ័យ ។ ដោយឡែក​ក្មេង​ស្រី​រង​គ្រោះ​មានឈ្មោះ ស​.​រ​.​ក អាយុ​១២​ឆ្នាំ ស្នាក់​នៅ​សង្កាត់​ទួល​ទំពូង ខណ្ឌចំការមន ។

ប្រភព​ព័ត៌មាន​ឲ្យ​ដឹង​ថា ជនសង្ស័យ និង​ក្មេង​ស្រី​រង​គ្រោះ ស្គាល់គ្នា​តាម​រយះ​ប្រព័ន្ធ​ហ្វេ​ស​បុក រហូត​ឈាន​ដល់​ស្រលាញ់​គ្នា​បាន​៦​ខែ ក្នុង​ទំនាក់​ទំនងជា​សង្សារ ។ នៅ​វេលា​យប់​ថ្ងៃ​ទី​០៣ ខែវិច្ឆិកា ឆ្នាំ​២០១៧ ជនសង្ស័យ​ជា​សង្សារ​បាន​ណាត់​ក្មេង​ស្រី​រង​គ្រោះ​ចូល​ទៅ​រាំ​លេង​ក្លឹ​ប​កម្សាន្ត​មួយ​កន្លែង លុះ​រាំ​លេង​កម្សាន្ត​រួច អ្នក​ទាំង​២​បាន​ដឹក​ដៃ​គ្នា​ចូល​ទៅ​ដេក​ផ្ទះសំណាក់​មួយ​កន្លែង​នៅ​ម្តុំ​ផ្សារ​សុ​វ​ណ្ណា តាំងពី​វេលា​ម៉ោង​១០​យប់​រហូត​ទល់​ភ្លឺ​តែ​ម្តង ។

លោក ម៉ៅ សា​វឿ​ន នាយ​ប៉ុស្តិ៍​រដ្ឋបាល​នគរបាល​ស្ទឹង​មាន​ជ័យ ឲ្យ​ដឹង​ថា នៅ​វេលា​ម៉ោង​១០​យប់ ថ្ងៃ​ទី​០៣ ខែ​ឆ្នាំ​ដដែល អាណាព្យាបាល​ខាង​ស្រី បាន​មក​ដាក់​ពាក្យបណ្តឹង នៅ​ប៉ុស្តិ៍​ឲ្យ​សមត្ថកិច្ច​ជួយ​អន្តរាគមន៍​ឃាត់ខ្លួន​ជនសង្ស័យ​ខាងលើ ។ ក្រោយ​ទទួល​ពាក្យបណ្តឹង​នៅ​វេលា​ម៉ោង​១២​ថ្ងៃត្រង់ ថ្ងៃ​ទី​០៤ ខែវិច្ឆិកា នេះ សមត្ថកិច្ច​បាន​ឈាន​ទៅ​ឃាត់ខ្លួន​ជនសង្ស័យ​ដល់​បន្ទប់​ផ្ទះ​ជួល​តែ​ម្តង ។

ចម្លើយ​ចំពោះ​មុខ​សមត្ថកិច្ច ជនសង្ស័យ​ពិតជា​បាន​រួម​រ័ក្ស​ជាមួយ​ក្មេង​ស្រី​ជា​សង្សារ ដែល​ជា​អនីតិជន​មិន​ទាន់​គ្រប់​អាយុ​ប្រាកដ​មែន ។ យ៉ាងណាមិញ បច្ចុប្បន្ន​ជនសង្ស័យ ត្រូវ​ឃុំខ្លួន​បណ្ដោះអាសន្ន រង់ចាំ​បន្ត​នីតិវិធី​តាម​ផ្លូវច្បាប់ ។

សូម​បញ្ជាក់​ថា ការ​រួម​ភេទ​ជាមួយ​អនីតិជន​ដែល​មិន​ទាន់​គ្រប់​អាយុ បើ​ទោះបីជា​មានការ​ព្រមព្រៀង​ជាមួយ​គ្នា​ក៏​ដោយ ក៏​ជន​ដែល​បាន​ប្រព្រឹត្តិ ត្រូវ​ទទួលទោស​ទណ្ឌ​ចំពោះ​មុខ​ផ្លូវច្បាប់​ផង​ដែរ ៕