ជញ្ជីង​ថ្លឹង​«​មមីស​មាន់​»


ដើម្បី​ការពារ​ស្ពាន​…​ការពារ​ផ្លូវជាតិ​ទាំងឡាយ​…​ដើម្បី​កុំឱ្យ​មាន​ឈ្មួញ​ដឹក​លើស​ទម្ងន់​…​ឱ្យ​ចេះ​ជួយ​រក្សា​ការពារ​សម្បត្តិ​ជាតិ​…​សមត្តិ​សាធារណៈ​…​រាជរដ្ឋាភិបាល​បាន​ប្រើ​យុទ្ធវិធី​ពិសេស​មួយ​…​ដាក់​ជញ្ជីង​សម្រាប់​ថ្លឹង​រថយន្ត​ដែល​ផ្ទុកទំនិញ​…​មាន​ទីតាំង​ថ្លឹង​​…​​ទីតាំង​សំចត​យ៉ាង​ត្រឹមត្រូវ​​…​​មាន​មន្ត្រី​ស៊ីប្រាក់ខែ​រដ្ឋ​ទៅ​ដេកស៊ី​​…​​ដេក​ធ្វើការ​គួរ​ឱ្យ​កត់​ក្តៅ​​…​​គួរ​ឱ្យ​ទុកចិត្ត​ថា ​ជា​អាជ្ញា​ធរមាន​សមត្ថកិច្ច​​មាន​សមត្ថភាព​​…​។​ល​។

ប៉ុន្តែ​ម្ចាស់​ថ្លៃ​អើយ​​…​​កន្លែង​ខ្លះ​អន់​ដូច​អាចម៍សេះ​ទៅ​ហើយ​​…​​មិន​ចង់​និយាយ​ច្រើន​ទេ​​…​អ្នក​​រកស៊ី​ដឹក​ទំនិញ​ខ្លះ​ត្អូញត្អែរ​មិនដឹង​ទៅ​ប្រាប់​អ្នក​ណា​​…​​ពេល​មក​ដល់​ផ្ទះ​ជញ្ជីង​ត្រូវ​តែ​ចូល​ថ្លឹង​​…​​មិន​ហ៊ាន​រំលង​ទេ​​…​​។​ ​ប៉ុន្តែ​បើ​ឡាន​ត​កន្ទុយ​​…​​ឡាន​យក្ស​មាន​យីហោ​«M»​ដឹក​ទំនិញ​​…​​ដឹកឈើ​​ពេល​មក​ដល់​ផ្ទះ​ជញ្ជីង​ម្តង​ៗ​…​​មាន​សិទ្ធិ​ធំ​ណាស់​ ​អត់​ចូល​ថ្លឹង​ទេ​…​​ឃើញ​ម្ចាស់ផ្ទះ​ជញ្ជីង​រត់​ជាន់​គ្នា​បើក​បា​រ៉ា​ស់​ឱ្យ​ដោយ​សុវត្ថិភាព​ទៅ​ហោង​​…​។

កាល​ដើមខែ​កន្លង​​…​​ឡាន​យក្ស​យីហោ​«M» ផុង​ជាប់​លើ​ផ្លូវជាតិ​លេខ​៨​…​​ក្រោយមក​ទើប​ធ្លាយ​ដំណឹង​ថា​​…​​ផ្ទះ​ជញ្ជីង​អត់​បាន​ថ្លឹង​ទេ​​…​​ដែល​ខ្លះ​ថា​យ៉ាងតិច​ពី​៦០​ទៅ​៧០​តោន​ដឹកឈើ​…​​។ ​ម្ចាស់ផ្ទះ​ជញ្ជីង​ប្រាប់​អ្នកកាសែត​ថា​…​ឡាន​«M» មិន​ព្រម​ចូល​ថ្លឹង​​…​​ពួក​គេ​ក៏​មិន​ហ៊ាន​ដែរ​…​​ខ្លាច​ថ្នាក់លើ​ដេញ​ចេញពីផ្ទះ​ ​ព្រោះ​មិន​ខ្លាច​ឡាន​អ្នកមាន​អំណាច​ ​។ ឱ​ ! ជញ្ជីង​ថ្លឹង​ឡាន​ហើយ​​…​ទុក​ថ្លឹង​«​មមីស​មាន់​»​វិញ​ទៅ​​…​បើ​វា​គ្មាន​តម្លាភាព​​…​​គ្មាន​ន័យ​យ៉ាងនេះ​​…​ឱ​ ! ជញ្ជីង​ថ្លឹង​«​មមីស​មាន់​»​អើយ​…​​អស់​តម្លៃ​រលីង​…​​…​​ហេ​…​​ហេ​ !! ​អា​ឡេវ

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

បរិយាយថ្ងៃនេះ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ