ខេត្តត្បូងឃ្មុំ ៖ ក្រោមការយកចិត្តទុកដាក់របស់សមត្ថកិច្ចគ្រប់លំដាប់ថ្នាក់នោះដោយបានធ្វើការស្រាវជ្រាវយកចិត្តទុកដាក់ដើម្បីតាមប្រមាញ់ក្រុមឃាតករដែលបានកាប់ប្រហារពីរនាក់ប្តីប្រពន្ធស្លាប់យ៉ាងអណោចអាធម័បំផុតក្នុងថ្លុកឈាម ។ ដែលបានកើតឡើងតាំងពីចម្លោះម៉ោង៧ទៅ៨យប់ថ្ងៃទី២០ ខែតុលា ឆ្នាំ២០១៧ ស្ថិតនៅភូមិទី៥ ឃុំរកាខ្នុរ ស្រុកក្រូចឆ្មារ ។
លោកឧត្តមសេនីយ៏ទោ បែន រ័ត្ន ស្នងការនគរបាលខេត្តបានឲ្យដឹងថា ក្រោយពីមានហេតុការណ៏អំពើឃាតកម្មលើពីរនាក់ប្តីប្រពន្ធខាងលើនេះរូបលោកចាត់ឲ្យលោកឧត្តមសេនីយ៏ត្រី ប្រាក់ ប៊ុនណុន ស្នងការរងនគរបាលខេត្តទទួលផែនកណ្តាលព្រហ្មទណ្ឌ លោកវរសេនីយ៏ទោ ចក់ សុខកៅ នាយការិយាល័យព្រហ្មទណ្ឌកំរិតធ្ងន់ខេត្ត ការិយាល័យបច្ចេកទេសវិទ្យាសាស្ត្រខេត្ត ចុះទៅដោយមានកិច្ចសហការជាមួយនឹងអធិការដ្ឋាននគរបាលស្រុកក្រូចឆ្មារដើម្បីស្រាវជ្រាវរកឃាតករដៃដល់នោះ ។ ដោយសារតែមានតម្រុយនោះក្នុងរយៈពេលក្រោយកើតហេតុ៥ថ្ងៃសមត្ថកិច្ចបានបំបែកសំណុំរឿងឃាតកម្មនេះដោយចាប់បានជនសង្ស័យចំនួន២នាក់ក្នុងនោះមានទី១-ឈ្មោះ ជ្រូក ចាន់ ភេទប្រុស អាយុ៤៤ឆ្នាំ ដោយជននេះធ្លាប់ជាប់ពន្ធនាគារ២លើករួចមកហើយ និតទី២-ឈ្មោះ មួន ជ្រាយ ភេទប្រុស អាយុ៤១ឆ្នាំ ជាមុខសញ្ញាលួចប្លន់ជាមួយនឹងជនទី១ កាលពីឆ្នាំ២០១២ រត់គេចខ្លួនបាត់ទើបតែនឹងត្រលប់ចូលមកមូលដ្ឋានវិញក្នុងពេលថ្មីៗនេះ ដោយបានពួនក្នុងពំនូកចំបើងក្បែរផ្ទះរបស់ខ្លួនក៏ត្រូវបានចាប់ខ្លួនតែម្តង ។
សម្រាប់វត្ថុតាងដែលដាក់បន្ទុកលើជនសង្ស័យទាំង២នាក់នេះក្នុងនោះរួមមានដូចជា ដាវ១ដើម ជាប់ស្នាមឈាមមនុស្ស និងទើបលាងសម្អាតតែមិនជ្រះ កណ្តៀវ១ដើមជាប់ស្នាមឈាមហើយ ទើបនឹងសំលៀងបន្ថែមថ្មីៗ កាំបិតផ្គាក់ផ្លែត្រង់១ជាប់ស្នាមឈាមមនុស្ស សំណាកនៅលើដីក្បែរអាងទឹកផ្ទះរបស់ជនសង្ស័យ មានស្នាមឈាមដែលលាងដាវ និងកាំបិតនោះ ៕
ចែករំលែកព័តមាននេះ